Skessuhorn - 26.11.2014, Síða 24

24 MIÐVIKUDAGUR 26. NÓVEMBER 2014
Snyrtistofa Jennýjar Lind
25 ára 1. desember 2014
Í tilefni þessara tímamóta verður sérfræðingur frá Académi snyrti-
vörum og kynnir nýjar nátturúlegar og heilnæmar ilmkjarnavörur

Boðið er upp á 30 mínútna dekurmeðferð á 3.000 kr.
þar sem hægt er að kynnast vörunum og áhrifum þeirra

Ef keyptar eru vörur frá Académie fyrir 3.000 kr.
eða meira, er dekurmeðferðin frí

Panta þarf tímalega í
síma 437 1076 / 846 1805

Einnig eru góð snyrtivörutilboð
í jólapakkann í tilefni afmælisins
S
K
E
S
S
U
H
O
R
N
2
01
4
„Ég hef alltaf verið heilluð af list-
um. Ekki vegna þess að ég hafi
unnið nein afrek á listasviðinu,
heldur frekar hvað er að baki lista-
verka og listasögunni. Ég vissi ekki
að þetta nám væri til hér á landi en
svo fór ég að fletta bæklingi um há-
skólanám og sá þá að listfræðinám
var í boði við Háskóla Íslands og
þegar ég hafði kynnt mér það, sá ég
að þetta nám var alveg sniðið fyr-
ir mig. Það hefur líka komið í ljós
og ég er mjög ánægð í þessu námi.
Ég er núna á þriðja ári, lýk náminu
í vor, skila BA ritgerð um jólin og á
síðan eftir eina önn í náminu. List-
fræðingar velta fyrir sér teoríunni í
kringum listina, af hverju eitthvað
er fallegt, hvernig við greinum mál-
verk, hvers vegna eitthvað hreyf-
ir við okkur, hvað er list, hvernig
þróast listin og hvernig samfélagið
tekur við henni. Þetta er oft svo-
lítið heimspekimiðað og svo för-
um við auðvitað í gegnum listasög-
una því maður þarf að hafa grunn-
inn til að byggja á. Fólk er oft að
segja við mig: „Við hvað ætlarðu
svo að vinna og hvar ætlarðu að fá
vinnu eftir þetta nám?“ Ég hef hins
vegar lagt áherslu á að læra eitt-
hvað skemmtilegt og get ekki hugs-
að mér ömurlegra hlutskipti en að
mæta með hangandi haus í vinn-
una á hverjum degi.“ Þetta segir
Inga Björk Bjarnadóttir, tuttugu og
eins árs Borgnesingur, sem hefur að
auki numið fjölmiðlafræði með list-
fræðinni.
Kláraði stúdentsnámið á
þremur árum
Inga Björk hefur verið bundin við
hjólastól frá fjögurra ára aldri enda
segist hún ekki þekkja annað og að
það hafi ekki truflað sig á nokkurn
hátt. „Á öðru aldursári greindist ég
með vöðvarýrnunarsjúkdóm, sem
á upptök sín í mænunni og kall-
ast SMA. Mátturinn minnkar hægt
og bítandi á hverju ári en ég hef
bara alltaf haldið mínu striki.“ Inga
Björk lauk stúdentsprófi á þrem-
ur árum frá Menntaskóla Borgar-
fjarðar og hélt eftir það rakleitt í
Háskóla Íslands. „Námið í MB er
byggt upp til að ljúka því á þremur
vetrum en þeir sem vilja fara hægar
yfir og ljúka því á fjórum árum, geta
það eftir sem áður. Námið gekk vel
og ég var líka mjög virk í félagsstarf-
inu.“ Inga Björ segist taka 120 ein-
ingar í listfræðináminu og síðan 60
einingar í fjölmiðlafræði, sem auka-
fag. Hún segist snemma hafa fengið
áhuga á fjölmiðlum. „Já, ég hef allt-
af haft áhuga á fjölmiðlum og í MB
sat ég í ritstjórn skólablaðsins Eglu.
Ég fékk svo sumarvinnu hjá frétta-
stofu RÚV fyrir tveimur árum með
aðsetur í Borgarnesi og það kveikti
áhuga minn enn frekar að kynn-
ast starfi fréttamanna og taka þátt
í að skrifa innlendar fréttir fyrir út-
varp og vef, sérstaklega af Vestur-
landi. Ég var við störf ásamt Gísla
Einarssyni í stúdíói RÚV í Borgar-
nesi og fór auk þess í smá tíma til
Reykjavíkur og fór inn á vaktirnar
hjá fréttastofunni í Efstaleitinu.“
Inga Björk segist lifa innihalds-
ríku lífi. Hún hafi menntað sig vel
og fari sinna ferða hvert sem er og í
raun allt sem hún komist. Nú þegar
er Inga Björk farin að huga að því
hvað taki við í vor þegar hún lýkur
BA náminu í listfræðinni og er farin
að skoða framhaldsnám utan lands-
steinanna.
Málefnastýra ungra
jafnaðarmanna
Listin og fjölmiðlarnir eru ekki einu
áhugamál Ingu Bjarkar því hún seg-
ist hafa mjög mikinn áhuga á stjórn-
málum. Hún hefur búið í Reykja-
vík í tvö ár í ágætri íbúð í stúdenta-
görðum. Síðustu ár hefur hún tek-
ið virkan þátt í ungliðastarfi Sam-
fylkingarinnar í frístundum frá stífu
háskólanámi. „Stjórnmálin eiga
alla minn hug núna og ég hef haft
áhuga á þeim nokkuð lengi. Ætli
það hafi ekki verið um fjórtán ára
aldurinn sem ég fór að hafa áhuga
á stjórnmálum. Ég er málefnastýra
ungra jafnaðarmanna auk þess að
vera í framkvæmdastjórn og mið-
stjórn Ungra jafnaðarmanna, ung-
liðahreyfingar Samfylkingarinnar,
og það er því nóg að gera hjá mér
í pólitíkinni í frístundum frá nám-
inu. Mér finnst slæmt hve ungu
fólki hefur verið haldið frá stjórn-
málum. Til dæmis í framhaldsskól-
unum virðist vera bannað að stjórn-
málaflokkarnir komi og kynni
stefnumið sín. Mér þykir það skjóta
skökku við þar sem þetta snýst um
samfélagið okkar. Krakkar byrja
að borga skatta 16 ára en fá ekki
að kjósa fyrr en 18 ára. Þeir kjósa
samt ekki þótt þeir séu orðnir 18
ára því þeim finnst þetta ekki koma
þeim við. Mér finnst þetta áhyggju-
efni. Þessu er öfugt farið á Norð-
urlöndunum þar sem ungu fólki er
sérstaklega kynnt starf stjórnmála-
flokka í skólunum. Ungliðar stjórn-
málahreyfinga koma þar inn í fram-
haldsskólana til að skýra út hvern-
ig stjórnmálin virka. Auðvitað tek-
ur unga fólkið ekki þátt nema vita
hvernig þetta virkar. Stjórnmálin
hér hafa líka frekar leiðinlegt orð
á sér. Þau þykja leiðinleg. Talað
er um að þau séu óhrein og mik-
ið leynimakk. Mér finnst stjórn-
málin snúast um hvernig við vilj-
um hafa samfélagið og það þarf
að halda þeim að ungu fólki. Samt
finnst mér áhugi ungs fólks aðeins
að aukast núna en kannski er það
bara óskhyggja.“ Inga segir að mál-
efnastýra ungra jafnaðarmanna hafi
umsjón með öllu málefnastarfi hjá
Ungliðahreyfingu Samfylkingar-
innar. „Ég skipulegg alla málefna-
fundi og ef upp koma heit mál í
samfélaginu er það á minni könnu
að skipuleggja fundi svo ungt fólk
geti fræðst og tekið afstöðu til þess-
ara mála.“
Komin í stjórn MB
Það er svo sannarlega nóg að gera í
pólitíkinni hjá Ingu Björk því fram-
kvæmdastjórnarfundirnir eru viku-
lega og einu sinni í mánuði fund-
ar svo miðstjórn. Málefnafundirn-
ir eru hins vegar þegar tilefni gefast
til. Þegar talað var við hana var hún
að búa sig undir fund um landbún-
aðarmál en kvöldið áður hafði verið
fundur um aðskilnað ríkis og kirkju.
Mörgum þykir líklega nóg um allt
sem þessi unga kona hefur fyrir
stafni dags daglega og hefur áætl-
anir um, en ekki er allt upp talið.
Fyrir utan þetta stjórnmálavafstur
á Inga Björk sæti í stjórn Mennta-
skóla Borgarfjarðar. Hún er nýlega
komin í þá stjórn og segir stjórn-
ina bara búna að funda einu sinni
þannig að ekki hafi mikið reynt á þá
stjórnarsetu ennþá. hb
Inga Björk Bjarnadóttir:
Listfræðinemi í fjölmiðlanámi að auki og
virkur þátttakandi í stjórnmálum
Inga Björk Bjarnadóttir á heimili sínu á
stúdentagörðum í Reykjavík.
forsteyptar
einingar
BM Vallá • Breiðhöfða 3, 110 Reykjavík • Sími: 412 5050 • sala@bmvalla.is
· Sterk, falleg og hagkvæm
· Endalausir möguleikar
Fljótlegur og hentugur kostur fyrir öll svið
atvinnulífsins, heimilið og bústaðinn.
Lækkar viðhalds- og rekstrarkostnað.
PI
PA
R\
TB
W
A
·
SÍ
A
·
14
14
77
Smellinn einingahús