Sveitarstjórnarmál - 01.12.1996, Qupperneq 13

FJARMAL
Stofnframkvæmdir í grunnskólum meö
2000 íbúa og yfir
Auk rekstrarframlaga jöfnunarsjóðs vegna flutnings
grunnskólans var gert samkomulag milli ríkisins og
sveitarfélaganna um sérstakan stuðning ríkisins og Jöfn-
unarsjóðs sveitarfélaga vegna stofnframkvæmda í
grunnskólum sveitarfélaga með 2000 íbúa og þar yfir.
Á árunum 1997-2001 greiðir ríkissjóður allt að 265
millj. kr. á ári til Jöfnunarsjóðs sveitarfélaga til að
styrkja framkvæmdir við grunnskólabyggingar. Fram-
lagið verður greitt sjóðnum með jöfnum mánaðarlegum
greiðslum fyrir 15. hvers mánaðar. Til viðbótar leggur
jöfnunarsjóðurinn fram í sama skyni á árunum
1997-2002 135 millj. kr. á ári. Þetta er fjármagn sem
hefur gengið til Lánasjóðs sveitarfélaga en aðilar komu
sér saman um að gengi til þessa verkefnis á þessu til-
tekna árabili.
Framlögum þessum skal varið til að greiða allt að
20% af normkostnaði við grunnskólabyggingar í sveit-
arfélögum með 2.000 íbúa og þar yfir á árunum
1997-2002. Ákvörðun um normkostnað skal byggjast á
reglum sem menntamálaráðherra setur á grundvelli 20.
gr. laga um grunnskóla, nr. 66/1995, með síðari breyt-
ingum.
Umsóknir vegna framkvæmda þessara sveitarfélaga á
næsta ári liggja nú fyrir. Þar er gert ráð fyrir fram-
kvæmdum upp á 2.046 milljónir króna sem þýðir þá
framlög jöfnunarsjóðsins upp á 409 millj. kr. Reynslan
sýnir að framkvæmdir verða yfirleitt heldur minni en
áætlað er þannig að ekki virðist ástæða til að ætla annað
en jöfnunarsjóðurinn geti þarna staðið við sinn hlut. Úr-
vinnsla þessara umsókna stendur nú yfir og verður henni
hraðað eftir föngum.
í þessu sambandi er rétt að taka skýrt frarn að þessi
sérstöku framlög til sveitarfélaga með yfir 2000 íbúa
eiga ekki að skerða á neinn hátt framlögin til byggingar
grunnskóla í sveitarfélögum með innan við 2000 íbúa.
Samband íslenskra sveitarfélaga, Lánasjóður sveitarfé-
laga og jöfnunarsjóðurinn eru sammála um að þessar
skólabyggingar verði forgangsverkefni hvað fjármögnun
varðar næstu árin.
Lokaorö
Hér að framan hefur í aðalatriðum verið gerð grein
fyrir upplýsingaefni sem þegar hefur verið dreift til
sveitarfélaganna bæði frá Jöfnunarsjóði sveitarfélaga og
Sambandi íslenskra sveitarfélaga.
Samning reglugerða og starfsreglna sem að þessu
verkefni lúta hefur verið vandasamt verkefni og í raun
brautryðjendastarf. Það hafa mjög margir komið að
þessu verkefni bæði frá Sambandi íslenskra sveitarfélaga
og jöfnunarsjóðnum auk ýmissa sérfróðra aðila sem hafa
verið til kallaðir. Ég ætla ekki að nafngreina þessa aðila
hér en allir eiga þeir miklar þakkir skildar.
Ég held líka að það sé rétt að það komi fram að í allri
þessari vinnu hafa menn ávallt náð sameiginlegri niður-
stöðu og ég tel það skipta miklu máli varðandi framhald-
ið.
Þetta fyrsta skólaár með hinu nýja fyrirkomulagi er
reynslutími og að því loknu verða menn að vera tilbúnir
að gera þær breytingar sem nauðsynlegar kunna að vera
til að ná settum markmiðum varðandi jöfnunaraðgerðirn-
ar.
VERKASKIPTING RÍKIS OG SVEITARFÉLAGA
Málefni fallaðra til svei
Á fundi stjórnar sambandsins
hinn 30. október var lagt fram bréf
endurskoðunamefndar laga um mál-
efni fatlaðra þar sem óskað var eftir
áliti stjómar sambandsins á flutningi
á þjónustu við fatlaða frá ríki til
sveitarfélaga.
Stjórnin samþykkti svofellda bók-
un um málið:
„Stjórnin telur ekki koma til
greina að flytja flutning á þjónustu
við fatlaða frá ríki til sveitarfélaga í
áföngum. Lagt er til að skipuð verði
verkefnisstjórn fulltrúa ríkis, sveit-
tarfélaga 1. janúar 1999
arfélaga og hagsmunasamtaka sem
vinni að tillögugerð um flutning alls
málaflokksins og tekna frá ríki til
sveitarfélaga til að mæta öllum
kostnaði. I ljósi þess að nokkur
reynslusveitarfélög eru nú að yfir-
taka verkefni á sviði málefna fatl-
aðra af ríkinu telur stjórnin rétt að
verkefnisstjórn verði gefinn góður
tími til að vinna að málinu en að
stefnt verði að niðurstöðu á árinu
1998 þannig að verkefnaflutningur
geti átt sér stað 1. janúar 1999 ef
full sátt næst milli aðila þar um.“
Einhliða ákvörðun um að
hætta stuðningi við refa-
veiðar mútmælt
I frumvarpi til fjárlaga fyrir árið
1997 er gert ráð fyrir að ríkissjóður
hætti þátttöku sinni í kostnaði við
refaveiðar. í tilefni af því gerði
stjórnin svofellda bókun á sama
fundi sínum hinn 30. október:
„Stjórnin mótmælir harðlega
þeim einhliða breytingum á fjár-
málalegum samskiptum ríkis og
sveitarfélaga sem feíast í áformum
ríkisins að hætta þátttöku í kostnaði
við eyðingu refa á árinu 1997.“
203