Læknablaðið - 15.12.1997, Blaðsíða 17

LÆKNABLAÐIÐ 1997; 83
803
Table I. Proportional incidence of congenital heart defects
(CHD) among twins and in control group.
Twins Control group p-value
Incidence of CHD (%) 3.21 1.0 p<0.001
Fig. 1. Ratio of twins with congenital heart defects for each
year of the study period.
Fig. 2. Live born twins in Iceland for each year ofthe study
period.
hjartagalla sem hvorki hefur þurft né mun
þurfa að meðhöndla. Hins vegar voru alvarleg-
ir hjartagallar sem þurft hefur eða mun þurfa
að meðhöndla ýmist með lyfjum eða hjarta-
skurðaðgerð.
Opin fósturæð í fyrirburum (patent ductus
arteriosus, PDA) sem lokaðist fyrir þriggja
vikna aldur. bakfall á míturlokublöðku (mitral
valve prolapse) og tvíblöðku ósæðarloka
(bicuspid aortic valve) voru ekki teknar með
sem meðfæddir hjartagallar í þessu uppgjöri,
en opin fósturæð er algengt vandamál meðal
fyrirbura (14) og tvíburar eru frekar fyrirburar
en önnur börn og hafa því mun oftar opna
fósturæð sökum þess að fæðast ófullburða.
Hvers kyns hjartsláttartruflanir voru heldur
ekki taldar til meðfæddra hjartagalla.
Skráðar voru upplýsingar um hver hjarta-
gallinn var í hverju tilviki, hvaða meðferð
börnin fengu eða þurfa að fá og árangur með-
ferðar hjá þeim börnum sem hana fengu. Dán-
artölur voru skráðar, svo og aldur barnsins við
greiningu, aðgerð og dauða eftir því sem við
átti hverju sinni. Einnig í hvaða landi hjarta-
skurðaðgerðirnar voru framkvæmdar. Auk
þess var kyn barnsins skráð og kyn tvíbura-
systkinis þess.
Reiknað var nýgengi meðfæddra hjartagalla
hjá tvíburum á öllu tímabilinu en einnig sér-
staklega fyrir fyrri og seinni helming tímabils-
ins.
Niðurstöður voru bornar saman við niður-
stöður úr rannsókn Gunnlaugs Sigfússonar og
Hróðmars Helgasonar (1).
Notað var kí-kvaðratspróf og var miðað við
p<0,05 sem marktækan mun.
Leyfi fékkst fyrir rannsókninni hjá tölvu-
nefnd og siðanefnd læknaráðs Landspítalans.
Niðurstöður
1. Fjöldi tvíbura með meðfæddan hjarta-
galla: Á íslandi fæddust 44.562 lifandi börn á
árunum 1986-1995. Af þeim voru 1089 lifandi
fæddir tvíburar eða 2,44 af hverjum 100 (1/41)
fæddum börnum. í hópi lifandi fæddra tvíbura
voru 35 börn sem reyndust hafa meðfæddan
hjartagalla eða 3,21 af hverjum 100 (tafla I). Ef
gengið er út frá því að meðalnýgengi með-
fæddra hjartagalla sé 1,0% í viðmiðunarhópi
kemur í ljós að aukningin á meðfæddum
hjartagöllum meðal tvíbura er tölfræðilega
marktæk (x2=52,9; p<0,001) eins og sjá má í
töflu I. Á myndum 1 og 2 sést hvernig hlutfall
tvíbura með hjartagalla fór vaxandi á tímabil-
inu og hve tvíburafæðingum fjölgaði á sama
tímabili.
Þegar rannsóknartímabilinu var skipt upp í
tvö fimm ára tímabil, 1986-1990 og 1991-1995,
reyndust átta af 375 lifandi fæddum tvíburum
vera með meðfæddan hjartagalla á fyrra tíma-
bilinu eða 2,13%. Á seinna tímabilinu voru 27
af 714 lifandi fæddum tvíburum með meðfædd-
an hjartagalla eða 3,78%. Pessi ntunur milli
tímabilanna tveggja er tölfræðilega marktækur
(X2=9,37; p<0,005) (tafla II).