Morgunblaðið - Sunnudagur - 09.02.2014, Blaðsíða 46

46 MORGUNBLAÐIÐ SUNNUDAGUR 9.2. 2014
Þ
að eru tvö nöfn á hurðinni, Eykon
Energy og Mostly Human
Entertainment. Tvö fyrirtæki
sem búa í sátt og samlyndi enda
þótt verksviðin séu ólík. Annað
fyrirtækið undirbýr olíuleit á Drekasvæðinu
en hitt er í þann mund að setja upp söngleik
í New York. Dæmigerður bisness á Íslandi,
eða þannig. Þarna ráða húsum bræðurnir
Ívar Páll og Gunnlaugur Jónssynir en þeir
binda ekki alltaf bagga sína sömu hnútum og
aðrir.
„Hvers vegna ertu kominn alla leið hingað
í Kópavog? Það er fullt af svona fyrirtækjum
í Borgartúninu,“ segir Gunnlaugur sposkur á
svip.
Erindið er við bróður hans en frá því hef-
ur nú verið gengið að söngleikur Ívars Páls,
Revolution, verði færður upp í New York í
sumar. Frumsýning er fyrirhuguð í Green-
wich Village á Manhattan í ágúst. Framleið-
endur eiga nú í samningaviðræðum við tvö
Off-Broadway-leikhús og von bráðar skýrist
hvort þeirra verður fyrir valinu. Off-
Broadway-leikhús eru með færri en 500 sæti
og er það, að sögn Ívars Páls, mátulega
stórt fyrir sýninguna.
Ekki er um að ræða dæmigerðan söngleik
í anda Cats og Mary Poppins. „Þetta er svo-
kölluð indie-tónlist,“ útskýrir Ívar Páll, „sem
sjaldan ratar inn í söngleiki. Ég þekki engan
annan indie-söngleik. Þetta er sú tónlist sem
stendur mér næst og ég sá enga ástæðu til
að binda mig á klafa hefða í þessum efnum.“
Taka upp plötu
Bergur Þór Ingólfsson hefur verið ráðinn
sem leikstjóri og viðræður standa yfir við
fleiri listræna stjórnendur. Ívar Páll reiknar
með að gengið verði frá þeim málum á
næstu vikum. Hann er hæstánægður með
Berg Þór. „Hann hefur margsýnt hvers hann
er megnugur, meðal annars í uppfærslu
Borgarleikhússins á Mary Poppins. Sú sýn-
ing hefur vakið mikla athygli, hér heima og
erlendis. Bergur Þór er rétti maðurinn í
verkið.“
Verið er að taka upp konseptplötu með
lögunum úr sýningunni. Meðal söngvara eru
sumir af uppáhaldssöngvurum höfundarins,
svo sem Sigríður Thorlacius, Arnar Guð-
jónsson úr Leaves, Lára Rúnarsdóttir og
Eyþór Ingi Gunnlaugsson. Þá munu Stefán
Örn Gunnlaugsson, Ívar Páll sjálfur og eig-
inkona hans, Ásdís Rósa Þórðardóttir, koma
við sögu.
Platan verður gefin út hér heima og í
Bandaríkjunum í því augnamiði að kynna
sýninguna og kynda undir áhuga.
Í apríl verða áheyrnarprufur í New York
og er öllum frjálst að mæta. Kynning á pruf-
unum verður í höndum fyrirtækis ytra sem
sérhæfir sig í slíku. Ívar Páll hefur þegar
fengið fyrirspurn frá íslenskum leikurum en
veit ekki hvort þeir geri sér ferð utan. Um
er að ræða á að giska tíu sönghlutverk en
jafnframt þurfa leikararnir að vera liðtækir
dansarar. Þá þarf að manna hljómsveit sem
gæti leikið stórt hlutverk í sýningunni. „Við
erum ekki endilega að leita að dæmigerðum
söngleikjaleikurum. Ég sé miklu frekar fyrir
mér rokkara í þessum hlutverkum, en Berg-
ur Þór mun auðvitað hafa mikið um þetta að
segja,“ segir höfundurinn.
Áætlað er að æfingar hefjist í New York í
júní og frumsýnt verði í byrjun ágúst. Ívar
Páll gerir ráð fyrir að verða ytra meðan á
æfingum stendur. Sjá barnið fæðast, ef svo
má að orði komast.
Þetta er mín köllun
Ívar Páll hefur ekki verið áberandi í íslensku
tónlistarlífi til þessa. Það þýðir þó ekki að
hann sé nýgræðingur. „Ég er búinn að
semja tónlist í meira en tvo áratugi, frá því
ég var sextán ára,“ segir Ívar Páll sem verð-
ur fertugur síðar í þessum mánuði. „Þetta er
mín köllun. Ég lifi og hrærist í tónlist.“
Á unglingsárum stofnaði hann hljómsveit-
ina Blome ásamt þremur æskuvinum sínum,
Hólmsteini Inga Halldórssyni, Pétri Þór Sig-
urðssyni og Grétari Má Ólafssyni, og sendu
þeir frá sér plötuna The Third Twin árið
1995. Lög og textar voru eftir Ívar Pál. Plat-
an mæltist vel fyrir en samt leystist hljóm-
sveitin upp. „Ég var og er ánægður með
þessa plötu en það sem útgáfu hennar fylgdi
átti ekki við mig. Það er til dæmis ekkert
fyrir mig að standa á sviði. Það fann ég
strax. Ég get ekki leikið einhvern sósíal-leik
í kringum tónlistina mína. Þess utan var ég
bara tvítugur þarna og hélt að ég kynni allt.
Smám saman kemst maður að raun um að
maður kann ósköp fátt og veit lítið í sinn
haus.“
Hann brosir.
Eftir þetta reyndi Ívar Páll ekki lengi vel
að koma tónlist sinni á framfæri. Hann sat
þó ekki auðum höndum. „Í fimmtán ár samdi
ég að minnsta kosti eitt lag á hverjum ein-
asta degi. Settist niður í einhverja klukku-
tíma og samdi – fyrir sjálfan mig. Ég átti
mitt fjögurra rása upptökutæki og tók margt
af þessu upp. Um tíma hélt ég úti vefsíðu
með tónlistinni minni og í kringum aldamótin
vakti hún áhuga fyrirtækis í Bandaríkjunum
sem gaf út tvær smáskífur eftir mig. Það
vatt ekki upp á sig á þeim tíma.“
Meðfram tónlistarvafstrinu nældi Ívar Páll
sér í háskólagráðu í hagfræði og vann lengst
af sem blaðamaður, á Morgunblaðinu og Við-
skiptablaðinu. Á árunum 2009-11 var hann
fréttastjóri viðskipta á Morgunblaðinu.
Lét reyna á hæfileikana
Að því kom að honum fannst hann aftur
tilbúinn að koma tónlist sinni á framfæri.
„Það var árið 2011 að ég fór að hugsa minn
gang, ég hefði einhverja hæfileika sem væru
duldir umheiminum og hvort ég ætti ekki að
láta á þá reyna. Í framhaldinu fór ég að spá
í styrk minn, hvaða form hentaði mér best.
Ég get samið tónlist og er ágætis penni,
hvað með söngleik? Þá yrði ég alla vega laus
við að koma fram sjálfur.“
Hann brosir.
Þegar hér er komið sögu hafði orðið
breyting á högum Ívars Páls, hann var orð-
inn kvæntur tveggja barna faðir. Nú er
raunar þriðja barnið á leiðinni. Hann segir
eiginkonu sína, Ásdísi Rósu Þórðardóttur,
hafa hvatt sig óspart til dáða við tónsmíð-
arnar. „Ásdís Rósa hefur haft mikil áhrif á
mig. Sjálf er hún mjög góð söngkona og hef-
ur verið svo almennileg að syngja inn á
margar upptökur fyrir mig með sinni ein-
stöku rödd. Verst að hún hefur lítinn sem
engan tíma til að sinna söngnum, það er allt-
af einhver maður að barna hana.“
Hann hlær.
„Vonandi kemur samt að því að Ásdís
Rósa gerir eitthvað við þessa guðsgjöf.“
Annar maður sem Ívar Páll má til með að
nefna í þessu sambandi er bróðir hans,
Gunnlaugur Jónsson, forstjóri og fjárfestir
með meiru. „Hann hefur verið lykilmaður í
þessu ferli öllu. Ég á honum mikið að þakka.
Gunnlaugur hefur alltaf haft óbilandi trú á
tónlistarhæfileikum mínum og hvatt mig með
ráðum og dáð. Hann er jarðýtan sem hver
listamaður þarf á að halda. Þess utan erum
við bræðurnir miklir sálufélagar og bætum
Veit ekki hvar ég
enda og ruglið
tekur við
NÝR ÍSLENSKUR SÖNGLEIKUR, REVOLUTION IN THE ELBOW OF RAGNAR
AGNARSSON FURNITURE PAINTER EFTIR ÍVAR PÁL JÓNSSON, VERÐUR
FRUMSÝNDUR Í NEW YORK Í SUMAR Í LEIKSTJÓRN BERGS ÞÓRS INGÓLFS-
SONAR. UPPFÆRSLAN HEFUR VERIÐ FULLFJÁRMÖGNUÐ HÉR HEIMA OG
ER Á VEGUM MOSTLY HUMAN ENTERTAINMENT OG THEATER MOGUL.
UM ER AÐ RÆÐA FYRSTA SÖNGLEIK HÖFUNDAR SEM EIGI AÐ SÍÐUR HEF-
UR FENGIST VIÐ TÓNLIST BAK VIÐ TJÖLDIN Í MEIRA EN TVO ÁRATUGI. AÐ
ÞVÍ KOM AÐ HANN SINNTI KÖLLUN SINNI. HÆTTI AÐ VERA „LISTAMAÐ-
UR Í LÍKAMA AUMINGJA“, EINS OG HANN ORÐAR ÞAÐ SJÁLFUR. VALDI ÞÓ
SÖNGLEIKJAFORMIÐ TIL AÐ ÞURFA EKKI AÐ KOMA SJÁLFUR FRAM.
Orri Páll Ormarsson orri@mbl.is
Viðtal