Morgunblaðið - Sunnudagur - 09.02.2014, Blaðsíða 60

A
tlético Madrid er komið á ískaldan
toppinn í Spánarsparki í fyrsta sinn
í 18 ár eftir sigur á Real Sociedad
um síðustu helgi. Á sama tíma
tapaði Barcelona á heimavelli fyrir
Valencia.
Spænski boltinn hefur alltaf verið tveggja
turna tal á milli Barcelona og Real Madrid. Ein-
stöku sinnum koma lið sem skáka þeim. Val-
encia gerði það þegar Rafa Benitez var með
því og Atlético gerði það þegar Aragonés stýrði
liðinu.
Luis Aragonés var magnaður leikmaður en
einstakur þjálfari. Hann hóf ferilinn með Real
Oviedo en Atlético var hans félag. Hann var
miðjumaður sem hafði auga fyrir mörkum. Í 11
ár var hann leikmaður félagsins og spilaði 372
leiki og skoraði 173 mörk. Hann vann þrisvar
sinnum deildina og tvo bikarmeistaratitla með-
an hann var leikmaður. 1974 skoraði hann mark
sem virtist ætla að tryggja Atlético sigur í Evr-
ópukeppni meistaraliða eins og keppnin hét þá,
undanfara Meistaradeildarinnar. Öttu þeir kappi
við FC Bayern í úrslitaleik en Hans-Georg
Schwarzenbeck tryggði Bayern jafntefli með fá-
ránlegu langskoti og Bæjarar unnu síðari leikinn.
Þá var keppnisfyrirkomulagið annað en þekkist í
dag. Þá var ekki leikið til úrslita ef leikurinn fór
jafntefli heldur var bara annar leikur. Tímabilið
á eftir var Aragonés kominn á hliðarlínuna sem
þjálfari. Bayern neitaði að keppa í álfukeppninni
og Atlético fór í staðinn. Unnu bikarinn með
hinn 36 ára Aragonés við stjórnvölinn. Hann
þjálfaði félagslið í 29 ár, þar af Atlético í 15.
Síðan tók spænska landsliðið við sem hafði ekki
unnið neitt í 44 ár þegar hann gerði það að
Evrópumeisturum árið 2008. Fræg er sagan af
hegðun hans og liðsræðunni fyrir úrslitaleikinn
gegn Þjóðverjum. Framherji liðsins var Fern-
ando Torres og hann hafði ekki skorað í keppn-
inni til þessa. Enginn þekkti Torres betur en
Aragonés sem hafði tekið hann upp í aðallið
Atlético sem ungan pilt þegar félagið var í ann-
arri deildinni. Hann lyfti upp hendinni, gerði
kross á enni Torres og sagði: „Þú átt eftir að
skora í leiknum, Nino, Nino (gælunafn Torres).
Þú átt eftir að skora í leiknum.“ Síðan gekk
hann nokkur skref aftur á bak og hóf að tala
við leikmenn sína. Talaði sérstaklega um miðju-
mann Þjóðverja, Michael Ballack sem hann kall-
aði alltaf Michael Wallace. Carlos Puyol stopp-
aði hann eitt sinn og benti honum á að Ballack
héti alls ekkert Wallace. „Ég kalla hann bara
það sem mér sýnist,“ sagði Aragonés. Í göng-
unum fyrir leik gekk hann svo að Ballack,
klappaði þéttingsfast á bak hans og sagði:
„Gangi þér vel Wallace.“ Restina af sögunni
þekkja flestir. Ballack var pakkað saman af
litlum og léttleikandi leikmönnum Spánar og
Torres skoraði markið sem tryggði þeim Evr-
ópumeistaratitilinn.
Minnst víða
Aragonés hafði alltaf látið liðin sín spila skyndi-
sóknarbolta. Pakka í vörn, vinna boltann á
hættulegum stöðum og sækja hratt. Með lands-
liðið setti hann allt sitt traust á Xavi og Iniesta.
Pínulitla miðjumenn sem geta þó haldið bolt-
anum betur en aðrir. „Ég er með besta liðið
hérna. Ef við verðum ekki Evrópumeistarar þá
er það vegna þess að það er mér að kenna,“
sagði hann fyrir mótið. „Luis lét mig fá sjálfs-
traust og ábyrgð sem ég hafði ekki einu sinni
hjá Barcelona. Án hans hefðum við ekki unnið
neitt. Hann breytti öllu hjá spænska landsliðinu.
Allt byrjaði þetta með honum,“ skrifaði Xavi í
minningargrein um Aragonés.
Alls staðar um liðna helgi minntust menn
þessa meistara. Á Camp Nou, leikvangi Barce-
lona, stóðu bæði leikmenn Börsunga og Val-
encia í hring og minntust hans. Xavi, Iniesta og
Carlos Puyol fóru í jarðarförina hans ásamt
mörgum öðrum úr landsliðinu sem varð Evr-
ópumeistari. Pepe Mel var með sorgarband á
Hawthornes-vellinum í Englandi og við leikvang
Mallorca var auður stóll með gömlum skóm
Aragonés við hliðina á varamannaskýlinu. Hann
var oftast kallaður Zapatones eða stórir skór
enda notaði hann skó númer 49. Minningar-
athöfnin var tilfinningaþrungin á Vincente Calde-
ron-vellinum í Madríd fyrir leikinn gegn Socie-
dad. Aragonés hafði alltaf spilað númer átta og
við hlið átta á vellinum var gríðarlegt blómahaf.
Inni í búningsklefa var treyja númer átta alls
staðar við hliðina á treyjum leikmanna. Áhorf-
endur voru þögulir að áttundu mínútu og áður
en leikur hófst gerðu áhorfendur gríðarlega
mósaíkmynd af hetjunni sinni.
Torres, Eto’o og Villa
Það var skrifað í skýin að David Villa skyldi
skora mark í þessum leik síðasta laugardag.
Aragonés setti hann sem fyrsta framherja í liði
Spánar og bjó til eitraðan framherja úr honum.
Það gerði hann líka við Fernando Torres og
sömuleiðis við Samuel Eto’o þegar hann var hjá
Mallorca.
Atlético er nú komið á toppinn í fyrsta sinn í
18 ár. Liðið hefur spilað gríðarlega vel á þessu
tímabili með Diego Costa, David Villa, Thibaut
Courtois, Koke og fleiri magnaða menn í bana-
stuði. Nú eru þeir komnir með Diego frá
Wolfsburg, sem kann þá list að tengja miðju og
sókn saman. Atlético hefur ekki tapað í 23
leikjum í röð og aðeins tapað einu sinni á tíma-
bilinu eða í 37 leikjum með kjánalegu sjálfs-
marki (greinin er skrifuð fyrir leik Atlético og
Real Madrid í bikarnum sem fram fór í vik-
unni). Liðið fór auðveldlega í gegnum riðilinn
sinn í Meistaradeildinni og mætir AC Milan í 16
liða úrslitum.
Undir stjórn Diego Simeone spilar liðið
skemmtilegan fótbolta og árangursríkan en
spurningin er þó alltaf hvort liðið haldist á
næsta tímabili. Fer Diego Costa til Arsenal? Fer
Courtois til Chelsea? Fer Koke til Manchester
United?
En á meðan allt stendur í blóma er ekki
kominn tími til að spyrja sig þessara spurninga.
Atlético Madríd er á toppnum í fyrsta sinn síð-
an 1996. Síðast þegar það gerðist vann liðið
deildina.
FYRRVERANDI LANDSLIÐSÞJÁLFARI SPÁNAR, LUIS ARAGONÉS, FÉLL FRÁ FYRIR VIKU 75 ÁRA GAMALL. ARAGO-
NÉS GERÐI SPÁN AÐ EVRÓPUMEISTURUM 2008. HANN VAR EINNIG GOÐSÖGN HJÁ ATLÉTICO MADRID ÞAR
SEM HANN SPILAÐI 360 LEIKI OG STÝRÐI FÉLAGINU FJÓRUM SINNUM. DAGINN EFTIR AÐ ARAGONÉS
FÉLL FRÁ KOMST ATLÉTICO Á TOPPINN Á SPÁNI Í FYRSTA SINN Í 18 ÁR.
Skilur við Atlético á toppnum
60 MORGUNBLAÐIÐ SUNNUDAGUR 9.2. 2014
„Hann hefur ábyggilega verið þarna uppi, klæddur í hvítt og
rautt, og glaðst með okkur. Hann var ótrúlegur karakter.“
Diego Simeone, þjálfari Atlético Madrid.
Boltinn
BENEDIKT BÓAS
benedikt@mbl.is
Luis Aragonés
Leikmannaferill
Ár Lið Leikir Mörk
1960–1961 Oviedo 13 4
1961–1964 Real Betis 86 33
1964–1974 Atlético Madrid 372 172
Fæddur: 28 júlí 1938 • Dáinn: 1 febrúar 2014
Ár Lið
1974–1980 Atlético Madrid
1981 Real Betis
1982–1987 Atlético Madrid
1987–1988 Barcelona
1990–1991 Espanyol
1991–1993 Atlético Madrid
1993–1995 Sevilla
1995–1997 Valencia
Ár Lið
1997–1998 Real Betis
1999–2000 Real Oviedo
2000–2001 Mallorca
2001–2003 Atlético Madrid
2003–2004 Mallorca
2004–2008 Spánn
2008–2009 Fenerbahçe
Þjálfaraferill