Morgunblaðið - 20.09.2014, Blaðsíða 20

MORGUNBLAÐIÐ LAUGARDAGUR 20. SEPTEMBER 2014
Morgunblaðið gefur út
glæsilegt sérblað um
Heimili og hönnun
föstudaginn 26. september
SÉRBLAÐ
–– Meira fyrir lesendur
Í blaðinu verða kynntir margir möguleikar sem í boði
eru fyrir þá sem vilja hafa fallegt í kringum sig, breyta
og bæta heimilið.
Skoðuð verða húsgögn og innréttingar, skrautmunir
og fylgihlutir fyrir heimilið, litir og lýsing ásamt mörgu
öðru sem er huggulegt fyrir veturinn.
PÖNTUNARFRESTUR AUGLÝSINGA:
fyrir kl. 16 mánudaginn 22. september.
NÁNARI UPPLÝSINGAR GEFUR:
Katrín Theódórsdóttir
Sími: 569 1105
kata@mbl.is
HEIMILI & HÖNNUN
Anna Lilja Þórisdóttir
annalilja@mbl.is
Hraun í Öxnadal er líklega að öðr-
um ólöstuðum ein þekktasta jörð á
landinu. Þar fæddist listaskáldið
góða Jónas Hallgrímsson og einnig
þykir þar einstök náttúrufegurð,
með Hraundranga og Drangafjall í
baksviði. Nýlega kom út bók um
Hraun í Öxnadal eftir dr. Bjarna E.
Guðleifsson, prófessor emeritus,
sem lengi starfaði við rannsóknir í
landbúnaði. Í bók Bjarna er fjallað
um umhverfi, lífríki, sögu og nátt-
úru staðarins og þar er einnig
greint frá 18 gönguleiðum á svæð-
inu. „Þegar ég gekk fyrst um þetta
svæði, þá hreifst ég af því. Ég tel
Drangatind fallegasta tind á land-
inu og svo heillar tengingin við
Jónas Hallgrímsson. Fegurðin dró
mig að staðnum; bæði landslagið
og fegurðin í ljóðum Jónasar,“ seg-
ir Bjarni.
Sjálfur hefur Bjarni klifið
Drangatind, sem virðist býsna
hvass að sjá af sléttlendi. „Tind-
urinn virðist mjög mjór, þegar ég
spurði menn sem þangað höfðu
farið hversu mikið pláss væri uppi
á honum sögðu þeir ýmist hálfur
eða fimm fermetrar,“ segir Bjarni.
„Mér fannst ég verða að kanna
Þar sem landslag og
ljóðfegurð koma saman
 Fjallað um
Hraun í Öxnadal
frá mörgum sjón-
arhornum
Ljósmynd/ Bjarni E. Guðleifsson
Hraun í Öxnadal Í vetrarskugga og sól skín á tinda.
VIÐTAL
Sigurður Bogi Sævarsson
sbs@mbl.is
„Norðurlandið á í mér hvert bein. Sú
tilfinning að aka niður brekkurnar af
Holtvörðuheiði og horfa út Hrúta-
fjörðinn er alltaf góð. Sumir bílstjórar
veit ég að eru með útvarpið á sínum
ferðalögum. Sjálfum finnst mér þó
skemmtilegra að virða fyrir mér land-
ið og ótal svipbrigði þess. Það ber allt-
af eitthvað nýtt fyrir augu,“ segir
Emil Birnir Hauksson, bílstjóri hjá
Vörumiðlun á Sauðárkróki.
Starfsemi Kaupfélags Skagfirð-
inga er umfangsmikil og skiptist í
margar kvíslar. Ein þeirra er Vöru-
miðlun ehf., en undir merkjum þess
fyrirtækis er gerður út stór floti
flutningabíla sem eru í ferðum um
landið þvert og endilagt út frá heima-
höfninni sem er á Króknum. Og bíl-
stjórarnir eru konungar þjóðveg-
anna, King of the road, eins í frægum
slagara með söngvaranum Roger
Miller. Og svo má líka nefna bækur
Skagfirðingsins Indriða G. Þorsteins-
sonar þar sem vörubílstjórarnir eru
eðaltöffarar.
„Bílarnir hjá Vörumiðlun skipta
tugum, en stóru trukkarnir sem
þetta fyrirtæki er með í daglegum
ferðum milli landshluta eru sex til
átta. Það hefur aðeins létt á þeim eft-
ir að strandsiglingarnar komu til á
síðasta ári. Nú eru gámaflutning-
arnir mikið komnir í skip en mikið fer
þó með bílum áfram,“ segir Emil sem
var nú í byrjun vikunnar í Reykjavík.
Kom kvöldið áður með fullan bíl af
steinull frá verksmiðjunni nyrðra.
Fór aftur norður síðdegis með iðn-
aðarvélar og ýmsan þungavarning.
Vegirnir betri og
brýrnar breikkaðar
„Fiskflutningarnir eru stór póst-
ur hjá okkur og einnig þarf að koma
matvælum sem framleidd eru á
Króknum, til dæmis kjöti og mjólk-
urafurðum, hingað suður. Þetta er í
raun endalaus hringrás,“ segir Emil
sem hóf störf hjá Kaupfélagi Skag-
firðinga árið 1990. Var fyrstu árin
meðal annars í gripaflutningum fyrir
sláturhús. Tók seinna nokkrar haust-
vertíðir, sótti þá sláturfé sunnan úr
Borgarfirði og svo hringinn um land-
ið réttsælis alveg austur á firði.
„Í þeim ferðum heillaðist ég al-
veg af haustinu; hvernig landið fær
nýjan svip á fáeinum vikum. Græni
liturinn víkur fyrir gulum, rauðum
og brúnum. Þetta er mikil sinfónía,“
segir Emil sem munstraðist á lang-
flutningabíl fyrir um tuttugu árum.
Á þeim tíma sem síðan er liðinn hafi
vegirnir breyst mikið til hins betra.
Þeir verið breikkaðir en einna mest
muni um að einbreiðu brýrnar séu
farnar. Hins vegar séu hringtorgin
sem víða hafi verið sett upp á síðustu
árum sér þyrnir í augum. Séu þröng
og skapi slysahættu, til dæmis þegar
bílum af hliðarvegum er ekið inn á
aðalbrautina. Þá rífi akstur um
hringtorgin upp kanta bíldekkjanna
og slíti þeim.
„Þó að Hvalfjarðargöngin væru
mikil samgöngubót fannst mér samt
svolítill missir að því að hætta ferð-
um fyrir fjörð. Sú leið er einstaklega
falleg og að fara um hlykkjóttan veg-
inn var svolítið eins og rússíbanaferð
í tívolí.“
Glímt við þjóðveginn
 Í áratugi á flutningabíl og í ferðum norður og suður
 Landið er í ótal svipbrigðum  Konungar þjóðveganna
Frágangur Emil festir skjólborðin á aftanívagninum áður en haldið er norður á bóginn. Öryggið er fyrir öllu.
Vinnur við áhugamálið
 „Ég vinn við áhugamálið sem er æðislegt. Maður hittir margt fólk á hverjum
degi – misskrautlegt að sjálfsögðu en það er alltaf gaman að fara í vinnuna,“
segir Jón Óli Helgason, húðflúrlistamaður á Akureyri.
Jón Óli hefur verið að teikna frá því hann var gutti og þegar bróðir hans
keypti húðflúrgræjur varð ekki aftur snúið. „Ég er búinn að vera að flúra í sex
eða sjö ár. Opnaði stofuna hér í JMJ-húsinu í maí fyrir þremur árum og það er
búið að vera nóg að gera á þeim tíma. Hingað koma bæði strákar og stelpur til
að fá sér flúr, stelpurnar eru meira í að fá sér minni flúr, strákar eru í stærri
verkum,“ segir Jón en hann fór til Albany í New York-ríki til að mennta sig í
húðflúrslistinni.
Flúrari Jón Ólafur segir æðislegt að vakna á morgnana og skunda til vinnu.
 Á Sauðárkróki er lítið fyrirtæki,
Dýrakotsnammi, sem framleiðir sæl-
gæti fyrir hunda. Þeir þurfa á slíku
að halda ekkert síður en mann-
fólkið, ekki síst þegar þarf að verð-
launa þá við þjálfun. Varan er að-
allega 100% lambalifur án
aukaefna, unnin á þann hátt að hún
hefur mjög gott geymsluþol. Einnig
eru á boðstólum afurðir úr svínseyr-
um og svínastrimlar. Varan er ný-
næmi því lifur hefur ekki áður verið
nýtt á þennan hátt hér á landi.
Óhætt á að vera að gefa þetta
hundum með ofnæmi og fæðuóþol.
gudmundur@mbl.is
Búa til sælgæti
fyrir hunda
Dýrakotsnammi Lifur sem sælgæti
fyrir hunda þegar þeir þurfa verðlaun.
NORÐURLAND2014Á FERÐ UMÍSLAND