Morgunblaðið - 22.08.2013, Side 10

10 DAGLEGT LÍF
MORGUNBLAÐIÐ FIMMTUDAGUR 22. ÁGÚST 2013
Gæðaflísar á sanngjörnu verði
Sími 412 2500 - sala@murbudin.is - www.murbudin.is
Kletthálsi 7, Rvk - Reykjanesbæ - Akureyri - Vestmannaeyjum
NÝKOMNARÍTALSKAR FLÍSAR
Kristín Heiða Kristinsdóttir
khk@mbl.is
V
ið höfum virkilega gam-
an af því sem við erum
að gera, við njótum þess
að syngja saman. Það
skilar sér til áheyr-
enda,“ segja meðlimir Kviku, kvart-
etts sem sungið hefur saman und-
anfarin tvö ár og komið víða fram.
Þetta eru þau Thelma Hrönn Sig-
urdórsdóttir sópran, Hildigunnur
Einarsdóttir alt, Pétur Húni Björns-
son tenór og Jón Svavar Jósefsson
bassi. Þau flytja allskonar tónlist,
allt frá þjóðlögum til poppslagara.
„Áður en við stofnuðum kvartettinn,
þá höfðum við Hildigunnur sungið
saman í tríóinu KremKex og strák-
arnir, Pétur og Jón Svavar höfðu
sungið saman í tríóinu Sykur &
rjómi. Auk þess þekktumst við öll
ágætlega eins og gengur í söng-
bransanum,“ segir Thelma. „Upphaf
kvartettsins má rekja til haustsins
2011. Við vorum að byrja að fikra
okkur áfram með að syngja saman
þegar við fengum það verkefni að
syngja í miðborginni á vegum Höf-
uðborgarstofu á aðventunni. Það
mæltist svo vel fyrir að við fengum
nokkur verkefni í framhaldinu. Þá
um vorið fékk Bjarni Thor Krist-
insson okkur til að taka þátt í tón-
leikaröð sinni í Hörpu sem ætluð er
erlendum ferðamönnum til að kynna
íslenska tónlist. Þar sungum við ís-
lenskar söngperlur sem við kynntum
á ensku. Við erum enn að syngja á
slíkum tónleikum og mælum hik-
laust með þeim fyrir Íslendinga ekki
síður en útlendinga.“
Reynir mikið á hvern og einn
Þau eru öll í góðu söngformi,
enda syngja þau víða á öðrum vett-
vangi, bæði einsöng og í kórum. „Við
höfum lagt mikla vinnu í að stilla
raddirnar okkar saman og fengið
fagmenn til að hlusta á okkur og að-
stoða okkur. Í kvartettsöng reynir
mikið á hvern og einn, því það er
enginn stuðningur af öðrum í sömu
Snerta við kvikunni
hjá áheyrendum
Þjóðlagakvartettinn Kvika er ungur og upprennandi kvartett sem hefur víða vak-
ið lukku. Þau segjast henta fullkomlega sem atriði á þorrablótum og slíkum
mannamótum. Þau ætla að syngja í Dómkirkjunni á Menningarnótt.
Morgunblaðið/Kristinn
Innlifun Thelma gefur allt í sönginn eins og sjá má.
Sprell Jón Svavar viðhefur gjarnan leikræna tilburði.
PORT hönnun er lítil en fram-
sækin hönnunarstofa sem býður
viðskiptavinum sínum alla al-
menna grafíska hönnun. Nýjasta
verkefni þeirra er samvinnuverk-
efni með Brúarsmiðjunni, sögu-
sýning sem sjá má á göngum
íbúðahótelsins Reykjavík Resi-
dence Suites við Hverfisgötu 21.
Á sýningunni er stiklað á sögu
hússins í hundrað ár og bregður
þar fyrir bókagerðarmönnum,
skáldum, bæjarfógeta, forsætis-
ráðherra og Danakonungi. Húsið
verður opið milli kl. 14 og 16 á
Menningarnótt og Guðjón Frið-
riksson sagnfræðingur mun sjá
um að gera sögu hússins og
næsta nágrennis ljóslifandi fyrir
gestum og gangandi. Uppi-
staðan í sýningunni eru ljós-
myndir, flestar fengnar að láni
frá Ljósmyndasafni Reykjavíkur,
Ljósmyndasafni Íslands, Lands-
bókasafni Íslands – Háskóla-
bókasafni og Félagi bókagerð-
armanna. Með fylgja stuttir
myndatextar á íslensku og
ensku.
Vefsíðan www.porthonnun.is
Menning Sögusýning í sögulegu húsi.
Sögusýning í íbúðahóteli
Efnt verður til tónleika á Gamla
Gauknum í kvöld en fram koma
hljómsveitirnar Treisí og Sindri Eldon
and the Ways. Sveitin Treisí er þekkt
fyrir öfluga sviðsframkomu en þrátt
fyrir að vera aðeins tveggja mánaða
gömul hefur lag þeirra, Taking Chanc-
es, fengið talsverða spilun í útvarpi.
Sindra Eldon þekkja margir en
hann mun koma fram með sveitinni
The Ways sem hefur verið starfandi í
eitt og hálft ár. Tónleikarnir hefjast
klukkan 22 og munu standa eitthvað
framyfir miðnætti. Frítt er inn á við-
burðinn og allir sem aldur hafa til eru
velkomnir.
Endilega …
… kíkið á Gamla Gaukinn
Morgunblaðið/Golli
Tónleikar Gleðin hefst klukkan 22.
Syngjandi Norðmenn munu halda
tónleika í Sólheimakirkju næstkom-
andi sunnudag. Þetta er hópur karl-
manna á aldrinum 45-75 ára sem
kemur saman einu sinni í viku og
vinnur þá við smíðar, jafnvel syngj-
andi. Með vinnu sinni og söng styðja
þeir við kristilegt barna- og unglinga-
starf um allt að tveimur milljónum
króna að ári. Klukkan 14 á sunnudag-
inn mun þessi hjartahlýi hópur troða
upp í Sólheimakirkju þar sem sungin
verða bæði norsk og íslensk lög sem
flestir ættu að kunna svo það er til-
valið að syngja með. „Við erum ekki
venjulegur kór þar sem við tökum
okkur ekki alvarlega. Aðalatriðið er
að hafa gaman af þessu og hafa
heimilislega stemningu,“ segir í
fréttatilkynningu frá kórnum. Allir
eru velkomnir og aðgangur er frír.
Tónleikar í Sólheimakirkju
Heimilisleg stemning í fyrirrúmi
hjá óvenjulegum norskum kór
Morgunblaðið/ÞÖK
Grímsnes Kirkjan á Sólheimum.
Glatt á hjalla Kórinn tekur sig ekki alvarlega og vill fyrst og fremst hafa
gaman og mun leitast við að gleðja áhorfendur á Sólheimum um helgina.
Skannaðu kóðann
til að fara inn á
vefsíðuna.