Morgunblaðið - 14.12.2013, Side 16

16 FRÉTTIRInnlent
MORGUNBLAÐIÐ LAUGARDAGUR 14. DESEMBER 2013
þar um landið bútaður niður og seld-
ur til styrktar góðgerðarmálum. Á
þessu ári hafa safnast um 300.000
krónur sem renna til Umhyggju, fé-
lags til styrktar langveikum börn-
um. Alls hefur trefillinn gefið af sér
rúmlega 600 þúsund krónur á tveim-
ur árum.
  
Úthlutað var úr menningarsjóði
Sparisjóðs Siglufjarðar í 10. skipti
15. nóvember. Einhugur var í stjórn
um að veita tveimur aðilum styrkinn
að þessu sinni; Siglufjarðarkirkja
fékk 500 þúsund krónur og Systra-
félag Siglufjarðarkirkju einnig 500
þúsund krónur. Þetta kom sér afar
vel því brunavarnir í safnaðarheimili
eru ófullnægjandi og fyrir lá að loka
því, sem hefði verið bagalegt, enda
fer þar fram viðamikið safnaðar-
starf.
  
Kvenfélag Sjúkrahúss Siglu-
fjarðar átti 60 ára afmæli 22. nóv-
ember. Stofnfélagar voru 32 konur.
Tilgangur félagsins hefur verið sá
sami frá upphafi, að kaupa lækn-
ingatæki og búnað sem gagnast
sjúkrahúsinu og þeim sem þangað
sækja þjónustu. Konráði Karli Bald-
vinssyni, forstjóra HSF, reiknast til,
að kvenfélagið sé búið að gefa
sjúkrahúsinu sem svarar 150-200
milljónum á þessum sex áratugum.
  
Í ársskýrslu Grunnskóla Fjalla-
byggðar fyrir skólaárið 2012-2013
kemur fram að góð reynsla sé af
sameinuðu skólahaldi í Grunnskól-
unum á Siglufirði og í Ólafsfirði, en
sameining þeirra átti sér stað árið
2010.
  
Nú er verið að endurnýja raf-
kerfi í Múlagöngum og kemur sú
vinna til með að standa yfir í nokkr-
ar vikur.
  
Þrír siglfirskir rithöfundar eiga
bækur á jólamarkaði á þessu ári,
Ragnar Jónasson er með spennu-
söguna Andköf, Þórarinn Hann-
esson með ljóðabókina Um jólin og
Örlygur Kristfinnsson með Svip-
myndir úr síldarbæ, 2.
  
Hinn 18. desember verða 100
ár liðin frá því að hús Barnaskólans
var tekið í notkun, við Norðurgötu á
Siglufirði, en það var teiknað af
Rögnvaldi Ólafssyni, fyrsta íslenska
arkitektinum. Við sama tækifæri var
Rafveitan gangsett. Ný viðbygging
skólahússins er nú í burðarliðnum.
Morgunblaðið/Sigurður Ægisson
Aðventan Bátadokkin í Siglufirði er komin jólabúning eins og reyndar bærinn allur.
Metumferð í göngunum
ÚR BÆJARLÍFINU
Sigurður Ægisson
Siglufjörður
Fyrirtækið Hafbor ehf. á Siglufirði
hefur undanfarin ár hannað búnað
sem með nýrri tækni festir skrúfu-
akkeri í hafsbotn, sem aftur gerir
kleift að setja þar niður öflugar fest-
ingar á allt að 100 metra dýpi, án til-
komu kafara. Fyrirtækið er í mikilli
sókn, jafnt hér á landi sem ytra.
  
Það sem af er ári hefur umferð
um Héðinsfjarðargöng aukist um
2,3% og nú stefnir ÁDU (með-
alumferð á dag, árið um kring) um
göngin í 552 bíla á sólarhring. Það
yrði mesta meðalumferð um göngin
að jafnaði á degi hverjum á árs-
grundvelli frá því að þau voru opnuð.
  
Í byrjun nóvember fól Hanna
Birna Kristjánsdóttir innanrík-
isráðherra Ásdísi Ármannsdóttur að
gegna embætti sýslumanns á Ak-
ureyri til eins árs. Ásdís mun jafn-
framt áfram gegna embætti sýslu-
manns hér í bæ.
  
Héðinsfjarðartrefillinn róm-
aði var að loknum sýningum hér og
Þórunn Kristjánsdóttir
thorunn@mbl.is
„Við viljum líta í auknum mæli til
heildarinnar í húsverndun fremur en
eingöngu til einstakra húsa og inn-
viða,“ segir Kristín Huld Sigurðar-
dóttir, forstöðumaður Minjastofnun-
ar Íslands. Segja má að Kristín boði
ákveðna stefnubreytingu í friðun
húsa og minja.
Að skoða heildina hefur í för með
sér að áherslan liggur t.d. í því að
vernda tilteknar götumyndir í ríkari
mæli. Hún segir Íslendinga hafa lítið
gert af því í gegnum tíðina. Fyrir-
myndina í þeim efnum sé einkum að
finna í Bretlandi.
„Við höfum einnig mikinn áhuga á
að líta til menningarlandslagsins í
heild. Varðveita þróun byggða og
tengingar milli sveita og svæða í
kring,“ segir Kristín Huld því verð-
mæti séu fólgin í varðveislu bygg-
inga í borg og bæ.
Á næstunni verður farið í frekari
stefnumótun um vernd og rannsókn-
ir stofnunarinnar.
Ekki búið að senda tillögur
Á þessu ári samþykkti Húsafrið-
unarnefnd að friða nokkurn fjölda
húsa. Áður en tillögurnar eru sendar
til forsætisráðuneytisins, sem tekur
ákvörðun um friðanir, hafa íbúar og
eigendur frest til að skila athuga-
semdum.
Engar athugasemdir hafa borist
um eftirfarandi hús: Stóra-Núp í
Gnúpverjahreppi, íbúðarhús sr.
Valdimars Briem, sumarhús Einars
Jónssonar myndhöggvara á Galta-
felli í Hrunamannahreppi, bíósal
Bæjarbíós í Hafnarfirði, innrétting-
ar í anddyri og forsalinn í húsinu.
Óbreyttar tillögur um friðlýsingu
verða því lagðar inn til forsætisráðu-
neytisins á næstunni.
Hins vegar hefur Reykjavíkur-
borg, eigendur Nasasalarins og eig-
endur húsa við Ingólfstorg beðið um
frest til athugasemda. Sá frestur
rennur út 16. desember nk.
Þau hús þar um ræðir eru eldri
byggð timburhúsa við Ingólfstorg,
Hafnarstræti 4 (Veltusund 1), Aust-
urstræti 3, Austurstræti 4, Veltu-
sund 3-3B, Vallarstræti 4 og Aðal-
stræti 7. Þessi hús eru þó öll
aldursfriðuð þar sem þau hafa náð
100 ára aldri.
Þá er ekki hægt að senda inn til-
lögu um friðun Kárastaða á Þingvöll-
um þar sem eignarhaldið á húsnæð-
inu liggur ekki ljóst fyrir, að sögn
Minjastofnunar.
Líta meira til
heildarinnar
í friðun húsa
 Beðið athugasemda Reykjavíkurborgar
Minjastofnun Íslands
» Ríkari áhersla verður lögð á
friðun heildarinnar fremur en
einstaka húsa, samkvæmt
stefnubreytingu formanns
Minjaverndar Íslands.
» Beðið eftir ahugasemdum
frá Reykjavíkurborg og eig-
endum og íbúum húsa við Ing-
ólfstorg sem og eiganda Nasa-
salarins svo unnt verði að
senda tillögur um friðun til for-
sætisráðuneytisins.
Morgunblaðið/Rósa Braga
Friðun Frestur til athugasemda um
Nasasalinn rennur út 16. des. nk.
Brautin – bindindisfélag ökumanna
gerði könnun á ástandi hjólbarða á
272 bílum sem lagt hafði verið í
Smáralind þann 2. desember síðast-
liðinn.
Hálka og snjór var þennan dag á
götum höfuðborgarsvæðisins. „Þrátt
fyrir það voru 5% bílanna enn á sum-
ardekkjum og fjórði hver þeirra var
á mikið slitnum sumardekkjum. 8%
bílanna voru á ósamstæðum dekkj-
um sem gat verið á ýmsa vegu, eitt,
tvö eða þrjú sumardekk móti vetr-
ardekkjum, varadekk (einnota), eitt
eða tvö nagladekk móti vetrardekkj-
um,“ segir í frétt frá Brautinni.
Flestir voru á vetrardekkjum
87% ökumanna voru á vetrar-
dekkjum, með eða án nagla.
Ástand dekkjanna var skoðað og
metið af tveimur starfsmönnum.
Fimmti hver bíll var með mikið slitin
dekk sem lítið mega sín í því vetr-
arfæri sem var þennan dag á götum
borgarinnar.
45% bíla voru með hálfslitin dekk,
með að meðaltali 4 mm mynstur-
dýpt. Þessi dekk eru mörg hver enn
ágæt en sum þeirra eiga stutt eftir í
að verða mikið slitin. Einungis 36%
bílanna voru með ný eða nýleg dekk
sem voru lítið slitin eða óslitin. Þess
skal getið að lágmarks mynsturdýpt
í dag er 1,6 mm en hún telst í raun of
lítil á vetrardekkjum, segir í frétt
Brautarinnar. Ljóst sé að hemlunar-
vegalengd hjá meira en helmingi
bílanna sem kannaðir voru hafi auk-
ist verulega frá því dekkin undir bíl-
unum voru ný og hún eigi bara eftir
að aukast.
Smátjón á bílnum sé fljótt að
verða dýrara en vetrardekkin. Fá
megi gott vetrardekk fyrir eitt fram-
ljós sem brotnar við tjón og líklega
verði þónokkur afgangur.
Dekk séu forgangsatriði
„Að mati Brautarinnar þá ættu
dekk að vera eitt af forgangsatriðum
þegar kemur að viðhaldi bíla. Þetta
eru einungis fjórir lófastórir fletir
sem við treystum á til að hafa stjórn
á bílnum, aka af stað, beygja, eða
hemla. Öryggi bílstjóra, farþega og
þeirra sem eru samferða okkur í um-
ferðinni er í húfi. Því miður hafa of
mörg slys og óhöpp orðið vegna lé-
legs dekkjabúnaðar,“ segir í frétt-
inni.
Þar kemur einnig fram að sam-
kvæmt könnun Samgöngustofu megi
fá góð vetrardekk á meðalfólksbíl
fyrir 12-15 þúsund kr. Með dekkja-
skiptum sé það um 54-65 þúsund
krónur.
Hluti bílaflotans enn á
slitnum sumardekkjum
 Fimmti hver bíll sem skoðaður var með mikið slitin dekk
Slitið Enn eru margir bílar á alger-
lega ófullnægjandi dekkjum.