Læknablaðið - 01.10.1971, Síða 91

LÆKNABLAÐIÐ
233
starfsemi sjóðsins undanfarið, en breytingar hafa litlar orðið. Eru
veitt fasteignatryggð víxillán til 10 ára með afborgunum á 6 mánaða
fresti. Höfuðstóll nemur nálægt 15 millj. króna, og mun að mestu í
útláni, en árlegar greiðslur í sjóðinn nema nú um 5-6 millj. króna.
Iðgjöld greiða 162, en félagar teljast líklega um 140, þar eð vafa-
samt er um inngöngu allra kandidata, sem iðgjöld greiða. Stjórn
sjóðsins skipa Kjartan Jóhannsson, Jón Gunnlaugsson og Víkingur
Arnórsson, sem er þó að hætta störfum vegna starfa í stjórn L.R.
Reikningar lífeyrissjóðsins lágu ekki fyrir, þótt þeir ættu að miðast
við síðustu áramót, og sætti það talsverðri gagnrýni. Taldi Víkingur
þær ástæður, að skrifstofan væri enn í mótun að lokinni allsherjar-
endurskoðun, dráttur væri á uppgjöri frá Sjúkrasamlagi Reykjavíkur,
auk þess sem erfitt væri að innheimta frá þeim læknum, sem greiða
beint í sjóðinn. Sigmundur Magnússon taldi, að loka ætti reikningum
sjóðsins um áramót, hvernig sem þeir stæðu, og Heimir Bjarnason
og Jón Þorsteinsson töldu lágmarkskröfu, að reikningar og greinar-
gerð um starfsemi sjóðsins væri send læknum fyrir eitt ár, og benti
Jón m. a. á auglýsingargildi þess fyrir sjóðinn. Tók Víkingur undir
þessi atriði öll og kvað þau mundu framkvæmd. Taldi hann aðal-
atriði, hvernig sjóðnum tækist að standa sig miðað við aukna dýrtíð.
KOSNING FASTANEFNDA
a) Samninganefnd. Úr nefndinni gengu Guðmundur H. Þórðarson og
Grímur Jónsson. (Hann átti auk þess ekki að vera í henni, þ. e.
L.í. hefur ekki samningsrétt fyrir svæðisfélag hans). Valgarð
Björnsson og Örn Bjarnason sitja áfram í eitt ár, og auk þeirra
voru kjörnir til tveggja ára, Brynleifur Steingrímsson, formaður,
Konráð Sigurðsson og Heimir Bjarnason (formaður skipaður af
stjórn L.Í.).
b) Orðanefnd. Stjórn L.í. lagði til, að Karl Strand tæki sæti Guðjóns
Jóhannessonar, sem flutzt hefur úr landi, og var það samþykkt.
Auk hans eru í nefndinni Snorri P. Snorrason, Guðsteinn Þengils-
son, Helgi Ingvarsson og Halldór Baldursson.
c) Gerðardómur. Aðalfulltrúar voru endurkjörnir, Grímur Jónsson
og Páll Sigurðsson. Guðmundur Karl Pétursson, varamaður, lézt
á árinu, og var í stað hans kjörinn Gunnlaugur Snædal auk ísleifs
Halldórssonar.
Endurskoðendur voru kjörnir Kjartan Ólafsson og til vara Sigur-
steinn Guðmundsson.
Fundarstaður næsta aðalfundar L.í. árið 1971 var ákveðinn í
Reykjavík.
Ritstjórn Læknablaðsins. Frá L.í. hafa undanfarið starfað Þorkell
Jóhannesson og Karl Strand, sem átti að ganga út, en var endurkjör-
inn til tveggja ára.
STÖRF NEFNDA OG SAMÞYKKTIR
Þrjár nefndir voru kosnar í upphafi fundar til að vinna úr tillög-
um og ábendingum og hugmyndum, sem borizt höfðu stjórn L.í. fyrir
fundinn. Báru formenn nefndanna fram samræmdar og sameinaðar