Fréttablaðið - 09.08.2014, Qupperneq 40

FÓLK|HELGIN
Bökur sem þessar eru ef til vill ekki þær fljót-legustu og einföldustu en fegurðin og bragðið gerir fyrirhöfnina sannarlega þess virði,“ segir
Berglind Ólafsdóttir matgæðingur sem heldur úti
blogginu Krydd og krásir.
Þann 17. júní síðastliðinn ákvað hún að skella í eina
blómum skreytta böku sem vakti kátínu í hjörtum
þeirra sem smökkuðu. „Uppskriftin kemur héðan og
þaðan. Ég hef oft gert botninn og man ekki hvaðan
hann er upprunninn og fyllingin breytist reglulega,“
segir Berglind og bendir þeim sem búa til bökuna á
að kæla hana vel og hafa hana ekki of lengi frammi á
borði í einu. „Bakan er ekki bökuð og ekkert matar-
lím sem heldur fyllingunni saman. Því er nauðsynlegt
að hafa hana vel kalda.“
BLÓM Í KÖKUR
Berglind hefur gaman af matargerð af öllu tagi og
hefur jafn gaman af því að baka gamaldags kökur og
nýmóðins bökur. Innt eftir því hvort allir geti búið til
svona flókna böku svarar hún: „Ef þú hefur gaman af
að stússast í eldhúsinu er þetta ekkert mál. Maður
þarf bara að fylgja nokkrum grundvallarreglum eins
og þeim að hafa hráefnin í botninn köld.“
Skreyting bökunnar vakti sérstaka athygli blaða-
manns. „Ég rækta æt blóm í garðinum sem ég nota
í kökur, salöt og út í drykki. Fjólurnar fannst mér
passa vel á þjóðhátíðardaginn, enda spretta þær
snemma í garðinum,“ segir Berglind en þeir sem ekki
hafa aðgang að ætum fjólum geta notað morgunfrúr
eða skjaldfléttur sem skraut. „Þá er ekkert heilagt að
hafa jarðarber. Maður getur eins notað hindber og
bláber henta líka vel, sérstaklega ef skreytt er með
appelsínugulum morgunfrúm,“ segir Berglind.
Sömuleiðis segir hún lítið mál að skipta út fyllingu.
„Til dæmis má setja í fyllinguna sítrónubörk og sítr-
ónusafa í stað vanillunnar en þá þarf að bæta aðeins
af sykri út í uppskriftina.“
SÆTUR BÖKUBOTN
170 g hveiti
2 msk. sykur
100 g kalt smjör skorið í litla bita
1 eggjarauða
2-3 msk. kalt vatn
40-50 g suðusúkkulaði, rífið á rifjárni í smáar flögur (t.d.
með Microplane-járni)
Hnoðið saman smjöri, hveiti og sykri, til dæmis í mat-
vinnsluvél. Bætið eggjarauðu og hluta af vatninu saman við
og hnoðið þar til deigið er komið í góða kúlu. Athugið að
ekki er víst að það þurfi allt vatnið. Mikilvægt er að hnoða
deigið eins lítið og mögulegt er, þannig verður það stökkt
og gott. Ef það er hnoðað of mikið er hætt við því að það
verði seigt. Setjið deigið í skál og geymið í kæli í u.þ.b. 15
mínútur.
Fletjið deigið út á hveitistráðu borði og setjið í 24-26 cm
bökuform. Setjið farg á deigið og bakið við 180°C í 10-15
mínútur, takið fargið af botninum og bakið áfram í 3-5
mínútur eða þar til botninn er gullinn á lit. Rífið súkkulaðið
niður og dreifið því yfir botninn um leið og þið takið hann
úr ofninum. Kælið og setjið á kökudisk.
FYLLING
1 egg
2 tsk. sykur
1/2 tsk. vanilludropar (mikilvægt að nota dropa sem eru unn-
ir úr ekta vanillu. Berglind útbýr sína sjálf með því að kljúfa
vanillustangir, setja þær í 200 ml flösku og fylla með vodka)
250 g mascarpone-ostur
1/2 dl rjómi
250-300 g jarðarber
ferskar fjólur
Hafið mascarpone-ostinn við stofuhita. Setjið egg, vanillu
og sykur í skál og hrærið vel saman. Bætið ostinum og
rjómanum smátt og smátt saman við og hrærið þar til allt
er vel samlagað, ljóst og létt.
Takið græna stilkinn af jarðarberjunum og skerið berin í
jafnar og fallegar sneiðar. Raðið þeim yfir fyllinguna og
skreytið með fjólum.
BLÓMLEG BAKA
SUMARLEG BAKA Berglind Ólafsdóttir matarbloggari tók sig til á þjóðhá-
tíðardaginn og bakaði sérlega þjóðlega böku. Þessi sumarlega og fallega
skreytta baka á vel við hvenær sem sól skín í heiði.
SUMARLEG Bakan er skreytt með jarðarberjum og ætum fjólum
úr garði Berglindar.
ALLTAF AÐ BAKA
Berglind hefur gaman
af því að gera gamal-
dags kökur og nýmóð-
ins bökur.
HVERAGERÐI
- blómstrandi bær!
14. til 17. ágúst
Skoðið dagskrána á hveragerdi.is