Morgunblaðið - 20.09.2014, Blaðsíða 42

42 ÍSLENDINGAR
MORGUNBLAÐIÐ LAUGARDAGUR 20. SEPTEMBER 2014
Lilja Sigríður Hjaltadóttir á afmæli í dag. Hún er í mast-ersnámi í grunnskólakennslu við Háskóla Íslands, en húnkláraði grunnnámið í vor. „Ég sérhæfi mig í yngribarna-
kennslu, en ég hef mikinn áhuga á öllu sem tengist málþroska og
lestrarkunnáttu barna. Ég er í fjarnámi þannig að ég þarf að mæta í
nokkrum lotum yfir önnina, sit annars heima og læri í gegnum fjar-
búnað.“
Lilja ætlar að taka því rólega á afmælinu og verður heima í faðmi
fjölskyldunnar. Það er ekki stefnt á ferðalög í tilefni af afmælinu en
í sumar fór fjölskyldan norður í land. „Maðurinn minn og pabbi
keppa einu sinni á ári í sjóstangveiði á Siglufirði og við gerum
ferðalag úr því, leigjum okkur hús og fórum í ár m.a. til Ólafsfjarðar
og Akureyrar.“
Áður en Lilja fór í skóla vann hún hjá Samskipum í fjórtán ár í
fjárreiðudeild. „Mig langaði að láta gamlan draum rætast að fara í
kennaranám og ákvað að drífa í því.“ Fjölskyldan ákvað líka að
flytjast á Akranes; hún er þaðan en hafði búið í Reykjavík í 15 ár.
„Það er mjög gott að ala upp börn á Skaganum og það var stór þátt-
ur í að flytjast hingað. Það er einnig gott að hafa ömmu og afa
barnanna í nágrenninu.“
Sambýlismaður Lilju er Sigurjón Már Birgisson, verkefnastjóri
heildsölu hjá Vodafone. Börn þeirra eru Kristófer Aron átta ára,
Eva Þóra fjögurra ára og Sigurður Már eins árs, að verða tveggja.
peturatli@mbl.is
Lilja Hjaltadóttir er fertug í dag
Skagastelpa Lilja flutti aftur á Akranes eftir 15 ára fjarveru.
Er í meistaranámi í
grunnskólakennslu
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Júlíanna Líf Helgadóttir var skírð 7. september sl. Fimm ættliðir voru þá saman-
komnir: Anna Hallgrímsdóttir 97 ára, f. 7. ágúst 1917, Halla Einarsdóttir, f. 1941,
Anna Ragnheiður Gunnarsdóttir, f. 1964, Laufey Frímannsdóttir, f. 1991 og
Júlíanna Líf, f. 27. júlí 2014.
Fimm ættliðir
Kristjana S. Hjart-
ardóttir og Ástrún
Birta Atladóttir
héldu tombólu í
Grindavík og seldu
fyrir 1.666 krónur
sem þær afhentu
Rauða krossinum.
Hlutavelta
Þarftu að
framkvæma?
Við eigum pallana fyrir þig
Kvarnir/Brimrás/Pallar ehf | Akralind 8 | 201 Kópavogur | sími 564 6070
Fax 564 6071 | kvarnir@kvarnir.is | www.kvarnir.is | www.pallar.is
Kvarnatengi
fyrir zetur og
sakkaborð
Til í þremur lengdum:
15,18 og 20 cm.
70 kr. stk.
Nýt
t
S
igríður Inga fæddist á
Sauðárkróki 20.9. 1984:
„Fyrstu æviár mín var
fjölskyldan töluvert á far-
aldsfæti. Við fluttum af
Króknum þegar ég var á öðru árinu,
áttum heima í Reykjavík næstu tvö
árin, síðan í Óðinsvéum önnur tvö ár
þar sem pabbi var í mjólkurtækni-
námi, vorum síðan enn önnur tvö ár á
Sauðárkróki og síðan í fjögur ár í
Neskaupstað, 1990-94. Þar hóf ég
grunnskólagönguna og eignaðist vin-
konur sem ég hef haldið sambandi við
síðan. Loks fluttum við svo aftur á
Sauðárkrók þar sem ég lauk grunn-
skólanum, naut unglingsáranna og
stundaði nám við Fjölbrautaskóla
Norðurlands vestra.“
Með heimilisstörfin á hreinu
Sigríður Inga lauk stúdentsprófi
frá FNV vorið 2004 en hafði þá auk
þess útskrifast frá Hússtjórnarskól-
anum á Hallormsstað: „Ég var orðin
svolítið þreytt á bóknáminu árið 2002
og ákvað því að taka mér smá frí og
fara í Hússtjórnarskólann.“
Fannst þér það ekki gamaldags?
„Nei, öðru nær. Þetta var nú bara
ein önn, en afskaplega skemmtilegt
og hagnýtt nám sem ég hef búið að
síðan. Ég hef alltaf haft gaman af
hannyrðum, hafði unnið í mötuneyt-
um og haft áhuga á matreiðslu. Nám-
ið höfðaði því til mín á ýmsan hátt.
En auk þess er þetta nám mikið
þarfaþing fyrir allt ungt fólk sem
Sigríður Inga Björnsdóttir, ráðgjafi hjá Fjarðabyggð – 30 ára
Brúðhjón og foreldrar Sigríður Inga og Þorvaldur giftu sig 16.8. sl..Talið frá vinstri: Björk Bjarnadóttir, Kristín
Þorvaldsdóttir, Sigríður Inga Björnsdóttir, Þorvaldur Einarsson, Björn Marinó Pálmason og Einar Þorvaldsson.
Fjölskyldur í forgang
Fjölskyldan Sigríður Inga og Þorvaldur ásamt syninum, Einari Birni.