Morgunblaðið - 05.10.2013, Blaðsíða 7

FRÉTTIR 7Innlent
MORGUNBLAÐIÐ LAUGARDAGUR 5. OKTÓBER 2013
Átta umsækjendur eru um embætti
sóknarprests í Staðastaðarpresta-
kalli í Vesturlandsprófastsdæmi
sem auglýst var laust til umsóknar
nýlega. Umsóknarfrestur rann út
26. september síðastliðinn.
Umsækjendur eru: Arnaldur
Máni Finnsson guðfræðingur, séra
Bára Friðriksdóttir, Davíð Þór
Jónsson guðfræðingur, Elín Salóme
Guðmundsdóttir guðfræðingur, Jó-
hanna Magnúsdóttir guðfræðingur,
Ólöf Margrét Snorradóttir guð-
fræðingur, Páll Ágúst Ólafsson
guðfræðingur og séra Ursula Árna-
dóttir.
Sóknarbörn í Staðastaðar-
prestakalli fóru fram á almenna
prestskosningu í prestakallinu í
stað þess að valnefnd velji sóknar-
prestinn. Slíkt er heimilt ef þriðj-
ungur atkvæðisbærra sóknarbarna
í prestakallinu fer fram á það.
Ákveðið hefur verið að kosning
sóknarprests í Staðastaðarpresta-
kalli fari fram milli kl. 10.00-18.00,
laugardaginn 2. nóvember 2013 í
félagsheimilinu Breiðabliki í Eyja-
og Miklaholtshreppi. sisi@mbl.is
Átta vilja
þjóna á
Staðastað
 Nýr prestur kjör-
inn 2. nóvember
Morgunblaðið/Sigurður Bogi
Staðastaðakirkja Kosning sóknar-
prests fer fram 2. nóvember.
Þeir sem hafa átt leið hjá nýju frysti-
geymslu HB Granda á Norðurgarði í
Reykjavík hafa eflaust rekið augun í
malarþúfu sem þar stendur. Ekki er
um venjulega þúfu að ræða í þeim
skilningi heldur er þar á ferð lista-
verk eftir listakonuna Ólöfu Nordal
sem ber vinnuheitið Þúfan.
„Það tekur tíma að búa til mann-
gert fjall,“ segir Ólöf spurð út í verk-
lok en stefnt er að því að það verði
fullmótað í lok október. Hugmynd
hennar bar sigur úr býtum í hönn-
unarsamkeppni um gerð listaverks
fyrir félagið.
Þegar verkið hefur tekið á sig
lokamynd verður búið að tyrfa og
leggja spírallaga göngustíg upp
„fjallið“ þar sem lítill hjallur í manns-
stærð tekur við. Þar verður þurrk-
aður alls kyns fiskur og hákarl, bæði
að þjóðlegum og alþjóðlegum sið.
Fengið verður fiskverkafólk til að sjá
um að verka fisk í hjallinum. Ólöf
bendir á að nýja frystigeymslan sé
reist á nýju landi, landfyllingu, og að
starfsmenn HB Granda séu hinir
nýju landnemar. Þeir eru af 17 þjóð-
ernum. „Meginmarkmiðið í hug-
myndavinnunni var að gera verk sem
hefði sammannlega og sammenning-
arlega skírskotun. Þó að mannfólkið
aðhyllist mismunandi trú og hafi
ólíkar rætur eru ákveðin erkitýpísk
grunnminni sem tengja okkur saman
yfir tíma og rúm.“ thorunn@mbl.is
Listaverk reist úti á Granda
Morgunblaðið/RAX
Listaverk í vinnslu Fjallið verður grasi gróið með hjalli á toppnum.
 Eftir Ólöfu Nordal  Hjallur á toppnum þar sem verkaður
verður fiskur  Verkið með sammannlega skírskotun
Mikið annríki var hjá slökkviliði
höfuðborgarsvæðisins í gær vegna
bilunar í sneiðmyndatæki á Land-
spítalanum í Fossvogi, en af þessum
sökum þurfti að flytja alla sem
þurftu á slíkri myndatöku að halda
með sjúkrabíl á sjúkrahúsið við
Hringbraut. Tækið bilaði síðdegis í
fyrradag og hafa varahlutir verið
pantaðir frá útlöndum.
Vitað er að ekki verður hægt að
koma tækinu í lag fyrr en í fyrsta
lagi eftir helgi og því ljóst að áfram
verður að flytja sjúklinga á milli
Fossvogs og Hringbrautar.
Ekki er langt síðan þetta tæki bil-
aði og var það þá bilað í um tvær vik-
ur. Jón Guðmundsson, yfirlæknir á
Landspítala í Fossvogi, segir tækið
notað til að mynda um fjörutíu sjúk-
linga á dag.
Fluttu sjúk-
linga milli
sjúkrahúsa
Ársreikningaskrá RSK
skorar á stjórnarmenn
fyrirtækja sem ekki hafa
skilað ársreikningum fyrir árið
2012 að gera það nú þegar.
Samkvæmt lögum
er skilafrestur liðinn.
Skil á ársreikningi
Skorað er á stjórn félaga að senda nú þegar
til ársreikningaskrár RSK ársreikning félagsins
og samstæðureikning, ef það á við, vegna
reikningsársins 2012.
Áskorun þessi tekur einnig til skila á eldri
ársreikningum hafi þeim ekki verið skilað.
Stjórn ber ábyrgð
Stjórnarmenn bera ábyrgð á því að ársreikningi
sé skilað til ársreikningaskrár.
Viðurlög
Vanskil á ársreikningum geta varðað sektum
frá 250 til 500 þúsund króna.
Ert þú í skilum?
Unnt er að sjá hvaða fyrirtæki eru í vanskilum
á heimasíðu ríkisskattstjóra
http://www.rsk.is/fyrirtaekjaskra/
arsreikningaskra/felog-i-vanskilum/
Athugaðu hvort þitt fyrirtæki er í vanskilum
og skilaðu strax ef svo skyldi vera.
Nánari upplýsingar á www.rsk.is
442 1000
Þjónustuver 9:30-15:30rsk@rsk.is
Frestur
til að skila
er liðinn
ársreikningi