Morgunblaðið - 04.09.2014, Side 81

81
MORGUNBLAÐIÐ FIMMTUDAGUR 4. SEPTEMBER 2014
• Fjórir flottir skvasssalir
• Ketilbjöllutímar
• Cross train Extreme XTX
• Spinningtímar
• Einn besti golfhermir landsins.
• Góður og fullbúinn tækjasalur með Cybex og
• Technogym lyftinga- og upphitunartækjum.
• Körfuboltasalur.
• Gufubað í búningsklefum.
• Einkaþjálfarar.
Stórhöfða 17 | Sími 577 5555 | veggsport.is
Persónuleg þjónusta og
vinalegt umhverfi
Kort sem gildir
til 31. des 2014
Tilboð á
líkamsræktarkorti
Aðeins
24.900.-
sama verð og 3ja mán kort.
Valentína og Karl stofnuðu fyrir-
tæki sitt Móður náttúru árið 2003 en
það sérhæfir sig í gerð næringar-
ríkra og hollra grænmetisrétta.
„Þegar við fórum af stað með Móður
náttúru fyrir ellefu árum var ætlun-
in að framleiða grænmetisrétti fyrir
mötuneyti og skóla. Við fundum hins
vegar fljótt fyrir mikilli eftirspurn
eftir hollusturéttum í neytenda-
umbúðum og því þróaðist reksturinn
yfir í framleiðslu á þannig matvöru.
Nú eru réttirnir frá Móður nátt-
úru orðnir fastir liðir í heimilishaldi
mjög margra, sem er auðvitað afar
ánægjulegt. Í sumar settum við á
markað þrjá nýja grænmetispott-
rétti sem eru frábær máltíð einir og
sér, til dæmis með hýðishrís-
grjónum. Þeir henta einstaklega vel
þeim sem vilja halda í við sig því þeir
eru afar hitaeiningasnauðir en gefa
samt góða næringu og orku. Jafn-
framt eru nýju pottréttirnir góður
grunnur að stærri máltíð, til dæmis
með því að bæta saman við þá kjöt-
hakki eða kjúklingi.“
Þakklát skólabörn
Móðir náttúra á stóran og góðan
kúnnahóp, að sögn Valentínu. „Við
þjónustum leikskóla og elliheimili og
allt þar á milli. Okkur hlotnaðist sá
heiður að fá að elda mat fyrir nem-
endur Ísaksskóla og Landakotsskóla
og erum að fara af stað inn í fjórða
veturinn með þetta skemmtilega
verkefni. Fram til þessa hefur mat-
reiðslan fyrir skólana verið í hönd-
um Móður náttúru en nú í haust fær-
ist þjónustan yfir til Krúsku, þar
sem heilsuréttir Móður náttúru
verða þó eftir sem áður á matseðl-
inum.
Við hjá Krúsku hlökkum mikið til
að elda fyrir skólabörnin; þetta er
mikil áskorun, en matráðshjartað er
stórt og sleifin löng. Skólamaturinn
á að vera heimilislegur og hollur
með íslenska matarhefð í grunninn, í
bland við það sem alþjóðaeldhúsið
býður okkur upp á. Það fylgir því
mikil ábyrgð að elda fyrir skólabörn,
það sýnir sig að börnunum líður mun
betur í skólanum og eru ánægðari ef
þau fá næringarríkan mat í hádeg-
inu. Svo eru margir foreldrar sem
stóla á að börnin fái staðgóða máltíð
í skólanum.
Að mínu mati þurfum við sem
þjóð að hlúa miklu betur að unga
fólkinu okkar. Það þarf að hugsa
þessi skólamötuneytismál í heild.
Það er ekki nóg að moka einhverju í
krakkana á sem skemmstum tíma,
með tilheyrandi streitu og hávaða.
Matartíminn á að vera nærandi
stund, bæði andlega og líkamlega,
og gera þarf ráð fyrir þessu í skóla-
starfinu. Mig grunar að margir
kennarar geti tekið undir þetta með
mér, enda eru börnin jú framtíðin
okkar og það dýrmætasta sem við
eigum.“
Tandoori-kjúklingasalat
með melónusalsa
Tandoori-marinering
140 g grísk jógúrt
1 msk olía
1 dós tómatpúrra
4 cm ferskur engiferbútur
2 hvítlauksgeirar
ferskur chilibútur
½ tsk paprikuduft
½ tsk kanilduft
tsk garam masala
½ tsk túrmerikduft
salt og pipar
Öllu hrært saman.
600 g kjúklingakjöt, t.d. lundir,
marinerað í einn sólarhring.
Vatnsmelónusalsa
1 bolli vatnsmelóna, skorin í bita
2 vorlaukar, fínt sneiddir
½ bolli kókosflögur
½ msk kummínfræ
1 msk engifer, saxað
1 bolli grænar baunir (frosnar
affrystar)
sítrónusafi
salt og pipar
Ristið kummínfræ og kókosflögur
á vel heitri pönnu í 1-2 mín., passið
vel að brenni ekki. Öllu blandað sam-
an. Setjið kjúklinginn á spjót og bak-
ið í 7-10 mín við 200°C. Setjið fallegt
salat að eigin vali á disk, stráið yfir
vatnsmelónusalsa og leggið kjúk-
lingaspjót ofan á. Skreytið með sítr-
ónu og ferskum kóríander.
Brokkólísalat með kjúklingi og
engifer-sojadressingu
fyrir 2-4
Steiktur kjúklingur að eigin vali.
olía til að steikja upp úr
250 g brokkólí, fallega skorið
mangó í bitum eftir smekk
4 hvítlauksrif, söxuð
1 rauðlaukur, sneiddur
1 msk engifer, saxað
1 græn paprika, skorin í bita
1 rautt chili, skorið í fínar sneiðar
smávegis sítrónusafi
½ dl vatn
10 kirsuberjatómatar
ferskur kóríander eftir smekk
spínat eftir smekk
salt og pipar
Setjið olíu á pönnu og hitið vel;
steikið brokkólí, hvítlauk, engifer,
græna papriku og chili þar til það
byrjar að brúnast aðeins. Kreistið
yfir safa úr ½ sítrónu og hellið vatn-
inu yfir og látið sjóða snöggt niður.
Setjið tómata á pönnuna, spínat og
ferskan kóríander, hrærið öllu var-
lega saman, kryddið með salti og
pipar.
Engifer-sojadressing
½ bolli ólífuolía
3 msk góð sojasósa
½ bolli eplasafi
4 cm engifer
½ hvítlauksrif
3 msk ferskur kóríander
½ tsk ferskt chili
3 msk sítrónusafi
½ grænt epli
salt og svartur pipar
Allt sett í blandara og þeytt vel
saman.
Gulrótasúpa Krúsku
1 hótellaukur, sneiddur
4 hvítlauksrif
1½ kg rifnar gulrætur
½ dl rifið engifer
3 l grænmetis- eða kjúklingasoð
1 msk túrmerik
sítrónusafi eftir smekk
salt og svartur pipar
Steikið lauk og hvítlauk í potti,
bætið saman við rifnum gulrótum og
engifer og látið brúnast aðeins.
Setjið soð og túrmerik út í pottinn
og leyfið suðunni að koma upp, látið
síðan sjóða í u.þ.b. 20 mín.
Maukið súpuna vel í blandara eða
matvinnsluvél og smakkið til með
sítrónusafa, salti og pipar.Hollustan Óviðjafnanlegt brokkólí.