Morgunblaðið - 26.05.2012, Blaðsíða 19

FRÉTTIR 19Innlent
MORGUNBLAÐIÐ LAUGARDAGUR 26. MAÍ 2012
FRÉTTASKÝRING
Kjartan Kjartansson
kjartan@mbl.is
Skoðanakannanir sem birtar voru í
gær gefa afar mismunandi vísbend-
ingar um fylgi forsetaframbjóð-
enda. Af frambjóðendum hafa þau
Ólafur Ragnar Grímsson og Þóra
Arnórsdóttir notið langmests fylgis
í skoðanakönnunum hingað til.
Ríkisútvarpið greindi í gær-
kvöldi frá nýrri Gallupkönnun.
Samkvæmt henni nýtur Ólafur
Ragnar Grímsson fylgis rúmlega
45% kjósenda en tæplega 37%
styðja Þóru Arnórsdóttur. Þessi
niðurstaða sýnir mikla breytingu
frá könnun Gallup sem greint var
frá í byrjun maí. Þá naut Þóra
stuðnings rúmlega 46% kjósenda
en rúmlega 37% kváðust styðja
Ólaf Ragnar.
Fréttablaðið birti niðurstöður
könnunar sem blaðið og Stöð 2
gerðu, sem sýndi gríðarlega hreyf-
ingu á fylgi frá Þóru Arnórsdóttur
til Ólafs Ragnars Grímssonar, sitj-
andi forseta. Mælist forsetinn með
18,5% forskot á Þóru í könnuninni.
Er Ólafur Ragnar með 53,9% fylgi
í könnuninni á móti 34,4% Þóru. Í
fyrri könnun Fréttablaðsins, sem
birt var hinn 13. apríl, voru þau tvö
hnífjöfn; Þóra með 46,5% fylgi en
Ólafur með 46%.
MMR birti könnun sem sýndi
óverulegar breytingar á fylgi for-
setaefnanna. Samkvæmt henni eru
þau Þóra og Ólafur Ragnar jöfn
með 41,2%. Þóra hafði um 2% for-
skot á Ólaf Ragnar í könnun MMR
fyrr í mánuðinum.
Mældist með 15% á Ólaf
Niðurstöður könnunar Frétta-
blaðsins og Gallup eru mjög á
skjön við kannanir undanfarinn
mánuð en í þeim hefur Þóra mælst
með allt frá 2% og upp í tæplega
15% forskot á Ólaf Ragnar. Í könn-
un félagsvísindastofnunar Háskóla
Íslands, sem birt var í síðustu viku,
mældist Þóra með 46,2% fylgi og
8,4% forskot á Ólaf Ragnar.
Aðrir frambjóðendur standa
þeim Þóru og Ólafi Ragnari langt
að baki. Ari Trausti Guðmundsson
er sá sem hefur mælst með mest
fylgi af hinum frambjóðendunum,
mest um 11,5%. Í könnun Frétta-
blaðsins mælist hann hins vegar
aðeins með 5,3%. Í nýrri könnun
MMR er hann hins vegar á svipuðu
róli og áður með 9,7% og í könnun
Gallup með um 9%. Þær Andrea J.
Ólafsdóttir og Herdís Þorgeirsdótt-
ir hafa mælst með um og yfir 3%
fylgi í könnunum en aðrir fram-
bjóðendur minna.
Gæti skýrst af úrtakinu
Að sögn Guðbjargar Andreu
Jónsdóttur, forstöðumanns Fé-
lagsvísindastofnunar HÍ, er líklegt
að sú mikla sveifla í fylgi sem kem-
ur fram í könnun Fréttablaðsins sé
vegna úrtaksgerðarinnar og vegna
þess á hversu stuttum tíma hún
var gerð. Könnunin var gerð á mið-
vikudag og fimmtudag í síma.
„Það getur verið að það hafi ver-
ið hringt í mjög mörg símanúmer
þangað til það koma 800 svör. Þeir
sem svara strax í fyrstu tilraun eru
oft kerfisbundið öðruvísi en þeir
sem erfiðara er að ná í. Það er til
dæmis oft erfiðara að ná í yngra
fólk,“ segir hún.
Þá bendir Guðbjörg á að í könn-
unum Capacent og Félagsvísinda-
stofnunar sem gerðar eru á netinu
hafi komið fram mjög mikill munur
á stuðningi við þau Þóru og Ólaf
Ragnar eftir menntun. Þannig
styðji háskólamenntaðir frekar
Þóru.
„Þú nærð frekar fólki með minni
menntun í síma en á netinu. Það
gæti haft einhver áhrif á hversu
mikill þessi munur er í könnun-
inni,“ segir hún.
Kannanir benda hver í sína áttina
 Könnun MMR sýnir Ólaf Ragnar og Þóru hnífjöfn en Fréttablaðið og Gallup segja forsetann njóta
mikils forskots  Mikil fylgissveifla í könnun Fréttablaðsins hugsanlega tilkomin vegna aðferðafræði
Úrslit kannana fyrir forsetakosningar
60%
50%
40%
30%
20%
10%
0%
Þóra Arnórsdóttir Ólafur Ragnar Grímsson
13. apríl 2012
46,5
%
46,0
%
26. apríl 2012
49,0
%
34,8
%
4.maí 2012
46,4
%
37,2
%
15. maí 2012
43,4
%
41,3
%
18.maí 2012
46,2
%
37,8
%
25.maí 2012
35,4
%
53,9
%
25.maí 2012
41,2
%
41,2
%
25.maí 2012
45,0
%
37,0
%
„Ólafur
Ragnar og
Dorrit hafa
verið mjög
sýnileg
núna síð-
ustu tvær
vikurnar
síðan hann
hóf kosn-
ingabaráttu
sína með
viðtali á Bylgjunni [hinn 13. maí].
Á sama tíma hefur Þóra dregið
sig í hlé af eðlilegum ástæðum
því hún hefur legið á sæng,“ seg-
ir Stefanía Óskarsdóttir stjórn-
málafræðingur um hugsanlegar
ástæður hinnar miklu sveiflu í
fylgi Þóru og Ólafs Ragnars.
Hún segir svo virðast sem
skipuleggjendur framboðs Þóru
hafi sofið á verðinum eftir að
hún dró sig í hlé með því að hafa
ekki hrundið af stað herferð til
að minna á hana á meðan. Fram-
boð hennar verði nú að spýta í
lófana. Ekki sé þó útilokað að
fylgið sveiflist aftur þegar Þóra
verði aftur sýnilegri í baráttunni.
Hafa sofið á
verðinum
FORSETINN Á SVIÐIÐ
Stefanía
Óskarsdóttir
Svo sem:
• Hótel
• Hostel
• Sumarhús
• Veiðihús
• Einbýlishús
og svo fr.
Ótal möguleikar í boði.
Stuttur afgreiðslufrestur.
Erum að hefja sölu á húseiningum
822-2222
Hreiðar Hermannsson
sandfellehf@simnet.is
822-7303
Eiríkur Hilmarsson
sandfellehf@simnet.is
660-7761
Stefán Antonsson
stefan@thingholt.is
898-4477
Viðar Marinósson
vidar@thingholt.is
Upplýsingar í síma:
sem hægt er að stilla saman á ýmsa vegu
Mjög hagstætt verð á fyrstu húsunum sem pöntuð verða
Standard eining, húsgögn fylgja. Ein af fjölmörgum hugmyndum. Ein af fjölmörgum hugmyndum.