Morgunblaðið - Sunnudagur - 01.06.2014, Page 34

34 MORGUNBLAÐIÐ SUNNUDAGUR 1.6. 2014
Matur og drykkir
V
ið horn Njarðargötu og Lokastígs á móts við Hall-
grímskirkju er viðkunnanlegt kaffihús sem ber
nafnið Kaffi Loki. Auk þess að bjóða gestum upp
á ilmandi kaffi og kræsingar er á boðstólum matur
úr kjarna íslenskrar matarmenningar. Nýbakað rúgbrauð
með reyktum silung, sviðasultu o.fl. auk bragðmikillar kjöt-
súpu og hangikjöts með uppstúf er allt á matseðli staðarins
auk fleiri rétta. Ekki má gleyma hinum einstaka rúg-
brauðsís sem í fyrstu hljómar sem einkennileg blanda ólíkra
hluta í fyrstu en er vinsæll meðal gesta kaffihússins og al-
veg þess virði að skella sér upp á Skólavörðuholtið til að
prófa.
Hrönn Vilhelmsdóttir, annar eigandi staðarins, segir hug-
myndina alltaf hafa verið þjóðlegan brag. „Í huga okkar bjó
staður á Ítalíu sem við höfðum farið á nokkru áður. Þar
voru miðaldra karlar sem höfðu einfaldan, þjóðlegan en
lystilegan matseðil á boðstólnum. Meira þarf ekki til. Þó
enn væri árið 2006 þegar við vorum að ígrunda þetta, var
þjóðlegur matur sem bæri þó nýjan blæ það sem við ætl-
uðum að stefna að.“
Íslenskir brauðréttir hafa slegið í gegn hjá ferðamönnum
sem sækja staðinn sem og Íslendingum. „Hér bjóðum við
upp á rúgbrauð og flatbrauð í hæsta gæðaflokki sem er
bakað á staðnum og því alltaf nýtt. Flatbrauðið er gert eftir
sérstaki aðferð og uppskrift sem er mjög gömul. Með því
höfum við reyktan silung frá Skútustöðum, hangikjöt, sviða-
sultu, kæfu, ost o.s.fr. Þá er vinsælt smakk hjá ferðamönn-
um harðfiskur og hákarl sem við fáum frá Bjarnarhöfn.“
Plokkfiskur hefur lengi verið alþýðumatur á Íslandi sem
byggist á því að nýta allt til hins ýtrasta. Í dag verður að
telja plokkfiskinn bæði þjóðlegan og góðan rétt sem er auð-
vitað á matseðli Kaffi Loka. „Það er víða þekkt að alþýðu-
matur sem var kannski neyðarbrauð hefur öðlast sess sem
þjóðlegir réttir. Má þar nefna pizzur frá Ítalíu og soul-food
í suðurríkjum Bandaríkjanna,“ segir Hrönn og bendir um
leið á að ekki sé sama hvernig plokkfiskurinn sé mat-
reiddur. „Til þess að gera plokkfisk góðan þarf að nota góð-
an ferskan fisk og kartöflur. Uppbökuð sósan fær í dag sér-
legar trakteringar með góðum fiskikrafti, karrí og lauk og
jafnvel rjómaslettu ef hún er til. Einnig notum við góðan
ost ef plokkarinn er gratineraður og alltaf vel af nýmöluðum
svörtum pipar. Rúgbrauðið, nýbakað, er svo borið fram með
og þá er kominn herramannsmatur. Matthías Jochumsson
sagði eitt sinn „kona er eins og pipar á lífsins plokkfiski“.
Fyrir það viljum við standa, að vera pipar á lífsins plokk-
fiski í flóru kaffi- og veitingahúsa hér á landi.“
Listamennirnir Siggi Valur og Raffaella Sigurðardóttir leggja lokahönd á listaverkið Loki Laufeyjason sem þekur heilan
vegg á Kaffi Loka. Á verkinu er að finna tilvísanir í sögur af Loka og geta gestir notið þeirra yfir þjóðlegum réttum.
Flatbökur með hangikjöti, rúgbrauð með plokkfisk og reyktum silung og auðvitað
hákarlsbitar að ógleymdum harðfiskinum með smjöri.
Hrönn Vilhelmsdóttir sótti hugmyndina að Kaffi Loka til Ítalíu
þar sem hún kynntist stað með þjóðlegum réttum Ítala.
ÞJÓÐLEGT KAFFIHÚS Á SKÓLAVÖRÐUHOLTI
Piparinn í lífsins plokkfiski
KAFFI LOKI ER MEÐ ÞJÓÐLEGA OG GÓÐA RÉTTI Á MATSEÐLINUM SEM ÆTTU AÐ KÆTA BRAGÐLAUKANA HJÁ ÖLLUM SÆLKERUM LANDSINS.
Vilhjálmur Kjartansson vilhjalmur@mbl.is
Plokkfiskurinn á Kaffi Loka er eitt besta dæmið um alþýðumat
sem nú þykir algjört gómsæti hjá Íslendingum og ferðamönnum.Gómsætir brauðréttir með sviðasultu, plokkfisk og öðru góðgæti.
Morgunblaðið/Árni Sæberg
HITIÐ OFNINN Í 180 °C
5 bollar rúgmjöl
1 bolli hveiti
1 bolli heilhveiti
3 ½tsk matarsódi
2 ½ tsk salt
1 tsk lyftiduft
1 ½ l súrmjólk
1 græn dós sýróp
½ dós bónussýróp
Mjölið sett í stóra skál ásamt þurrefnum.
Súrmjólk sem er við stofuhita er sett í aðra
skál ásamt sýrópi. Hrært vel saman.
Súrmjólkurblöndunni hellt yfir mjölið og
hrært vel saman en ekki of mikið. Sett í vel
úðað form og inn í ofninn. Lækka strax hitann
í 120 °C. Bakað í ca10 tíma. Notað er frekar
djúpt 2/3 Gastró form með loki.
RÚGBRAUÐIÐ Á KAFFI LOKA