Morgunblaðið - 22.08.2013, Page 64

FIMMTUDAGUR 22. ÁGÚST 234. DAGUR ÁRSINS 2013
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Býflugurnar sluppu út
2. Missti algjörlega stjórn á sér
3. Ásakanir um harðræði á leikskóla
4. 10 sóttu um Hafnarfjarðarprestakall
»MEST LESIÐ Á mbl.is
FÓLK Í FRÉTTUM
 Tilkynnt var í gær að EVE: Valkyrie
kæmi út á næsta ári. Leikurinn bygg-
ist á nýrri tækni á sviði sýndarveru-
leika þar sem spilurum er gefinn
kostur á að gerast flugmenn í geim-
skipum í EVE-heiminum.
CCP tilkynnir nýjan
leik tengdan EVE
 Elísabet V.
Ingvarsdóttir
hönnunarfræð-
ingur heldur fyr-
irlestur um tíma-
bilsherbergi safna
og fjallar um hlut-
verk þeirra, mark-
mið og sannleiks-
gildi í tengslum
við sýninguna Kaflaskipti eftir
Andreu Maack og Hugin Þór Arason í
Hafnarhúsinu. Fyrirlesturinn hefst
klukkan átta í kvöld.
Fyrirlestur um
tímabilsherbergi
 Jazzhátíð Reykjavíkur lýkur í kvöld
en það hefst á JazzQuiz á JazzHorni
hátíðarinnar. Á fyrstu tónleikum
kvöldsins mun Kristján Tryggvi
Martinsson leiða K-Tríó
sitt og kynnir nýja
plötu í leiðinni, Meat-
ball Evening, í Fríkirkj-
unni. Á Café Rósen-
berg og í Hallgríms-
kirkju verða einnig
tónleikar í
tengslum við
hátíðina.
K-Tríó á lokakvöldi
Jazzhátíðar
Á föstudag Austlæg átt, 8-13 m/s, víða rigning, talsverð suð-
austan en snýst í vestan 8-13 m/s fyrir sunnan og dregur úr
rigningu þar um kvöldið. Hiti 10 til 18 stig, hlýjast fyrir norðan.
SPÁ KL. 12.00 Í DAG Sunnan og suðaustan 8-13 m/s, sums
staðar lítilsháttar væta en bjart með köflum á N- og A-landi.
Hvessir af austri í kvöld og bætir í úrkomu. Hiti 10 til 15 stig.
VEÐUR
„Þekking mín á íslenska
fótboltanum og þeim belg-
íska segir mér að FH gæti
verið topplið í belgísku
B-deildinni. Það verður
þungur róður fyrir FH að
komast áfram,“ segir Arnar
Þór Viðarsson, leikmaður
og aðstoðarþjálfari belgíska
liðsins KRC Cercle Brugge,
um fyrri viðureign FH og
belgíska liðsins Genk sem
fram fer á Kaplakrikavelli í
kvöld. »2
Þungur róður
framundan
Alexi Lalas, fyrrverandi lands-
liðsmaður Bandaríkjanna í fót-
bolta, segir í einkaviðtali við
Morgunblaðið að Aron Jó-
hannsson þurfi að sökkva sér í
menningu lands og þjóðar og
kynna sér hvað það þýðir að
spila fyrir bandaríska lands-
liðið. »2-3
Þarf stolt til að spila
fyrir Bandaríkin
Jón Arnór Stefánsson, landsliðs-
maður í körfuknattleik, hefur glímt
við meiðsli í mjöðm um langt skeið.
Hann hefur ekki enn fengið sig góðan
og heldur utan til félags síns Zara-
goza á Spáni á næstu dögum. Jón
Arnór segist hafa verið í meðferð í
sumar en ekki fengið næga hvíld til
að jafna sig. Skurðaðgerð sé hins
vegar síðasti kosturinn. »1
Mjöðmin plagar Jón
Arnór Stefánsson
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Jón Karlsson flutti til Manitoba í
Kanada fyrir um tveimur árum og
fyrir skömmu opnaði hann eigið bif-
reiðaverkstæði í „Íslendingabænum“
Gimli. „Það var alltaf tilgangurinn að
opna verkstæði, þegar ég yrði kom-
inn með varanlegt landvistarleyfi, og
nú er það í höfn,“ segir hann.
Sagan endurtekur sig. Fyrir um 40
árum flutti bifvélavirkinn Snorri Ás-
mundsson frá Íslandi til Winnipeg og
hann rekur enn viðgerðaverkstæði
skammt frá Gimli. Blaðamaður leit
inn á verkstæðið hjá Jóni á frídegi en
okkar maður var á fullu. „Það er allt
vitlaust að gera og ég þarf ekki að
kvarta,“ sagði hann og bætti við að
ekki veitti af því að nota tímann. Þess
vegna var ekki hlaupið að því að króa
hann af því viðskiptavinir höfðu að
sjálfsögðu forgang.
Jón segir að hann hafi haft auga-
stað á húsnæðinu, sem er nánast við
þjóðveg númer 9, bakhús Víkingsins,
þekkts veitingastaðar í bænum, og
ekki hafi verið vandamál að fá það
leigt. Hann segir að sér hafi komið á
óvart hvað auðvelt var að nálgast öll
nauðsynleg tæki og tól, allt hafi geng-
ið snurðulaust.
Konan valdi Kanada
Fjölskyldan flutti til Danmerkur
fyrir hrun 2008 en áður hafði Jón
unnið á verkstæði á Íslandi og ekið
sendibíl. „Mér líkaði ekki nógu vel í
Danmörku og því fór ég fljótlega að
vinna í því að reyna að komast til
Kanada,“ segir hann. Jón bætir við að
Nýja-Sjáland hafi líka komið til
greina. „Ég vildi fara til Nýja-
Sjálands en konan vildi fara til Kan-
ada og þess vegna erum við hérna.“
Jón segir að upphaflega hafi
hann viljað flytja til BC (Bresku
Kólumbíu á vesturströnd Kanada).
Þar hafi hann keypt aðstoð hjá full-
trúa til að fá öll tilskilin leyfi en ekk-
ert hafi komið út úr því nema pen-
ingaeyðsla. „Þá fór ég að vinna í
þessum málum sjálfur og sá að auð-
veldast var að fá atvinnuleyfi í Mani-
toba. Því sótti ég um hérna, fór hing-
að í skoðunarferð og var varla lentur
þegar Grétar Axelsson, sem hefur
búið lengi á Gimli, fann mig á Fés-
bókinni. Ég þekkti auðvitað engan
hérna en hjólin fóru að snúast. Ég var
hérna í tíu daga, fékk vinnu á bónda-
bæ og eitt leiddi af öðru.
Hjónin Jón og Sigrún Gunnars-
dóttir eiga tvö börn og segir Jón að
fjölskyldan hafi aðlagast vel lífinu á
Gimli. „Við kunnum vel við okkur
hérna,“ segir hann en viðurkennir að
moskítóflugurnar eigi það til að vera
aðgangsharðar á sumrin og frostið
bíti á veturna. „En okkur líður vel.“
Loks eigin herra á Gimli
 Rekur bifreiða-
verkstæði í „Ís-
lendingabænum“
Morgunblaðið/Steinþór Guðbjartsson
Alltaf í vinnunni Jón Karlsson á bifreiðaverkstæði sínu á Gimli í Manitoba í Kanada. Þar hefur verið nóg að gera.
„Það er gaman að heyra íslensk-
una talaða á götum bæjarins á
ný,“ segir Raymond Sigurðs-
son bóndi rétt sunnan við
Gimli, á góðri íslensku.
Hann vísar til þess að
stöðugt færri Kanada-
menn tali íslensku en
með nýjum innflytj-
endum sé von til þess að
viðhalda málinu lengur.
Tæplega 20.000
manns fluttu frá Íslandi til Vest-
urheims á árunum 1870 til 1914.
Afkomendur þessa fólks hafa
haldið tryggð við gamla landið og
ekki síst í Manitoba. Þegar síldin
hvarf í lok sjöunda áratugar lið-
innar aldar tóku nokkrar fjöl-
skyldur sig upp og fluttu vestur. Í
kjölfar hrunsins 2008 var sama
upp á teningnum og á nýliðnum
árum hafa yfir 20 íslenskar fjöl-
skyldur sest að í Manitoba.
„Gaman að heyra íslenskuna á ný“
ÍSLENDINGUM HEFUR FJÖLGAÐ Á NÝ Á GIMLI