Morgunblaðið - 16.03.2013, Blaðsíða 29

FRÉTTIR 29Erlent
MORGUNBLAÐIÐ LAUGARDAGUR 16. MARS 2013
Bogi Þór Arason
bogi@mbl.is
Tvær milljónir barna í Sýrlandi eru
saklaus fórnarlömb blóðugra átaka
sem hafa þegar kostað a.m.k. 70.000
manns lífið, að sögn bresku samtak-
anna Save the Children, Barnaheilla.
Mörg barnanna eiga á hættu að
deyja úr hungri eða sjúkdómum
verði þeim ekki komið til hjálpar, að
því er fram kemur í skýrslu sem
hjálparsamtökin gáfu út í tilefni af
því að í gær voru tvö ár liðin frá því
að átökin í Sýrlandi hófust.
Embættismenn Sameinuðu þjóð-
anna segja að 1,1 milljón skráðra
flóttamanna hafi farið yfir landa-
mærin til grannríkjanna. Þar að auki
hafa um 2,5 milljónir manna þurft að
flýja heimkynni sín en dvelja enn í
Sýrlandi. Að mati Sameinuðu þjóð-
anna þurfa um fjórar milljónir
manna á hjálp að halda í Sýrlandi.
Börn eru að minnsta kosti 52% þessa
hóps, að sögn Barnaheilla.
Mikill matvælaskortur er í landinu
og þúsundir barna eiga á hættu að
verða hungurmorða. „Hvers vegna
flúðum við? Vegna hungurs. Það var
enginn matur. Ekkert brauð. Ef ég
hefði verið um kyrrt hefðu börnin
mín dáið úr hungri,“ hafa skýrslu-
höfundarnir eftir sýrlenskum flótta-
manni, föður þriggja barna.
Í skýrslu Barnaheilla kemur fram
að tugir þúsunda barna hafist við í
almenningsgörðum, hlöðum eða
hellum í vetrarkuldunum. Margar
fjölskyldur hafa ekki efni á eldsneyti
til kyndingar vegna þess að verðið
hefur hækkað um allt að 500% vegna
átakanna.
Könnun sem gerð var meðal sýr-
lenskra barna í flóttamannabúðum í
grannríkjunum bendir til þess að eitt
af hverjum þremur þeirra hafi sætt
einhvers konar ofbeldi, t.a.m. orðið
fyrir barsmíðum eða lent í skotárás.
Þrjú af hverjum fjórum barnanna
sögðu að a.m.k. einn náinn vinur sinn
eða fjölskyldumeðlimur hefði dáið
vegna átakanna. Mörg barnanna
hafa sýnt merki um að þau hafi orðið
fyrir alvarlegu áfalli sem geti valdið
þeim varanlegu sálrænu tjóni.
Varað við „sprengingu í
Mið-Austurlöndum“
Stjórnarherinn og uppreisnar-
menn í Sýrlandi hafa neytt drengi
undir átján ára aldri til að berjast í
stríðinu og notað börn sem nokkurs
konar skildi til verjast árásum. Of-
beldið hefur einnig orðið til þess að
mörg foreldri hafa gift ungar dætur
sínar til að þær geti notið verndar
eiginmanns vegna þess að þau telja
sig ekki geta verndað börnin sín.
Embættismenn Sameinuðu þjóð-
anna óttast að blóðsúthellingarnar
haldi áfram að aukast. Antonio Gut-
erres, flóttamannafulltrúi SÞ, varaði
í gær við því að átökin gætu breiðst
út til grannríkjanna, t.a.m.
Líbanons, og valdið „sprengingu í
Mið-Austurlöndum“. Einnig er ótt-
ast að blóðug átök blossi upp á milli
frjálslyndra uppreisnarmanna og
hreyfinga íslamista sem hafa náð
nokkrum bæjum á sitt vald, hreyf-
inga á borð við Al-Nostra og Ahrar
al-Sham.
Tvær milljónir barna í sárri neyð
100 km
DAMASKUS
Soueida
Aleppo
Homs
Hama
Idlib
Taftanaz
herstöð
Al-Ghouta
Raqa
Hassakeh
Kúrda
Drúsa (hlutlausir)
Staðan óljós
Byggðir á valdi ...
Landamæri á valdi uppreisnarmanna
Uppreisnarmanna
Sýrlandshers
Sýrland eftir tveggja ára blóðsúthellingar
S Ý R L A N D
M
IÐ
JA
RÐ
A
RH
A
F ÍRAK
JÓRDANÍA
LÍBANON
TYRKLAND
Yfir 70.000 manns hafa beðið bana og milljónir manna flúið heimkynni sín vegna átakanna
ÍSRAEL
Gó
la
n
Deir Ezzor
Latakía
Á valdi stjórnarsinna (alavíta)
Hérað á valdi uppreisnarmanna
Átakasvæði
80% héraðsins á
valdi uppreisnarmanna
Daraa
Kuneitra-hérað
Daraya
Al-Nostra og
Ahrar al-Sham
Samkomulag
við íslamista
Á valdi íslömsku hreyfingarinnar
Ahrar al-Sham
Úthverfi á valdi
Al-Nostra
Á valdi íslömsku hreyfingarinnar
Liwa al-Tawhid
 Mörg börn í Sýrlandi eiga á hættu að
deyja úr hungri eða sjúkdómum
Vopnabanni aflétt?
» Fulltrúar Evrópusambands-
ríkja ætla að ræða í næstu viku
hvort aflétta eigi banni við sölu
vopna til Sýrlands.
» Bretar og Frakkar vilja að
banninu verði aflétt til að hægt
verði að útvega uppreisnar-
mönnum vopn en önnur ESB-
ríki eru andvíg því og óttast að
það verði til þess að blóðs-
úthellingarnar aukist.
Nýjung! Páskae
gg úr „Dulcey b
lond“ súkkulaði
sem er flauelsm
júkt með karam
ellubragði.
Einnig egg með
60% súkkulaði
og 32% mjólkur
súkkulaði.
Eggin eru fyllt m
eð handgerðu
konfekti og má
lshætti.
Komdu í verslan
ir okkar og
gerðu eggið pe
rsónulegra.
Við erum á Háa
leitisbraut 58-6
0 í Reykjavík og
í Háholti 13-15
í Mosfellsbænu
m.