Læknablaðið - 15.12.1997, Side 58

842
LÆKNABLAÐIÐ 1997; 83
Nýir heiðursfélagar í Svæfínga- og
gjörgæslulæknafélagi Islands
Þórarinn Ólafsson
Á ársþingi Svæfinga- og
gjörgæslulæknafélags Is-
lands 1997 var ákveðið að
gera þá Þórarin Ólafsson og
Braga Níelsson að heiðurs-
félögum í félaginu. Báðir
hafa þeir verið brautryðj-
endur hvor á sinn hátt eins
og fram kemur hér í eftirfar-
andi orðum sem flutt voru af
því tilefni. Þar fjallaði Odd-
ur Fjalldal forstöðulæknir
svæfinga- og gjörgæsludeild-
ar Landspítalans um Þórarin
Ólafsson og Guðmundur
Björnsson svæfinga- og gjör-
gæslulæknir urn fyrrverandi
samstarfsmann sinn Braga
Níelsson. Fara orð þeirra
hér á eftir.
Þórarinn Ólafsson
Mér er það sönn ánægja að
fjalla örstutt um störf Þórarins
Ólafssonar. Þórarinn er fæddur
20. mars 1935 og er því 62 ára
gamall. Þórarinn lauk cand.
med. prófi frá HÍ1961. Eftir það
stundaði hann læknisstörf á
stofnunum og í ýmsum héruð-
um hérlendis. Þórarinn fór til
Danmerkur árið 1966 og hóf
störf við sjúkrahúsið í Sor0 á
Sjálandi. Ári seinna hóf hann
störf við svæfingar á háskóla-
sjúkrahúsinu í Árósum. Hann
var þar aðeins skamman tíma.
Þaðan færði hann sig um set yfir
til Svíþjóðar. Þar starfaði hann
á svæfinga- og gjörgæsludeild
Sahlgrenska sjúkrahússins í
Gautaborg á árunum 1967-1971.
Hann fékk sérfræðiréttindi í
svæfingum og deyfingum árið
1973.
Þórarinn var yfirlæknir við
Central sjukhuset í Vanersborg-
Trollhátten 1972-1976. Um
þetta leyti fór hugurinn að leita
heim og árið 1975 var Þórarinn
skipaður yfirlæknir svæfinga- og
gjörgæsludeildar Landspítalans
og síðar forstöðulæknir þeirrar
deildar. Hann var formaður Fé-
lags íslenskra svæfingalækna
1976-1978 og í stjórn Nordisk
Anestesiologisk Förening 1976-
1979. Hann hefur auk þess setið
í fjölda stjórna og nefnda bæði
hérlendis og erlendis.
Saga svæfinga á Islandi er
samofin lífi Þórarins. Hann er
einn af frumkvöðlum nútíma-
svæfinga á íslandi og hefur átt
stóran þátt í að vekja áhuga
ungra lækna á þessari sérgrein
og hefja hana til vegs og virðing-
ar.
Ég átti þess kost að vera með
Þórarni í fyrsta sinn á erlendri
grund síðastliðið vor þegar við
fórum á Evrópuþing barnasvæf-
ingalækna í París. Þótt heilsan
væri bágborin mátti glöggt sjá
að hér var Þórarinn í essinu
sínu. Hinn mikli fjöldi kollega
sem fagnaði honum og þurfti að
spjalla við hann sýndi mér
hversu mikilvægur hann er og
hefur verið fyrir þessa sérgrein á
íslandi. Hann hefur á sinn ein-
staka hátt skapað sér og sér-
grein okkar mikilvæg sambönd
um allan heim sem margir í okk-
ar hópi hafa notið góðs af, enda
Þórarinn alltaf reiðubúinn að
taka upp símtólið og láta hlutina
hreinlega gerast eins og honum
er einum lagið.
Það er því vel við hæfi að
Þórarinn er gerður að heiðurs-
félaga í Svæfinga- og gjörgæslu-
læknafélagi íslands.
Hann dvelur nú á Grensás-
deild Sjúkrahúss Reykjavíkur.