Morgunblaðið - 16.03.2012, Blaðsíða 46

46 MENNING
MORGUNBLAÐIÐ FÖSTUDAGUR 16. MARS 2012
Hugrún Björnsdóttir
hugrunbj@gmail.com
Hljómsveitin Moses Hightower var
stofnuð árið 2007 og gaf út sína
fyrstu plötu, Búum til börn, árið
2010 við góðar undirtektir lands-
manna. Sveitin vinnur nú að nýrri
plötu sem er væntanleg í búðir um
mitt sumar. Í gær tilkynnti tónlist-
arsjóðurinn Kraumur úthlutun til
listamanna og verkefna fyrir árið
2012, en Moses Hightower hlaut
hálfrar milljóna króna styrk.
Hljómsveitina skipa Andri Ólafs-
son, bassaleikari og söngvari, Daní-
el Friðrik Böðvarsson gítarleikari,
Magnús Trygvason Eliassen
trommuleikari og Steingrímur Karl
Teague, hljómborðsleikari og
söngvari.
Stutt og stressandi vinnuferli
Strákarnir hafa að undanförnu
nýtt vel þann tíma sem þeir hafa
saman til að vinna að nýju plötunni
að sögn Daníels gítarleikara því
tveir meðlimir hljómsveitarinnar
búa erlendis. „Við náðum að hittast
á landinu núna í rétt rúma viku. Þá
var bara stíft ferli þar sem það var
æft í nokkra daga og svo ekki nema
þrír dagar í stúdíóinu og svo þurfti
Andri að rjúka til útlanda. Þetta
var svona stressandi ferli sem ég
mæli ekkert endilega með.“ Vinnu-
ferlið við nýju plötuna er talsvert
ólíkt því sem það var við gerð fyrri
plötunnar. ,,Þá fórum við allir sam-
an upp í sveit og vorum bara þar
slakir í viku þar sem við vorum að
gera þetta á þægilegu tempói. Þetta
var svolítið öfugt núna,“ segir Daní-
el en bætir við að sveitin sé nú ein-
beittari og viti betur hvað hún vilji
gera. „Hin platan var mjög leitandi
því við vissum ekkert hvað hún yrði
eða hvað við vorum að spá, þetta
var svolítið ný pæling. Núna höfum
við náð að fanga okkar hljóm mætti
segja og erum aðeins fókuseraðri.“
Platan verður tekin upp í stúdíói
hjá Magnúsi Øder sem vann einnig
með sveitinni við gerð síðustu plöt-
unnar. Þar verður tekið upp á seg-
ulbandstæki á gamla mátann. ,,Það
er skemmtilegur vinkill að taka
þetta upp á band, það gefur þessu
dálítið öðruvísi hljóm.“
Tónleikahald í lok júlí
Moses Hightower hlaut sem fyrr
segir styrk úr tónlistarsjóði
Kraums til innlendra verkefna.
Strákarnir ætla að nýta styrkinn til
að fara í tónleikaferð um Ísland og
kynna nýju plötuna. ,,Ferðin er
svona þokkalega kortlögð og við
komum fram á Akureyri, Ísafirði og
Egilsstöðum. Það er talað um að
halda svona fimm til sex tónleika.“
Daníel gerir ráð fyrir að platan
verði tilbúin í lok júní eða byrjun
júlí og að tónleikahald fari á fullt í
lok júlí.
Höfundur er meistaranemi í blaða- og
fréttamennsku við Háskóla Íslands.
Upp á gamla mátann
 Moses Hightower gefur út nýja plötu um mitt sumar
 Sveitin heldur af stað í tónleikaferð um Ísland í lok júlí
Morgunblaðið/Ernir
Moses Hightower „Núna höfum við náð að fanga okkar hljóm mætti segja og erum aðeins fókuseraðri,“ segir
Daníel Friðrik Böðvarsson gítarleikari Moses Hightower. Von er á nýrri plötu frá þessari vinsælu sveit í sumar.
Spekingarnir þrír í bílaþáttunum
vinsælu Top Gear, sem hafa farið
sigurför um heiminn og eru án
nokkurs vafa þeir vinsælustu í
heimi í dag, hafa viðurkennt að þeir
sviðsettu umferðaröngþveiti þegar
þeir reynslukeyrðu Ferrari Cali-
fornia Spider í eigu Chris Evans.
Það var „Kapteinn hægfara“,
James May, sem sá um að aka bif-
reiðinni, sem hann hafði lofað að
kæmi óskemmd aftur til eiganda
síns enda verðmiðinn á bíl sem
þessum um einn milljarður króna.
Samkvæmt upplýsingum frá BBC
sem framleiðir og sýnir þættina
kom aldrei til greina að fara með
jafnsjaldgæfan og verðmætan bíl í
raunverulegt öngþveiti. „Við erum
ekki að gera heimildamyndir held-
ur sjónvarpsþátt sem er ætlað að
skemmta fólki,“ sagði talsmaður
Top Gear þegar hann var spurður
út í sviðsetninguna.
Bílaþættir Top Gear er án nokkurs vafa vinsælasti bílaþáttur sem sýndur hefur verið í
sjónvarpi og er komin bæði áströlsk og bandarísk útgáfa af þættinum.
Top Gear skapar eigið öngþveiti
Íbókinni Léttir: Hugleiðingarharmonikkukonu segir JónínaLeósdóttir rithöfundur fráeinu ári í lífi sínu. Á þessu ári
tekur hún lífsstíl sinn í gegn og segir
frá átakinu í dagbókarformi.
Bókin hefst 30. apríl 2007, daginn
sem hún nær botninum í líkams-
þyngd að eigin mati. Jónína er ein af
mörgum sem hafa sveiflast í þyngd í
gegnum ævina, úr og í kjörþyngd og
mikið yfir hana. Þegar hún hefur
átakið, sem hún segir okkur frá í
bókinni, er hún komin um 30 kg yfir
kjörþyngd og það hefur þrúgandi
áhrif á hana bæði andlega og lík-
amlega. Kílóin skulu fjúka og á þeirri
ferð skrifar hún dagbók, upphaflega
sér til aðhalds, síðar til útgáfu og
vonandi öðrum til hvatningar.
Jónína nær því markmiði sínu að
léttast og verður eflaust öðrum hvati
til að gera slíkt hið sama því ekki er
það oft sem „megrunarbækur“ eru
jafnlausar við kjaftæði og þessi.
Enda velur Jónína leiðina sem er
vænlegust til árangurs; skynsamlegt
mataræði og aukna hreyfingu eða
GG-kúrinn eins og hún nefnir hann –
göngutúra og garnagaul. Jónína er
ekkert að skafa utan af hlutunum eða
fegra sjálfa sig, a.m.k. fær maður
ekki tilfinningu fyrir því, hún við-
urkennir lesti sína jafnt og kosti. Að
létta sig er barátta og hún heyr þá
baráttu af heiðarleika – stundum
sigrar hún, stundum tapar hún en rís
samt alltaf upp aftur og heldur
áfram.
Þrátt fyrir að bókin sé baráttusaga
höfundar við kílóin sýnir hún líka
hvað þessi megrunarheimur getur
verið klikkaður. Jónína rekst á alls
konar megrunarfréttir á ferðalagi
sínu og ritar um þær í dagbókina.
Það er gaman að sjá svona svart á
hvítu hvað megrunarráðlegging-
arnar sem birtast í miðlunum eru í
mótsögn hver við aðra, þessi rann-
sókn sýnir þetta en hin hitt. Jónína
sýnir þarna hvað það skiptir miklu
máli að láta ekki blekkjast, bara
hlusta á eigið innsæi og taka sig á á
eigin forsendum eins og hún gerir.
Þetta er þægilega skrifuð bók hjá
Jónínu, ágæt viðbót í lífsreynslu-
bókaflokkinn. Hér er ekki um neina
predikun eða öfgafullar ráðleggingar
að ræða, þetta er aðeins lífs-
reynslusaga konu sem vill komast
niður í kjörþyngd. Til þess að skrifa
sögu sína á slíku ferðalagi og gefa út
þarf hugrekki. Þetta hugrekki Jón-
ínu verður vonandi öðrum hvati til að
gera það sama og hún gerði, hvort
sem það tengist því að léttast eða
annarri „tiltekt“ í lífinu.
Morgunblaðið/Golli
Jónína Hvorki er að finna predikanir né öfgafullar ráðleggingar í bókinni.
Vænlegt til
árangurs
Dagbók
Léttir: Hugleiðingar harmonikkukonu
mnn
Eftir Jónínu Leósdóttur.
Vaka-Helgafell 2012
INGVELDUR
GEIRSDÓTTIR
BÆKUR