Morgunblaðið - 20.09.2014, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 20. SEPTEMBER 2014
Greiðslumiðlunin Hringur ehf. kt. 470110-0740, Austurbakka 2,
101 Reykjavík, Íslandi hefur birt lýsingu vegna umsóknar um töku
skuldabréfa sem útgefin eru af félaginu til viðskipta á Aðalmarkaði
NASDAQ OMX Iceland hf.
Lýsingin er á íslensku og er birt á rafrænu formi á vef Greiðslu-
miðlunarinnar Hrings ehf. www.greidslumidluninhringur.is. Fjárfestar
geta einnig nálgast útprentuð eintök af lýsingunni sér að kostnaðar-
lausu hjá Greiðslumiðluninni Hring, Austurbakka 2, 101 Reykjavík.
Sótt hefur verið um töku skuldabréfa í flokknum HARP 46 0217
að nafnverði 19.500.000.000 krónur til viðskipta á Aðalmarkaði
NASDAQ OMX Iceland hf.
NASDAQ OMX Iceland hf. mun birta tilkynningu um töku skulda-
bréfanna til viðskipta og hvenær viðskipti með þau geti hafist með
a.m.k. eins viðskiptadags fyrirvara.
Reykjavík, 20. september 2014
Birting lýsingar Greiðslu-
miðlunarinnar Hrings ehf.
SVIÐSLJÓS
Skapti Hallgrímsson
skapti@mbl.is
Öld er á þessu ári síðan ungur mað-
ur úr Skagafirði, Steindór Jóhann-
esson, stofnaði vélsmiðju á Akur-
eyri. Hann ólst upp í Lýtings-
staðahreppi við lítil efni, fýsti ekki
að stunda búskap heldur læra ein-
hverja iðn og flutti til Akureyrar
um aldamótin 1900. Hafði þá fengið
pláss hjá Sigurði Sigurðssyni járn-
smið, nam frekar í Danmörku í
framhaldi af því og kom fyrirtæki
sínu á fót 1914. Því fagnar fjöl-
skylda hans í dag með því að bjóða
öllum sem vilja í heimsókn í Frosta-
götu 6a þar sem fyrirtækið er til
húsa.
Margvísleg verkefni
„Við þjónustum fyrst og fremst
sjávarútveginn en síðustu ár höfum
við líka unnið mikið í aflþynnuverk-
smiðju Becromal í Krossanesi svo
ég nefni dæmi. Gífurlegri uppbygg-
ingu er nú lokið þar og það var okk-
ar gæfa að þjónusta var fyrst og
fremst keypt af heimamönnum;
vinnan dreifðist á smiðjur, verk-
smiðjur og önnur fyrirtæki hér í
kring og skapaði gífurlega atvinnu,“
segir Sigurgeir Steindórsson, fram-
kvæmdastjóri Vélsmiðju Steindórs
– afabarn stofnandans – við Morg-
unblaðið í tilefni tímamótanna.
Sigurgeir nefnir að í gegnum tíð-
ina hafi fyrirtækið fengist við marg-
vísleg verkefni; mikið unnið með
byggingaverktökum enda hafi stöð-
ug uppbygging kallað á fagmennsku
fyrirtækja eins og hans. „Við höfum
mjög lengi þjónustað nokkur fyr-
irtæki og ég get til dæmis nefnt
Brauðgerð Kristjáns, sem varð
hundrað ára nýlega; það er gaman
þegar fyrirtæki tengjast svona,
hvorugt hefur haft úrslitaþýðingu
fyrir hitt en þetta er flott dæmi um
þá viðskiptavild sem allir leitast við
að ná; að halda í kúnnana svo þeir
komi aftur og aftur.“
Sigurgeir kveðst bjartsýnn á
framtíðina. „Verkefnin eru nokkuð
örugg á meðan einhver er til þess
að vinna þau. Við byggjum fyrst og
fremst á góðri fagkunnáttu og
áfram verður þörf fyrir hana. Við
erum í góðu húsnæði og með ágæt-
an tækjakost. Það hefur helst staðið
okkur fyrir þrifum að geta ekki
endurnýjan tækjakost nógu hratt
því framfarir hafa orðið gríðarlegar
en á sama tíma er dálítið erfitt að
finna tæknimenntaða iðnaðarmenn.
Mér finnst við ekki hafa borið gæfu
til að mennta slíka menn í nógu
miklum mæli. Oft er oft talað um að
hugvit og handverk sé tvennt ólíkt
en svo er ekki; í þessum efnum þarf
þetta tvennt að fara saman. Hug-
vitið felst í því að kunna á tölvu því
nútímavélar eru orðnar tölvuvædd-
ar og gera það sem þú vilt. Ef þú
kannt ekki á hugbúnaðinn vinnur
vélin hins vegar ekkert.“
Hann er sannfærður um að fyr-
irtækið verði undir stjórn fjölskyld-
unnar um ókomin ár. „Ég er bjart-
sýnn á að við fljótum áfram
hnökralaust og hátíðin núna er ekki
bara haldin til að fagna 100 árunum
heldur ekki síður vegna þess að við
höfum góða framtíðarsýn.“
Opið hús er í Vélsmiðju Steindórs
á Frostagötu 6a á Akureyri á milli
kl. 11 og 15 í dag og allir velkomnir.
Hugvit og handverk fara saman
 Vélsmiðja Steindórs á Akureyri 100 ára  Smiðjan hefur alla tíð verið í eigu sömu fjölskyldunnar
 Nóg að gera og framkvæmdastjórinn bjartsýnn á framhaldið  Opið hús við Frostagötu í dag
Umboðsmaður Alþingis hefur á und-
anförnum árum glímt við töluverðan
vanda vegna fjölgunar mála sem hef-
ur einkum birst í
lengri afgreiðslu-
tíma í flóknari
málum. Í fyrra
hlutu 543 mál
lokaafgreiðslu hjá
embættinu. Er
það mesti fjöldi
afgreiddra mála
hjá embættinu á
einu ári til þessa.
Þetta kemur
fram í skýrslu
Tryggva Gunnarssonar, umboðs-
manns Alþingis, fyrir árið 2013, sem
var birt á heimasíðu embættisins í
gær.
Fram kemur að á árinu 2013 hafi
verið skráð 494 ný mál. Af þessum
494 málum tók umboðsmaður aðeins
eitt mál til athugunar að eigin frum-
kvæði. Ástæður þess hafi verið þær
ráðstafanir sem þurft hafi að gera til
að stytta afgreiðslutíma mála hjá
embættinu.
Þá segir að alls hafi 543 mál hlotið
lokaafgreiðslu hjá umboðsmanni Al-
þingis á síðasta ári.
„Það er mesti fjöldi afgreiddra
mála hjá embættinu á einu ári til
þessa. Þetta er fjórða árið í röð sem
afgreidd eru fleiri mál en áður og
jafnframt fyrsta árið þar sem af-
greidd eru fleiri mál en berast. Alls
voru 142 mál óafgreidd í árslok sem
þýðir að þær ráðstafanir sem gripið
hefur verið til í því skyni að ljúka af-
greiðslu eldri mála hafa borið nokk-
urn árangur. Í því sambandi nefni ég
að á árinu 2012 voru afgreidd 502
mál og mál til meðferðar við lok þess
árs voru 191. Af þeim 142 málum
sem voru óafgreidd í árslok 2013 var
í 32 tilvikum beðið eftir skýringum
og upplýsingum frá stjórnvöldum, í
16 málum var beðið eftir athuga-
semdum frá þeim sem borið höfðu
fram kvörtun, 21 mál var til frum-
athugunar og 73 mál voru til athug-
unar hjá umboðsmanni að fengnum
skýringum viðkomandi stjórnvalda.
Þar af voru 15 mál sem umboðsmað-
ur hafði tekið til athugunar að eigin
frumkvæði á árinu 2013 eða fyrr,“
segir í skýrslunni.
Þá kemur fram, að hjá umboðs-
manni Alþingis hafi verið stefnt að
því að mál vegna kvartana verði al-
mennt afgreidd innan sex mánaða
frá því að öll gögn og skýringar hafa
borist.
„Eins og ég hef fjallað um í
skýrslum mínum til Alþingis undan-
farin ár hefur embættið glímt við
talsverðan vanda vegna fjölgunar
mála sem hefur einkum birst í lengri
afgreiðslutíma í flóknari málum, þ.e.
málum sem er lokið með áliti eða
þarf að taka að öðru leyti til ítarlegri
athugunar en ella,“ segir m.a. í
skýrslunni.
Afgreiddi 543
mál á síðasta ári
 Mikil fjölgun mála veldur vanda
Tryggvi
Gunnarsson
Vélsmiðja Steindórs er sann-
kallað fjölskyldufyrirtæki. Nú
starfa þar þriðji, fjórði og
fimmti ættliður frá stofnand-
anum, Steindóri Jóhannessyni.
Framkvæmdastjóri fyrirtæk-
isins er Sigurgeir Steindórsson,
afabarn stofnandans, og að-
stoðarframkvæmdastjóri er
sonur hans, Valur Guðbjörn,
sem vinnur einnig sem stál-
smíðameistari hjá fyrirtækinu.
Tvær stúlkur úr fimmta lið frá
stofnandanum koma nú að vél-
smiðjunni samhliða námi í
framhaldsskóla; Rósa Ingibjörg
Tómasdóttir hefur unnið í
smiðjunni á sumrin og sinnir
einnig þrifum og störfum á
skrifstofu ásamt yngri systur
sinni, Róslín Erlu.
Þriðji, fjórði
og fimmti
FJÖLSKYLDUFYRIRTÆKI
Morgunblaðið/Skapti
Sigurgeir Steindórsson framkvæmdastjóri og Sveinbjörn Herbertsson.
Morgunblaðið/Skapti Hallgrímsson
Smiðja Böðvar Ingvason og Valur Guðbjörn Sigurgeirsson aðstoðarframkvæmdastjóri sem stendur við borvélina.