Fréttablaðið - 09.08.2014, Síða 42

KYNNING − AUGLÝSINGSafar og þeytingar LAUGARDAGUR 9. ÁGÚST 20142
FULLÞROSKUÐ EFTIR MIÐJAN ÁGÚST
Krækiber eru mun algengari og auðfundnari en önnur villt ber á Ís-
landi. Krækilyngið vex í þurrum brekkum og mólendi og blómgast í maí
og júní. Berin eru þó ekki fullþroskuð fyrr en eftir miðjan ágúst. Krækiber
eru mun harðgerðari en bláber og aðalbláber og því er hægt að tína þau
lengur fram eftir hausti.
Bláberjalyng er að finna um allt land, einkum í votlendi og mólendi. Það fer
mikið eftir árferði hvenær berin verða nógu þroskuð til tínslu en líkt og með
önnur íslensk ber má ekki reikna með fullum þroska fyrr en eftir miðjan ágúst.
Margir velta fyrir sér muninum á bláberjum og aðalbláberjum. Einfaldasta
útskýringin er sú að bláberin eru ljósari en aðalbláberin. Á Plöntuvefsjá
Náttúrufræðistofnunar Íslands er að finna nánari útskýringar og kort af út-
breiðslunni. Þar kemur fram að blöð aðalbláberjalyngsins séu ljósgræn og
tennt með bleikum drúpandi blómum. Þau er aðallega að finna á Vestur- og
Norðurlandi en líka á Suðvesturlandi og Austfjörðum. Lítið er um aðalbláber
á Suðurlandi. Útbreiðsla bláberja er meiri og er þau að finna um allt land.
Á Norður- og Austurlandi er komin
fínasta berjaspretta og þar er bæði
að finna bláber og krækiber. Eitthvað
getur þurft að bíða lengur á Suður-
landi, sökum mikillar vætu og sólar-
leysis það sem af er sumri.
Hér fylgir uppskrift að bragð-
góðum bláberjaþeytingi.
Bláberjaþeytingur
½ bolli vanilluskyr, hrein jógúrt eða
AB-mjólk
½ bolli mjólk (má líka vera hrísmjólk,
möndlumjólk eða sojamjólk)
2
3 bollar frosin bláber
½–1 frosinn banani
1 msk. chia-fræ lögð í bleyti í 10 mín.
Allt sett í blandara og hellt í hátt glas.
Uppskeran notuð í
þeytinginn
Berjatíminn er genginn í garð og eru þeir hagsýnu víða farnir á stjá. Það er
talsverð búbót að tína ber því eins og flestir vita kostar askjan af ferskum
bláberjum vænan skilding. Þeir iðnustu geta átt ber í frystinum langt fram á
vetur en það kemur sér vel í safa og þeytinga, í salatið, bökur og bakstur.
Stútfullt glas af ávöxtum sem drukkið er í einum rykk hljómar eins og meinholl vítam-ínbomba sem gerir líkamanum bara gott. Það
er á margan hátt rétt en þó ber að gæta að samsetn-
ingunni og passa upp á það að í glasinu verði ekki
eintómur ávaxtasykur því hann er ekki æskilegur í
of miklum mæli frekar en annar sykur.
Fæstir myndu borða epli, peru, banana, mangó,
appelsínu og kíví á innan við mínútu en það er hægt
með því að mauka allt í drykk. Betra er að gera þeyt-
ing úr blöndu af grænmeti, ávöxtum og berjum og
hafa grænmeti í meirihluta, síðan ber og loks ávexti.
Oft getur dugað að sæta með hálfum banana eða
nokkrum döðlum. Þá virka sítrónur, engifer, sellerí
og mynta líka vel til að skerpa bragðið. Eins er gott
að nota lárperu til að ná fram ákjósanlegri áferð en
þá er hægt að minnka mjólkurvörur og banana á
móti. Það er svo um að gera að fylla blandarann
af grænu grænmeti eins og spínati og grænkáli.
Það hefur lítil áhrif á bragðið en eykur hollustuna
til muna.
Samsetningin skiptir miklu máli
Máltækið allt er gott í hófi á ótrúlegt en satt líka við um ávaxta- og grænmetisþeytinga og er ráð að huga að jafnvægi ávaxta og
grænmetis þegar tínt er ofan í blandarann. Grænmeti ætti að vera í meirihluta, næst ber og loks ávextir, rétt til að sæta.
Grænir djúsar hressa, bæta og kæta. Það er gott að nota lárperu til að ná fram ákjósanlegri áferð á þeytinginn. Þá er hægt
að minnka mjólkurvörur og banana á móti.
Það er mikil búbót að eiga
ber í frystinum til að geta
skellt í þeyting langt fram
eftir vetri.
Lárperuþeytingur
1 lítil lárpera
½ ljósgrænt eða rauð-
gult epli
1 lúka spínat
½ frosinn banani
Safi úr hálfri sítrónu
Klakar og smá vegis
vatn til að auðvelda
þeytinguna
Grænn djús
3 sellerístönglar
1 agúrka
1 grænt epli
1 lúka spínat eða græn-
kál
1 límóna eða sítróna
3 sm engiferrót
Allt sett í safapressu.
Þynnt með klaka og vatni.