Uppeldi og menntun - 01.01.2014, Qupperneq 121

Uppeldi og menntUn/icelandic JoUrnal of edUcation 23(1) 2014 121
HrUnD HLöðversDÓTTir og gUnnÞÓr eyfjörð gUnnÞÓrsson
að vekja okkur til umhugsunar um mikilvægi leiksins í skólastarfi beggja skólastig-
anna og að margar hliðar eru á leikforminu sem allar eru börnum mikilvægar í námi.
Í leik fær barn að njóta þess sem það kann. Hann er lífstjáning barnsins og leið þess
til að læra.
VangaVEltUr HÖfUnDa grEinarinnar
Gunnþór ¹
Við lestur bókarinnar fann ég margt sem getur gagnast mér í vinnu minni sem skóla-
stjóri leik- og grunnskóla og við þróun hans, með það markmið að skapa samfellu í
námi barna. Eins og kemur fram á bls. 11 er menning leikskóla og grunnskóla töluvert
mismunandi, t.d. ólík námskrá og kennsluaðferðir, og umhverfið eða umgjörðin eru
ólík. Eins eru sérstök lög og reglugerðir um skólastigin. Þó svo að á Íslandi sé nú
sameiginlegur kafli um skólastigin (leik- og grunn-) í aðalnámskrám og leikskólinn sé
viðurkenndur sem fyrsta skólastigið eru vissulega önnur lögmál sem gilda um skóla-
skylduna á grunnskólastigi.
Í Árskógarskóla er umgjörðin ekki ólík milli skólastiganna, heldur sú sama þar
sem allur skólinn er undir saman þaki og einn skólastjóri. Félagslegt samhengi er
einungis lagalegt, þ.e. þjónusta leikskólastigs gagnvart foreldrum og lagaleg skóla-
skylda grunnskólastigs gagnvart nemendum.Við kjósum að horfa á þetta í samhengi:
Skólinn sinnir öllum með námi og þroska sem fæst með leik, fjölbreytni í kennslu-
háttum og aðstæðum til náms úti og inni. Allar upplýsingar um hvern nemanda eru
aðgengilegar kennurum á báðum skólastigum og þannig er sífellt byggt á fyrra námi
og reynslu. Það þarf ekki kynningu á grunnskólanum fyrir börnin þegar þau komast
á grunnskólaaldur hjá okkur heldur er í skólanum gagnkvæm blöndun og samspil
þar sem aðferðum leik- og grunnskólans er blandað saman. Það besta og það sem er
talið það heppilegasta hverju sinni er valið svo sem flestir njóti sín í leik og námi sam-
kvæmt þroska en ekki árgangi.
Við lestur bókarinnar sá ég aukin tækifæri til að kenna stærðfræðihugtök með
kubbaleik í vinnu með nemendum á mótum skólastiganna, þ.e. elsta árgangi leik-
skólastigs og 1. bekk. Þessir hópar eru saman einu í viku í samkennslu með áherslu
á samtvinnað leikskóla- og byrjendalæsi. Í 3. og 4. kafla er fjallað um hugmyndir
kennara um stærðfræðinám og leik og byggingaleik í stærðfræðinámi. Þeir kaflar eru
gott innlegg í þá samræðu sem leik- og grunnskólakennarar eru í og ákveðin leið til að
skapa sameiginlega sýn og faglega orðræðu á mótum skólastiganna.
Hrund ²
Frá útskrift úr Kennaraháskóla Íslands árið 1997 hef ég starfað í fjórum grunnskólum
og einum leikskóla. Í fyrstu starfaði ég sem yngsta stigs kennari í grunnskóla og þá
vann ég að því að skapa samfellu milli skólastiganna tveggja. Síðar hef ég starfað sem
deildarstjóri yngra og eldra stigs, verið stjórnandi leikskóla og nú er ég skólastjóri.