Stefnir: tímarit um þjóðmál og fleira. - 01.04.1931, Blaðsíða 38

132
Heinrich Schliemann.
[Stefnir
ið. í Pétursborg hófst Schlie-
mann brátt til hins mesta vegs
og virðinga. Vann hann sér
hvarvetna hið bezta orð, fyrir
skyldurækni sína, samvizkusemi
og fádæma dugnað. Vegna
gætni sinnar og hagsýni, grædd-
ist honum nú brátt of fjár. Leið
eigi á löngu, þar til hann var
kominn í tölu hinna auðugustu
og bezt metnu fésýslumanna álf-
unnar. En hversu mikið sem
hann vann og græddi, þá var þó
námið aðalstarf hans. Hugur
hans var allur, enn sem fyrr, við
hið mikla hlutverk, er hann ætl-
aði að leysa af hendi. Hann var
nú kominn yfir fertugt, er hann
tók að leggja stund á grísku,
fyrst nýgrísku, síðan forngrísku.
Loksins gat hann nú veitt sér þá
ánægju, að lesa Hómer sinn á
frummálinu. Fyrsta takmarkinu
var náð.
Árið 1864 tókst Schliemann
ferð á hendur umhverfis jörð-
ina. 1 för þeirri kynntist hann
siðum og lifnaðarháttum ýmsra
þjóða. Á leiðinni yfir Kyrrahaf-
ið reit hann hið fyrsta rit sitt á
frönsku: ,,Um Kína og Japan“.
Vorið 1866 settist hann um kyrrt
í París. Dvaldi hann þar um all-
langt skeið og lagði stund á forn-
leifafræði. Loks var nú runninn
upp sá dagur, að hann áleit sig
færan um, að efna æskuheit sitt.
II.
Árið 1868 hélt Schliemann á-
.leiðis til Grikklands og Litlu-
Asíu með Hómer sinn í hendinni.
Fullur af björtum vonum og
heilögum eldnióði, var hann ráð-
inn í, að berjast til sigurs fyrir
hugsjónum sínum. Líkt og faðir
hans, presturinn, trúði guðspjöll-
unum orð fyrir orð, eins trúði
Schliemann Hómer. Engin efa-
semd virðist nokkru sinni hafa
truflað þá sannfæringu hans, að
hann myndi finna Trójuborg. En
hvar var hennar að leita? Eng-
inn vissi í rauninni með nokkurri
vissu, hvar Trója hefði verið. Að
áliti vísindamanna myndi henn-
ar helzt vera að leita í nánd við
tyrkneska þorpið Bunarabaschi
við Hellusundið, á norðvestur-
strönd Litlu-Asíu, 10 km. frá
sjó, þar sem skemmst er. Schlie-
mann lét allar slíkar tilgátur sem
vind um eyrun þjóta. Að sögn
Hómers var hægt að eygja skip
Grikkja, úti við ströndina, fra
borgarkastalanum. Trója hlaut
því að hafa staðið langtum nser
sjónum, svo framarlega sem Hó-
mer segði rétt frá. Allar leitun-
artilraunir í nánd við Bunaraba-