Læknablaðið - 15.12.1997, Blaðsíða 73
LÆKNABLAÐIÐ 1997; 83
855
Samtök íslenskra lækna í Danmörku
Þann 1. nóvember síðastlið-
inn hittust 10 íslenskir læknar í
Jónshúsi í Kaupmannahöfn,
undir vökrum augum Jóns Sig-
urðssonar. Tilefnið var ekki að
efla sjálfstæðisbaráttu Íslend-
inga gagnvart Danadrottningu,
heldur stofna félagsskap ís-
lenskra lækna í Danmörku. Fé-
lagsskapurinn hlaut nafnið
Samtök íslenskra lækna í Dan-
mörku, skamnrstafað SÍLD, og
útleggst á dönsku Selskap for
Islandske læger i Danmark
(SILD). Nafnið þótti óneitan-
lega minna á gamla Frón og
tengja saman þessi tvö lönd í
nútíð og fortíð. Kosin var stjórn
þar sem Gunnar Gíslason var
valinn formaður, Kristján Osk-
arsson ritari, Kristín Jónsdóttir
gjaldkeri og Helgi Birgisson og
Jakob Jónasson meðstjórnend-
ur.
Samtökin hafa að markmiði
að standa vörð um hagsmuni ís-
lenskra lækna í Danmörku,
annast samskipti við íslenska
lækna sem hafa hug á vinnu í
Danmörku og stuðla að heil-
brigði og forvörnum gegn sjúk-
dómum. í anda þess var sett á
stofn reykingavarnanefnd sem
meðal annars hefur það mark-
mið að efla vitund danskra kol-
lega gagnvart þeirri heilsuvá
sem reykingar og tóbak eru.
Formaður þeirrar nefndar er
Halla Skúladóttir en með henni
í nefndinni eru Margrét J.
Loftsdóttir og Gunnar Gísla-
son. Samtökin hafa einnig að
markmiði að sækja um aðild að
Læknafélagi íslands. Áhuga-
samir um samtökin geta haft
samband við formann samtak-
anna GunnarH. Gíslason, sími;
+ 45-54-82-38-39 og netfang:
gunngis@post6.tele.dk
Frá stofnfundi SÍLD1. nóvember 1997. Frá vinstri: Krist ján Óskars-
son ritari, Sigurður Skarphéðinsson, Gunnar H. Gíslason formað-
ur, Jón Sigurðsson forseti, Hugrún Þorsteinsdóttir, Margrét J.
Loftsdóttir, Halla Skúladóttir formaður reykingavarnanefndar,
Kristín Jónsdóttir gjaldkeri, Helgi Birgisson og Jakob Jóhannsson
meðstjórnendur. Á myndina vantar Arnar Ástráðsson.
Jóladvöl í
Heilsustofnun NLFÍ í
Hveragerði
Á seinni árum hefur borið
á vaxandi áhuga á, sérstak-
lega hjá eldra fólki og ein-
stæðingum, að dvelja í stofn-
uninni yfir jól og áramót. Nú
hefur verið skipulögð sér-
stök jóladagskrá sem byggir
á léttri endurhæfingu,
fræðslu og virku félagslífi.
Hafin er bókun fyrir þá sem
hafa hug á að koma á þessum
tíma og er dvalartíminn frá
15. desember fram í byrjun
janúar. Rétt þykir að benda
læknum á þennan möguleika
og sækja um fyrir skjólstæð-
inga sína tímanlega.
Framkvæmdastjórn