Læknablaðið - 15.04.2001, Qupperneq 54

FRÆÐIGREINAR / ÞING SKURÐLÆKNA, SVÆFINGA- OG GJÖRGÆSLULÆKNA
að neysla þessara efna hafi engin skaðleg áhrif á líkamann og telur
vera í lagi að taka þau með hefðbundnum lyfjum. Sum þessara efna
hafa áhrif á blóðflögur og starfsemi þeirra. Neysla efnanna fyrir
deyfingu og skurðaðgerð geta því haft alvarlegar afleiðingar vegna
blæðingartilhneigingu. Þar að auki má nefna önnur áhrif svo sem
hjartsláttartruflanir, lengingu á áhrifum svæfingalyfja og truflun á
saltbúskap líkamans.
Ályktanir: í ljósi mikillar aukningar á notkun þessara efna er
fræðsla um aukaverkanir og eiturverkanir brýn. Mikilvægt er ræða
við sjúklinga um notkun nátturuefna fyrir skurðaðgerð. Félag
bandarískra svæfingalækna hefur gefið út upplýsingabækling um
þetta málefni. Mælt er með því að notkun nátturuefna sé hætt að
minnsta kosti tveimur vikum fyrir skurðaðgerð.
SV 14 Lokun smærri loftvega hjá börnum í svæfingu
Aðalbjörn Þorsteinsson1, Anders Larsson2, Christer Jonmarker4, Olof
Werner3
Svæfinga- og gjörgæsludeildir háskólasjúkrahúsanna í 'Reykjavík, 2Gentofte og
3Lundi, 4Children"s Hospital, Seattle
Inngangur: Við útöndun hefur verið hægt að sýna fram á
aldursháða lokun smærri loftvega hjá fullorðnum við venjulega
öndun (tidal breathing). Þetta er þó stöðuháð, kemur fyrir í
uppréttri stöðu við 66 ára aldur og liggjandi við 44 ára aldur. Þannig
lokun verður hjá flestum fullorðnum sem eru svæfðir. Tíðni
þessarar lokunar virðist aukast hjá yngri börnum. Ekki liggja fyrir
upplýsingar um þessa lokun hjá börnum yngri en sex ára. Þetta á við
um bæði svæfð og vakandi börn. Vegna eðlis rannsóknarinnar hefur
ekki verið mögulegt að kanna þetta ástand hjá vakandi börnum
yngri en sex ára og ekki liggja heldur fyrir upplýsingar um svæfð
börn.
Markmið: Markmið rannsóknarinnar var að kanna lokun smærri
loftvega hjá svæfðum börnum.
Efniviður og aðferðir: Tuttugu og eitt barn var rannsakað. Notuð
var snefilgasaðferð. í byrjun innöndunar frá -20 cmFLO var
snefilgasi sprautað inn í loftveg við barkaslöngu og lungun þanin
upp í 20/30 cmFLO þrýsting. Styrkur snefilgass var síðan mældur
samhliða rúmmáli meðan útöndun átti sér stað og lauk henni við
-20 cmFLO. Skyndileg aukning í styrk snefilgass var túlkuð sem
lokun smærri loftvega. Hvfldarrúmmál (FRC) var einnig mælt með
snefilgasaðferð. Ef lokunin verður ofan svokallaðs hvfldarrúmmáls
verður lokunin á því svæði þar sem venjuleg öndun fer fram.
Niðurstaða: Fimm af 21 barni hafði lokun smærri loftvega ofan
hvfldarrúmmáls þegar 20 cmH^O innöndunarþrýstingur var
notaður og átta af 11 við 30 cml-FO innöndunarþrýstingur. Ekki var
hægt að sýna fram á að lækkandi aldur yki líkur lokunar ofan
hvfldarrúmmáls.
Ályktanir: Lokun smærri loftvega virðist algeng hjá svæfðum
börnum. Athyglisvert er að hærri innöndunarþrýstingur eykur á
hættuna á lokun.
326 Læknablaðið 2001/87