Morgunblaðið - Sunnudagur - 09.02.2014, Blaðsíða 16

Þ
rátt fyrir aukna athygli umheimsins í kringum
íþróttahátíðina nú, umræðu um spillingu stjórn-
valda og slæman aðbúnað gesta verður ekki af
íbúum Sotsjí tekið að þeir eru þaulvanir umferð
ferðamanna. Til þessa hefur hún þó einkum verið bundin
við landa þeirra. Meðal þeirra hefur borg-
in m.a. verið þekkt sem „rússneska rivíer-
an“, „perlan við Svartahafið“ og „sumar-
borgin“.
Á sömu breiddargráðu og Nice
Í Sotsjí búa að staðaldri tæplega 400 þús-
und manns, þótt þessa dagana dvelji þar
þúsundum fleiri í tengslum við leikana.
Samkvæmt ferðasíðum sækja ríflega tvær
milljónir ferðamanna svæðið heim að sum-
arlagi ár hvert, enda þekkt meðal Rússa
fyrir mikla veður- og gróðursæld.
Sotsjí liggur á sömu breiddargráðu og
hin suðurfranska Nice, Toronto og Gobi-
eyðimörkin. Hinir þekktu rússnesku fimb-
ulkuldar að vetrum eiga því síst við á
þessum slóðum og því ekki nema von að
áhyggjur af snjóleysi á leikunum að þessu
sinni hafi gert vart við sig í aðdraganda
þeirra (þess má geta að keppnisstaðir
„snjóþyngri“ keppnisgreina, s.s. skíða- og snjóbretta-
íþróttanna, eru allir í um klukkustundar akstursfjarlægð
frá miðborginni, í átt til Kákasusfjallanna).
Frá maí til október ár hvert flykkist fólk að til að flat-
maga í sólinni einhvers staðar á hinni 145 km strand-
lengju borgarinnar. Pálmatré ramma inn breiðgötur, urm-
ul veitinga- og skemmtistaða og verslana er þar að finna
og úti á vatninu má oftar en ekki sjá snekkjur auðkýfinga
og skemmtiferðaskip.
Eftirlæti stjórnarherra og grísk goðafræði
Sotsjí hefur löngum heillað rússneska ráðamenn. Stalín
stuðlaði m.a. að mikilli uppbyggingu staðarins á sinni tíð og
reisti sér m.a. sumarhús þar, sk. „dacha“ sem hann sótti
óspart. Þar er nú safn þar sem m.a. er hægt að virða fyrir
sér vaxmynd af einræðisherranum. Stytta af Lenín, óvenju
kæruleysislegum með hönd í vasa, stendur einnig í einum
garða borgarinnar og ljóst að Pútín er langt í frá fyrsti
stjórnarherrann sem kunni vel við sig á þessum slóðum.
Auk þess að flatmaga á ströndinni á sumrin er ýmislegt
að skoða í Sotsjí að sumarlagi samkvæmt ferðasíðum. Rís
grasagarðurinn Dendrarium þar einna hæst en þar kennir
ýmissa grasa í orðsins fyllstu; Agura-fossarnir, vinagarður
Ottos Schmidts, tónleikastaðir, sædýrasöfn, vatnsrennibraut-
argarðar og fleira.
Ýmsir áhuga- og fræðimenn um gríska goðafræði telja
Sotsjí sögusvið Ódysseifskviðu þar sem hetjan á að hafa
hitt fyrir kíklópana. Þá tengja ýmsir fjallasvæðið Krasnaya
Polyana, þar sem keppt verður á vetrarleikunum, sögunni
af því þegar Seifur refsaði Prómeþeusi fyrir að ræna eldi
frá guðunum.
Eitt er víst að það er ýmislegt áhugavert við Sotsjí sem
áfangastað. Hvort rússneskum stjórnvöldum tekst hins vegar
að gera þennan sumardvalarstað að alþjóðlegri vetrarparadís
í kjölfar leikanna verður hins vegar tíminn að leiða í ljós.
VETTVANGUR VETRARÓLYMPÍULEIKANNA
Rússneska
rivíeran
AUGU HEIMSINS BEINAST MÖRG AÐ RÚSS-
NESKU BORGINNI SOTSJÍ NÚ UM STUNDIR, ÞAR
SEM 22. VETRARÓLYMPÍULEIKARNIR FARA FRAM.
STAÐARVALIÐ FYRIR LEIKANA KOM VÍÐA Á
ÓVART, ENDA SOTSJÍ LÖNGUM ÞEKKTARI FYRIR
SÓLBÖÐ OG SVAML AÐ SUMARLAGI.
Gunnhildur Ásta Guðmundsdóttir gunnhildur@mbl.is
Sotsjí er afar gróðursæl eins og sjá má, og loftslagið milt þar.
Í grasagarðinum Dendrarium kennir ýmissa grasa og margra
hverra víða að.
Vaxmynd af Stalín, í
sumarhúsi hans.
Tennisdísin Shara-
pova er frá Sotsjí.
Horft til Sotsjí og
Kákasusfjallanna í
fjarska.*Mælt er með tíu spennandi áfangastöðum sem hagstætt er að heimsækja árið 2014 »18Ferðalög og flakk
„Australia Day“ var fagnað þann 26. janúar sl., en þann dag minnast
Ástralir komu fyrsta flota Breta til Ástralíu árið 1877.
Deginum er vanalega fagnað með alls kyns uppákomum, s.s. íþrótta-
viðburðum, tónleikum og risastórri flugeldasýningu. Einnig eru
strendurnar einstaklega vinsælar á góðum sumardegi og var ferð minni
heitið á Coogee-ströndina. Steikjandi hitinn gaf góða ástæðu til að
skella sér í sjóinn til kælingar. Þar sem ég lét mig fljóta í tærum sjónum
blasti við mér hvít ströndin, blár himinn og þúsundir ánægðra strand-
gesta. Þetta er sjón sem ég fæ aldrei leiða á og gat ég ekki annað en
hugsað hversu mikil forréttindi það væru að hafa búið hér síðustu 4 ár-
in. Um ágæti Sydney-borgar hugsaði ég í dágóða stund, eða allt þar til
hákarlaviðvörunarflautan á ströndinni byrjaði að óma.
Ljóminn af strandarstemningunni dofnaði þá fljótt og var ekkert ann-
að í stöðunni en að rölta heim á leið. Kær kveðja, Margrét Jóna
Íslendingar að njóta
lífsins við höfnina.
Óperuhúsið þekkta.
Sumarstemning í Sydney
Í Darling Harbour.PÓS
TKORT FRÁ Á
STRALÍU