Morgunblaðið - 26.05.2012, Blaðsíða 27

FRÉTTIR 27Erlent
MORGUNBLAÐIÐ LAUGARDAGUR 26. MAÍ 2012
DÚKA KRINGLUNNI SÍMI: 533 1322 SMÁRALIND SÍMI: 564 2011
Eruð þið búin að
kíkja á okkur í
Smáralindinni?ÁRÓSA-
SAMNINGURINN
tæki til áhrifa í umhverfismálum
P
O
K
A
H
O
R
N
IÐ
Málþing á vegum umhverfisráðuneytisins
í Þjóðminjasafninu, 30. maí 2012
Fjallað verður um upplýsingagjöf, þátttöku almennings og
samráð í umhverfismálum. Þá verður fjallað um hverju
Árósasamningurinn breytir fyrir stjórnvöld, almenning og
hagsmunasamtök, s.s. á sviði útivistar, umhverfisverndar og
atvinnulífs.
Nánari upplýsingar um dagskrá og fyrirlesara er að finna á
www.umhverfisraduneyti.is
Málþingið hefst kl. 13.00 og stendur til kl. 16.30.
Aðgangur ókeypis – allir velkomnir
Einn lögreglumannanna, sem hand-
tóku fjöldamorðingjann Anders Be-
hring Breivik á Útey 22. júlí í fyrra,
bar vitni fyrir réttinum í Ósló í gær.
Hann lýsti háttalagi Breiviks eftir
handtökuna og sagði að hann hefði
talað mikið og sett sig í stellingar
eins og líkamsræktarmaður fyrir
myndatöku.
„Fyrst var hann hræddur um að
deyja, að við myndum taka hann af
lífi eða að hann myndi deyja úr
vökvaskorti út af lyfjakokteil sem
hann hafði tekið um daginn. Við gáf-
um honum að drekka og róuðum
hann,“ sagði lögreglumaðurinn.
Breivik var með sár á fingri og
hafði miklar áhyggjur af því að hon-
um myndi blæða út. Hann bað lög-
reglumennina um að útvega sér
plástur. „En þetta var bara smá-
dropi,“ sagði lögreglumaðurinn.
Spennti vöðvana
Þegar sérfræðingar úr norsku
rannsóknarlögreglunni komu á vett-
vang tóku þeir DNA-sýni og vildu
m.a. fá föt Breiviks og taka af honum
myndir. Lögreglumaðurinn, sem bar
vitni, sagði að Breivik hefði í fyrstu
verið mjög illa við myndatökur. Þeg-
ar honum var gert ljóst að hann
fengi engu um það ráðið ætlaði Brei-
vik að rífa sig úr öllum fötunum, en
lögreglan vildi að hann færi úr einni
flík í einu. „Þetta voru mjög óþægi-
legar kringumstæður. Við vorum
hræddir um að hann kynni að hafa
sprengju á sér innanklæða.“
Þegar Breivik var komin úr öllu
og stóð á nærfötunum einum klæða
breyttist hann skyndilega og vildi
ólmur og uppvægur láta taka af sér
myndir, stillti sér upp og spennti
vöðvana „eins og líkamsræktar-
maður“.
Spurður hvort Breivik hefði kom-
ið honum furðulega fyrir sjónir svar-
aði lögreglumaðurinn að sér hefði
fundist afar undarlegt hve Breivik
var upptekinn af þessari smáskeinu
á eigin fingri, í ljósi blóðbaðsins á
eyjunni. „En hann sagði að hann sæi
hlutina ekki á sama hátt og við,“
bætti lögreglumaðurinn við.
una@mbl.is
Var hræddur um að deyja
 Breivik var með smáskeinu á fingri og bað um plástur er hann var handtekinn
Pílagrímar fara á hestum yfir ána Quema í
Andalúsíu á leið til helgistaðar í bænum El Rocío
í Doñana-þjóðgarðinum í suðurhluta Spánar.
Hundruð þúsunda pílagríma fara á helgistaðinn
á hverju vori, margir þeirra á hestum, í fjöl-
mennustu pílagrímsferð Spánar. Þeir taka þátt í
hátíð sem mun eiga rætur að rekja til 13. aldar
þegar veiðimaður fann styttu af Maríu mey í
trjábol. Kapella var síðar reist á staðnum.
AFP
Hundruð þúsunda manna ferðast til helgistaðar í Andalúsíu
Fjölmennasta pílagrímsferð Spánar
Tilkynnt var í gær að ákveðið hefði
verið að stærsti útvarpssjónauki
heims yrði reistur í tveimur lönd-
um, Ástralíu og Suður-Afríku. Bæði
ríkin höfðu keppst um að fá SKA-
sjónaukann svonefnda og segja má
að niðurstaðan sé salómonsdómur.
Sjónaukastæðan verður risastór, í
heild á stærð við Ísland, að því er
fram kemur á Stjörnufræðivefnum,
stjornufraedi.is. Þar er áformunum
lýst svo: „Stórir loftnetsdiskar og
smágerð móttökutæki verða tengd
saman til að kalla fram mynd af út-
varpshimninum með ótrúlegri ná-
kvæmni. Og með safnsvæði stærri
en einn ferkílómetri verður Square
Kilometer Array langnæmasta út-
varpstæki sem hefur nokkurn tím-
ann verið smíðað. Vetrarbrautir í
þróun, kröftug dulstirni, tifandi tif-
stjörnur. Engin uppspretta út-
varpsbylgna verður óhult fyrir vök-
ulum augum SKA. Sjónaukinn mun
jafnvel leita að mögulegum út-
varpsmerkjum frá siðmenningu ut-
an jarðar.“
Risaútvarpssjónauki
reistur í Suður-
Afríku og Ástralíu
ALHEIMUR
Skoskir þjóð-
ernissinnar hófu
í gær formlega
baráttu fyrir því
að Skotland lýsti
yfir sjálfstæði frá
Bretlandi. Alex
Salmond, for-
sætisráðherra
skosku heima-
stjórnarinnar,
sagði að stefnt
væri að því að fá milljón Skota til að
skrifa undir yfirlýsingu um stuðn-
ing við sjálfstæði Skotlands. Sal-
mond vill að efnt verði til þjóð-
aratkvæðagreiðslu um málið árið
2014.
Nýleg skoðanakönnun bendir til
þess að 57% Skota séu andvíg sjálf-
stæði Skotlands og aðeins 33%
hlynnt. Könnunin var gerð fyrir
skosk samtök sem eru andvíg því að
Skotland lýsi yfir sjálfstæði.
Aðeins 33% sögð
styðja sjálfstæði
Alex Salmond
forsætisráðherra.
SKOTLAND