Dagblaðið Vísir - DV - 11.05.2007, Blaðsíða 22

Frægð og frami Ellýjar Ámanns, sjónvarpsþul-
unnar góðkunnu, á Moggablogginu fer líklega ekki
hjá neinum sem fylgist með fjölmiðlum. Smásög-
ur hennar með hinu sígilda stefi um glímu synd-
ar og samvisku eru vinsælasta lesefni þjóðarinn-
ar um þessar mundir.
Höfundurinn er jafn-
an í hlutverki hinnar
siðprúðu maddömu, en okkur lesendur grunar að
undir niðri búi ólgandi tilfinningar og lífsreynsla
sem bíði þess eins að finna sér hömlulausan far-
veg. Kannski er það ástæðan fyrir því að við mæt-
um aftur og aftur á sömu slóðina.
Það kann að vera rétt sem vel lesnir og lærðir
bókamenn segja, að þetta sé ekki hávaxnasti gróð-
urinn í skrúðgarði andans. En það skiptir ekki máli.
Ellý Ármanns er áreiðanlega bara að skemmta okk-
ur og njóta lífsins sjálf. Skáldin geta sofið róleg; hún
ætlar örugglega ekki að keppa við þá um styrkina.
En hitt held ég að rétt sé að
staldra við, hver lærdómurinn er af
öllum þessa áhuga.
Ég held að fólk vilji fjölmiðla
sem segja ekki bara fréttir af hvers-
dagsheiminum. Þau eru ágæt Geir
og Þorgerður Katrín, Össur og Ingi-
björg Sólrún, Bill og Hillary Clinton.
En við viljum líka sögur úr heimi
hugar, tilfinninga og ímyndana. Við
viljum líka lesa um Kjartan, Bolla og
Guðrúnu, Eyvind og Höllu, Rómeó og Júlíu. Og hið
ljósa man sem kaus heldur þann versta en þann
næstbesta.
Það er kannski erfitt að trúa því en sannleik-
urinn er sá að einu sinni voru dagblöð og tímarit
helsti vettvangur bókmennta í þjóðfélaginu. Það
var þar sem skáldin, jafnt á Íslandi sem utanlands,
kvöddu sér hljóðs á blómaöld blaðanna á 19. öld
og öndverðri 20. öld. Blöðin birtu reglulega, jafn-
vel í hverju tölublaði, smásögur og ljóð. Þetta var
gjarnan á forsíðunni eða öðrum áberandi stað. Og
lengri sögur voru birtar sem framhaldsefni neðan-
máls (eins og það hét). Þannig fundu þeir lesend-
ur, Dickens og Tolstoy, Halldór Laxness og Jóhann
Jónsson, og allir hinir. Til eru menn, ekki ýkja aldr-
aðir, sem muna þá tíma að íslensku dagblöðin, til
dæmis Morgunblaðið og Vísir, buðu lesendum upp
á daglegar framhaldssögur.
Á bókmenntatíma blaðanna voru ritstjórarnir
skáld og menningarfrömuðir, smekkmenn á fagrar
listir og gott lesmál. Í því sambandi
má rifja upp að þjóðskáldin okkar,
menn einsog Matthías Jochumsson
og Þorsteinn Erlingsson ritstýrðu
stórum og útbreiddum blöðum á
sinni tíð. Líklega er Matthías Jo-
hannessen, fyrrverandi ritstjóri
Morgunblaðsins, síðasti fulltrúi
þessarar hefðar. Það var hann sem
gerði Morgunblaðið að stórveldi á
Íslandi.
Ekki er útilokað að skáldskapurinn fái á ný sinn
sess í fjölmiðlunum. Um það eru raunar ýmsar vís-
bendingar. Ekki bara Ellý Ármanns á Íslandi. Smá-
sögur eru farnar að sjást á ný í erlendum dagblöðum
og jafnvel á fréttavefjum stórra fjölmiðlafyrirtækja.
Nýja íslenska fríblaðið í Boston hefur smásögu
daglega á boðstólum. Kannski rennur sú stund upp
fyrr en varir að það þyki sjálfsagt að frumort ljóð
dagsins verði á forsíðum dagblaðanna.
Kannski eiga skáldin og bókmenntirnar eftir að
snúa aftur á fornar slóðir í nýjum heimi. Mér finnst
að þau ættu að gera það.
föstudagur 11. maí 200722 Umræða DV
Ósköp er margt líkt með stjórnmálamönnunum. Í DV er ekki
aðeins sagt frá einstökum rausnarskap ráðherra síðustu daga fyr-
ir kosningar, það er rausnarskap með almannasjóði, en ráðherrar
hafa skuldbundið ríkissjóð fyrir milljarða króna síðustu daga. Oftast
til að freista þess að fá góða kosningu.
Aðrir þingmenn hafa nýtt sér forréttindi og sagt er frá því í DV.
Tveir af þingmönnum Framsóknarflokksins, Guðjón Ólafur Jóns-
son og Sæunn Stefánsdóttir, boðuðu opnun kosningaskrifstofu
sinnar með því að senda boðsbréf til tvö þúsund félagsmanna. Bréf-
ið var ritað á bréfsefni Alþingis, fært í umslag Alþingis og kostað af
Alþingi. Aðspurð sagði Sæunn þetta háttalag fullkomlega eðlilegt
og að það rúmaðist innan heimilda þingmanna til að kynna mál-
efni sín fyrir stuðningsmönnum sínum. „Efni bréfsins var meira en
það að kynna kosningaskrifstofu
okkar. Þingmenn hafa heimild til
að vera í sambandi við kjósendur
og senda bréf til stuðningsmanna
sinna til að kynna sínar áhersl-
ur. Ég álít þetta vera hluta þeirr-
ar heimildar og ekki einsdæmi í
þingsögunni,“ sagði Sæunn við
DV. „Að mínu mati er þetta fullkomlega eðlilegur liður í því að vera í
sambandi við kjósendur og innan heimildar þingmanna. Bréfið var
aðeins sent til okkar stuðningsmanna í Reykjavík og að frumkvæði
okkar Guðjóns Ólafs. Í staðinn fyrir að senda tvö bréf ákváðum við
að sameinast um þetta bréf. Ég veit um fjölda slíkra dæma hjá þing-
mönnum á þessum vetri án þess að ég sé þannig gerð að gefa upp
hverjir það eru.“
Jón Bjarnason, þingmaður vinstri grænna, býr í bæjaríbúð á
Blönduósi þar sem hann borgar langtum minna í leigu en Alþingi
borgar honum í húsaleigustyrk. Þingmaðurinn hagnast því um tugi
þúsunda króna um hver mánaðamót þar sem leigan, sem er eflaust
niðurgreidd af öðrum bæjarbúum, er lægri en framlag Íslendinga
til Jóns. Á sama tíma bíða fjölskyldur á Blönduósi eftir lausn á hús-
næðisvanda. Þannig er þetta. Ekki er nema von að tiltrú fólks til
þingmanna sé ekki mikil og ekki er rétt að gera ráð fyrir að hún auk-
ist þegar upplýsingar um sjálftöku og forréttindi upplýsast. Hægt og
bítandi verður komið nóg. Það mun taka tíma.
Ekki er mikil von til að nýtt Alþingi verði um allt siðavandara en
það sem nú kveður. Það er skylda fjölmiðla að standa vaktina og
benda á forréttindin. Það verður gert, þingheimi til armæðu.
Sigurjón M. Egilsson
Forréttindi
Skáldin ættu að snúa aftur
Kjallari
Brautarholti 26 · 105 Reykjavík · 512 7000 · dv@dv.is
DV greiðir 2.500 krónur fyrir þau fréttaskot sem
leiða til frétta. Fyrir besta fréttaskot hverrar viku
eru greiddar 5.000 krónur og 10.000 fyrir besta
fréttaskot mánaðarins.
512 7070
frettaskot@dv.is
Ekki er mikil von til að
nýtt Alþingi verði um
allt siðavandara en það
sem nú kveður.
ÚtgáFuFélag: Dagblaðið-Vísir útgáfufélag ehf.
StjórnarFormaður: Hreinn loftsson FramkVæmDaStjóri: Hjálmar Blöndal
ritStjóri og áByrgðarmaður: Sigurjón m. Egilsson
FulltrÚi ritStjóra: janus Sigurjónsson
Magaást
Stjórnmála-
flokkarnir
keppa um at-
kvæði kjós-
enda og beita
margvíslegum
aðferðum. Á
Ísafirði virðast
menn trúa að
leiðin að hjarta
kjósandans
liggi sömu leið og leiðin að hjarta
mannsins, nefnilega í gegnum
maga hans. Sjálfstæðismenn
bjóða í súpu og Samfylkingin býð-
ur í plokkfisk. Reyndar fylgir Jón
Baldvin Hannibalsson í kaup-
bæti hjá Samfylkingunni þótt ekki
sé hann í framboði.
Galna könnunin
Björn Ingi Hrafnsson, borg-
arfulltrúi framsóknar, kvartar
undan því að könnun sem sýnir
mikla fylgisaukn-
ingu flokks síns
skuli dregin í efa.
Sumir telja þó að
þarna sé komin
galna könnunin
sem sumir kalla.
Samkvæmt töl-
fræðinni er ein
af hverjum 20
könnunum lík-
lega röng. Þannig mældist Sam-
fylkingin eitt sinn með 45 pró-
senta fylgi fyrir síðustu kosningar.
Spurning hvort svipað sé uppi á
teningunum núna?
Geir á skyrtunni
Eitt hressilegasta
kosningasjón-
varpið í þess-
ari atrennu var
haldið á Stöð 2
í fyrrakvöld. Var
haft á orði að loks-
ins væri komið
líf í kosningabar-
áttuna. Það sem
vakti þó einna mestu athyglina
var yfirheyrsla Egils Helgason-
ar yfir Geir H. Haarde forsætis-
ráðherra. Meðal þess sem hann
spurði Geir var: „Geir, af hverju
ertu svona oft á skyrtunni?“ Loks-
ins er kominn fréttamaður sem
þorir að spyrja erfiðra spurninga!
Þvílík áræðni hefur vart sést í ís-
lenskri fréttamennsku.
SandKorn
Umbrot: dV. Prentvinnsla: Prentsmiðja morgunblaðsins. Dreifing: Árvakur. dV áskilur sér rétt til að
birta aðsent efni blaðsins á stafrænu formi og í gagnabönkum án endurgjalds. öll viðtöl blaðsins eru hljóðrituð.
FréttaStjóri: Brynjólfur Þór guðmundsson
aðStoðarritjóri: Sigríður Dögg auðunsdóttir auglýSingaStjóri: auður Húnfjörð
GUÐMUNDUR MAGNÚSSON
sagnfræðingur skrifar
Ekki er útilokað að skáldskap-
urinn fái á ný sinn sess í fjöl-
miðlunum. Um það eru raunar
ýmsar vísbendingar. Ekki bara
Ellý Ármanns á Íslandi.
HPI Savage X 4,1 RTR
Fja stýrður bensín-torfærutrukkur
Nú á lækkuðu verði 48.900,-
Tómstundahúsið
Nethyl 2
Sími 5870600
www.tomstundahusid.is
HUGLEIKUR