Morgunblaðið - 22.08.2013, Qupperneq 60

60 MENNING
MORGUNBLAÐIÐ FIMMTUDAGUR 22. ÁGÚST 2013
Laugavegur 40, 101 Reykjavík
volcano@volcanodesign.is
www.volcanodesign.is
S: 5880100Volcano Design fer um landið!
Menningarnótt
31. ágúst Í Túninu heima, Mosfellsbæ. Í Kaffihúsinu Álafossi.
- 1. sept. Laugardag og sunnudag frá kl. 13-17.
Full búð af nýju og enn meiri verðlækkun á völdum vörum.
Góð stemmning, opið fram á kvöld.
Danshátíðin Reykjavik Dance Festi-
val hefst í höfuðborginni á föstudag.
Þetta er í ellefta sinn sem danshá-
tíðin er haldin og stendur hún til 1.
september. Listrænir stjórnendur í
ár eru dansararnir Erna Ómars-
dóttir og Valdimar Jóhannsson, sem
saman skipa hópinn Shalala.
Margslungin verk er að finna á
dagskrá hátíðarinnar í ár og verk
eftir bæði hérlenda og alþjóðlega
listamenn. Ekki er um eitt einrátt
þema að ræða að þessu sinni en
Erna og Valdimar völdu heldur sér-
staklega til leiks hina ýmsu lista-
menn sem þau töldu eiga erindi við
og vildu deila með áhorfendum.
Ekkert er samt slegið af fagurfræð-
inni sem m.a. hefur verið einkenn-
andi í verkum Ernu, Valda og Sha-
lala, þ.e. fagurfræði öfganna, sem
skín í gegnum dagskrá hátíðarinnar
í hinum ýmsu birtingarmyndum.
Sýningar fara fram víða um borg-
ina, svo sem í Kassanum, Hörpu,
Hafnarhúsinu og víðar.
Allar nánari upplýsingar er að
finna á heimasíðu hátíðarinnar:
http://reykjavikdancefest-
ival.tumblr.com/
Morgunblaðið/Eggert
Frá fyrri hátíð Fjölbreytt dansverk er að finna á Reykjavík Dance Festival í
ár sem og undanfarin ár. Ættu allir að geta fundið þar eitthvað við sitt hæfi.
Reykjavík Dance
Festival á fulla ferð
Vilhjálmur A. Kjartansson
vilhjamur@mbl.is
Hjá Leikfélagi Akureyrar eru hafn-
ar æfingar á nýju leikverki, Sek,
eftir Hrafnhildi Hagalín. Verkið er
liður í afmælisleikári leikfélagsins
en það fagnar því að í ár eru liðin
40 ár síðan Leikfélagið varð at-
vinnuleikhús. „Æfingar á verkinu
hófust á mánudaginn í síðustu viku
og þær ganga mjög vel. Auðvitað
er það alltaf þannig að þegar er
verið að setja upp nýtt verk þá vit-
um við í sjálfu sér aldrei að hverju
við erum að ganga fyrr en byrjað
er að lesa verkið og æfa það. Verk-
ið greip hins vegar hópinn vel og
þetta lítur vel út,“ segir Ragnheið-
ur Skúladóttir, leikhússtjóri Leik-
félags Akureyrar.
Tónlistin í tungumálinu
Höfundur verksins er engin önn-
ur en Hrafnhildur Hagalín en hún
er eitt af fremstu leikskáldum þjóð-
arinnar og hefur m.a. hlotið leik-
skáldaverðlaun Norðurlanda fyrir
leikritið Ég er meistarinn ásamt
því að hljóta Norrænu útvarpsleik-
húsverðlaunin og Grímuna fyrir út-
varpsverkið Opið hús. „Ástæðan
fyrir því að ég leitaði til Hrafnhild-
ar er hreinlega sú að hún er eitt
okkar allra fremstu leikskálda og
okkur langaði til þess að láta skrifa
fyrir okkur nýtt verk í tilefni af-
mælisársins,“ segir Ragnheiður en
hún er mjög ánægð með að hafa
fengið Hrafnhildi til verksins. „Hún
er ofboðslega meitlað skáld og mik-
il tónlist í verkunum hennar sem
kemur fram í tungumálinu. Þá ein-
kennir þetta verk að henni tekst al-
veg listilega að fanga ákveðið and-
rúmsloft á sögusviðinu og þá allt í
senn andrúmsloftið, veðurfarið og
náttúruna en hún gerir það allt í
gegnum tungumálið sem gerir
þetta verk algjörlega magnað“.
Byggt á dómsmáli frá 1836
Leikverkið Sek byggist á dóms-
máli frá 19. öld eða frá 1836 þar
sem lífsþræðir ábúenda og vinnu-
manns í Rifshæðarseli á Melrakka-
sléttu fléttast saman í örlagaríkum
ástarþríhyrningi. „Hrafnhildur var
búin að vera að vinna að þessu
verki í einhvern tíma þegar ég kom
að máli við hana en þá var hún ein-
mitt að rannska dómskjöl sem
henni fannst merkilegur efniviður í
leikverk. Okkur fannst það heldur
ekki verra að heyra af því að enda
í næsta nágrenni við okkur hérna í
Þingeyjarsýslunni.“
Ragnheiður segir að í gegnum
dómskjölin hafi Hrafnhildi tekist að
skapa spennandi leikverk. „Með því
að styðjast við texta og tilsvör úr
dómskjölum frá þessum tíma bygg-
ir Hrafnhildur upp spennandi at-
burðarás sem kemur áhorfand-
anum sífellt á óvart og skapar
skemmtilegt andrúmsloft,“ segir
Ragnheiður og bendir á að Hrafn-
hildur hafi ekki viljað hafa leik-
verkið klassískt íslenskt sveita-
leikrit. „Hún sá aldrei
uppsetninguna fyrir sér sem fólk í
sauðskinnsskóm í torfkofa. Persón-
urnar eru byggðar á raunveruleg-
um og það kemur vel fram í verk-
inu að persónur þess eru í limbói
milli lífs og dauða eða heims og
helvítis.“
Ungur og efnilegur leikstjóri
Leikstjóri verksins er Ingibjörg
Huld Haraldsdóttir sem Ragnheið-
ur segir að sé bæði ung og efnileg.
„Hún steig sín fyrstu skref sem
leikstjóri í útskriftarverkefni sínu
Kamelljón fjárhirðisins eftir Eu-
gene Ionesco og setti einnig upp
Ég er vindurinn eftir Jon Fosse í
Þjóðleikhúskjallaranum 2012. Hún
leikstýrir nú í fyrsta sinn hjá Leik-
félagi Akureyrar og það má segja
að þetta sé hennar fyrsta stóra
verk, í það minnsta hér hjá okkur,“
segir Ragnheiður en Ingibjörg
Hulda útskrifaðist árið 2011 úr
Fræðum og framkvæmd við
Listaháskóla Íslands.
Örlagaríkur ástarþríhyrningur
 Leikfélag Akureyrar fagnar 40 ára afmæli sínu í vetur m.a. með uppsetningu á verkinu Sek
 Æfingar eru hafnar á verkinu Sek eftir Hrafnhildi Hagalín sem byggist á dómsmáli frá 1836
Leikhús Leikfélag Akureyrar hóf æfingar á leikverkinu Sek eftir Hrafnhildi Hagalín í síðustu viku og ganga æfingar mjög vel hjá leikhópnum.