Sveitarstjórnarmál - 01.12.1996, Síða 33

ERLEND SAMSKIPTI
þar sem 49 franskir sjómenn eru grafnir, og minnisvarði
um þá frönsku sjómenn sem fórust hér við land. Meðal
þcirra húsa sem Frakkar reistu og enn standa er fyrsta
sjúkraskýlið sem reist var árið 1897, nú íbúðarhúsið
Grund. Byggð var kapella við húsið árið 1901, sem síð-
ar var rifin frá og notuð sem efri hæð á Dagsbrún sem
nú hýsir raftækjaverkstæði Guðmundar Hallgrímssonar.
Seinna var svo sjúkraskýlið gert að sjómannaheimili
Frakkanna. Arið 1904 var síðan reist sjúkrahús með 17
rúmum í þremur 5 manna stofum auk einangrunarstofu
fyrir berkla- og taugaveikisjúklinga og íbúð fyrir lækni
og fjölskyldu hans. Þetta sjúkrahús þjónaði jafnt Frökk-
unum og almenningi hér í firðinum. Þar var stigið stórt
skref í heilbrigðismálum okkar Fáskrúðsfirðinga. Þetta
hús var síðar flutt á sjó yfir fjörðinn og notað sem fjöl-
býlishús í Hafnarnesi jtar sem það stendur enn í dag, en í
mikilli niðumíðslu. Arið 1906 reistu þeir svo myndar-
legt íbúðarhús fyrir konsúlinn sinn hér á staðnum, Ge-
org Georgsson, sem einnig var læknir við sjúkrahúsið.
Þetta hús hefur verið gert upp og hýsir nú skrifstofur
sveitarfélagsins, ásamt fundaraðstöðu, og draumurinn er
nú að koma þar fyrir, á efri hæð hússins, safni muna og
ntynda sem tilheyra þessum tíma í sögu okkar.
A haustdögum 1995 kom upp sú stórsnjalla hugmynd
lijá ferðamálanefnd Búðahrepps að halda hér bæjarhátíð
til að minnast veru franskra skútusjómanna hér við land.
Eftir stranga fundasetu allan sl. vetur var ákveðið að
hafa hátíðina helgargleði undir nafninu „Franskir dagar
á Fáskrúðstirði" og stóðu að henni sameinaðar nefndir
ferða- og menningarmála á staðnum. í hálfan mánuð
fyrir hátíðina voru hér stödd hjá okkur nokkur frönsk
ungmenni ásamt ljósmyndara og blaðamanni á vegum
samtaka í Frakklandi (INSERM) sem hafa mikinn
áhuga á að gera upp gamla sjúkrahúsið. Þessi ungmenni
unnu í sjálfboðavinnu við að hreinsa út úr spítalanum,
sem var ærinn starfi, og einnig tóku þau til hendinni á
lofti Ráðhússins þar sem þau komu fyrir safni mynda og
Franskur sjómaöur viö skip sitt fast í is úti fyrir þorpinu á Buö-
um.
Landsliö íslands og Frakklands í vináttulandsleik franskra
daga. íslendingar klæddir rauöu en Frakkar hvítu. Á myndinni
eru líka óboönir gestir sem trufluöu leikinn. Myndina tók Hákon
Magnússon.
Pvottadagur hjá frönsku sjómönnunum.
Fyrsta sjúkraskýlið sem Frakkar reistu á Búöum ásamt kapellu,
nú íbúöarhúsiö Grund, reist áriö 1897.
223