Morgunblaðið - Sunnudagur - 01.06.2014, Qupperneq 39

1.6. 2014 MORGUNBLAÐIÐ SUNNUDAGUR 39
* „Hættan er ekki að tölvur muni byrja aðhugsa eins og menn heldur að menn byrji aðhugsa eins og tölvur.“
Sydney J. Harris, blaðamaður
Tvöfalda tölvuspilið Donkey Kong kom út árið
1982 og varð feikilega vinsælt hér á landi og víðar.
Donkey Kong var úr línu frá Nintendo sem hét
Game & Watch en fyrirtækið gaf út alls 60 tölvu-
spil undir því nafni á árunum 1980 til 1991. Seldust
þau samtals í um það bil 43 milljónum eintaka um
allan heim.
Donkey Kong-tölvuspilið skartaði tveimur LCD-
skjáum. Markmið leiksins var einfalt. Spilarinn stýr-
ir góðkunningja tölvuleikjaspilara, Mario, sem
berst við úrilla górillu sem kastar olíutunnum nið-
ur. Kærasta Mario var í haldi górillunnar og þurfti
að komast upp á efri skjáinn til að kveikja á rofa
sem setti af stað krana. Þegar kraninn var kominn
af stað þurfti að hoppa með Mario á hárréttum
tíma upp í kranann sem lyfti Mario upp að fjórum
lyklum sem héngu efst. Þegar allir lyklarnir voru
komnir brotnuðu undirstöðurnar undan górillunni
Donkey Kong og leikurinn hófst að nýju.
Donkey Kong 2 kom síðan út og var fyrsta tölvu-
spilið sem notaði D-Pad-stýripinna en þá var hægt
að fara upp og niður og til hægri og vinstri. Á
vinstri hlið var svo stökktakkinn.
GAMLA GRÆJAN
Donkey Kong-
tölvuspilið
Mikið þótti til þess koma að eiga Donkey Kong-tölvuspilið á
sínum tíma – enda var það tvöfalt.
Hluti húss stofnanda Microsoft, Bills Gates, er teikn-
aður með ModelShop-forritinu sem virkar aðeins
með Apple. Setur Gates var hannað af arkitektinum
James Cutler í samstarfi við arkitektastofuna Bohlin,
Cywinski & Jackson. Fyrirtækið hefur lengi notað
Macintosh-tölvur og -forrit en Cutler sagðist á sín-
um tíma hafa teiknað mestallt setrið með blýant að
vopni. Þegar hann lenti hins vegar á hindrunum þeg-
ar hann ætlaði að teikna bæði bílskúrinn og svokall-
aða eltihátalara sem þarna eru notaði hann forritið
til að hjálpa sér.
Þess má geta að allar Apple-vörur eru bannaðar í
húsi Gates. Húsið kostaði 63 milljónir dollara og var
sjö ár að verða klappað og klárt.
Í húsinu er að finna 24 baðherbergi og ef kveikt
er á tónlist í einu herbergi eltir tónlistin þig að því
næsta.
Gates borgar eina milljón dollara í skatt af húsinu
á ári.
TÖFF TÆKNISTAÐREYND
Hluti hallarinnar gerður með Mac
Hús Bill Gates kostaði 63 milljónir dollara og er með sína
eigin Wikipedia síðu, svo frægt er það.
Samsung hefur sótt um einkaleyfi á nýju
snjallúri. Einkaleyfið útskýrir með tölu-
verðri nákvæmni hvernig það mun virka.
Samsung sækir um rúmlega fimm þúsund
einkaleyfi á ári og því má vel vera að ekkert
verði af þessari hönnun fyrirtækisins.
Snjallúrið verður keyrt á Tizen-
stýrikerfinu, mun virka með handahreyf-
ingum og hægt verður að nota það einnig
sem hálsmen.
Teikningar af úrinu, sem láku út í vik-
unni, sýna að Samsung ætlar að gera úrið
að hluta til snertilaust. Það er að segja að
úrið mun nema bendingar og virka með
þeim. Á teikningunni má sjá hið klassíska
„Ok“-merki og „Like“-merkið sem og
nokkrar þekktar bendingar sem þýða það
sama víða um heim.
Sé leyfið lesið kemur í ljós að Samsung
ætlar einnig að gera úrið að fjarstýringu
fyrir sjónvarp frá framleiðandanum. Enn er
þetta þó bara hugmynd á pappír en gefur
innsýn í hvað Samsung er að hugsa.
HÖNNUN OG UPPFINNINGAR
Einkaleyfi lýsir nýju snjallúri
Smáralind | Sími 512 1330
Opið Sunnudaga 13-18
iPadmini
Nettur ogflottur
Verð frá:49.990.-
iPadAir
Kraftmikill og léttur
Verð frá:84.990.-
iPad
hvarsemer,
hvenærsemer
Hágæðaheyrnartól
SolRepublic
Verð frá:6.990.-