Morgunblaðið - Sunnudagur - 01.06.2014, Qupperneq 41

1.6. 2014 MORGUNBLAÐIÐ SUNNUDAGUR 41
FLUGFARÞEGAR FÁVSK
AFÖLLUMGLERAUGUM
SÍMI 527 1515 GÖNGUGÖTU
K
venpeningurinn er upp til hópa mjög upptekinn af því að líta vel
út og í mörgum tilfellum skiptir engu máli hvað það kostar. Það
að vera svolítið upptekinn af útlitinu hefur ekkert með stétt eða
stöðu að gera þótt tískustraumar hins eftirsótta útlits séu mis-
munandi. Það fer nefnilega alveg eftir kreðsum fyrir hverju snobbað er
(útlitslega). Í sumum hópum þykir brúnka eftirsóknarverð á meðan aðrar
kreðsur snobba fyrir rándýrum kremum og vinna þannig með förðunar-
vörur að það sjáist ekki að viðkomandi sé farðaður heldur líti út fyrir að fá
alltaf átta tíma svefn. Svo eru enn aðrar sem gera ekkert annað en að
býsnast yfir útlitinu og hvað það sé í miklu hakkabuffi en gera ekkert í því
að reyna að bæta það. Reglulega sér maður svo konur sem hafa bara gef-
ist upp … og þá er ekkert annað til ráða en að fylla bara vel á tankinn í
sjoppunni og fá sér stærri flíspeysu.
Það sem er merkilegt þegar neyslumunstur kvenna í heiminum er
skoðað er að kvenpeningurinn er til í að eyða miklu meiri peningum í að
líta vel út en vera heilsuhraustur.
Það sem kemur samt alltaf jafnmikið á óvart er hvað konur fara oft illa
með sig án þess kannski að gera sér fyllilega grein fyrir því. Okkur hættir
til að sofa ekki nóg, borða allt of mikið af sætindum, hreyfa okkur of lítið,
eiga í vondum samskiptum við aðra og svo má ekki gleyma því að við
drekkum oft og tíðum allt of mikið af víni. Auðvitað koma reglulega ein-
hverjar rannsóknir (sem eru líklega kostaðar af vínframleiðendum) sem
„sanna“ það að eitt rauðvínsglas á dag geri okkur ekkert nema gott. Það
má samt alveg velta hollustu áfengisdrykkju fyrir sér sér. Ef við drekkum
til dæmis eitt vínglas á dag nær líkaminn aldrei að hreinsa sig – lifrin fær
aldrei hvíld. Varla getur það talist gott fyrir okkur!
Milli tvítugs og þrítugs skiptir áfengisneysla kannski ekki öllu máli.
Fólk staupar sig um helgar og það þykir ekkert tiltökumál. Þessi mark-
hópur getur jafnvel tekið tvistinn eða þristinn án þess að viðkomandi beri
þess merki. Eftir þrítugt fara hins vegar áhrifin að sjást mun betur og eft-
ir fertugt er hægt að sjá það langar leiðir hvaða konur drekka of mikið og
hverjar ekki.
Vikuleg áfengisneysla framkallar þrota í andliti og ljóminn í augunum
minnkar (þetta á við um bæði kynin). Þá er alveg sama hversu mikið við
setjum af „frískandi“ augndropum í augun á okkur og hvað við berum á
okkur fín krem. Áfengisneyslan skín alltaf í gegn.
Þær sem eru hins vegar á vodkakúrnum taka nátt-
úrlega ekki eftir neinu – þokan er svo mikil að þær sjá
ekki heildarmyndina.
Nú halda örugglega einhverjir að ég hafi verið að
koma úr meðferð og sé frelsuð. Ég get glatt ykkur á
því að svo er ekki. Ég hef hins vegar oft prófað að
taka þurrkatímabil þar sem ég drekk nánast ekki
neitt í marga mánuði og svo koma ógæfutímabil inn á
milli þar sem lífið kallar á aðeins meira vodka. Í öllum
tilfellum líður mér miklu betur og lít skár út þegar
tappinn er í flöskunni. Þegar tappinn er í flöskunni er
aldrei mánudagur.
Lærdómurinn af þessu öllu er að lífið verður bara
svo miklu innihaldsríkara og betra þegar lífsblómið er
vökvað með sódavatni – ekki vodka. En af því áfeng-
isdrykkja er svo mikil stemningshegðun hef ég lært
að tala helst ekki um það þegar ég er á snúrunni.
Flestir eru nefnilega svo uppteknir af sjálfum sér að
þeir taka ekki eftir umhverfinu og alls ekki hvað hinir
í kringum þá eru að drekka. Skál! martamaria@mbl.is
Lífið
á snúrunni
Stelpurnar í Beðmálum í borginni voru sjaldan edrú. Þær drukku ekki jafn-
mikið í sínu raunverulega lífi og í þáttunum og Sara Jessica Parker viður-
kenndi á dögunum að hún hefði bara einu sinni smakkað Cosmopolitan.
Það er fínt
að skála í
sódavatni.