Skessuhorn - 26.11.2014, Page 51

51MIÐVIKUDAGUR 26. NÓVEMBER 2014
Námsframboð fyrir fullorðna á vorönn 2015
Húsasmíði og vélvirkjun

Opið er fyrir umsóknir um nám í húsasmíði og vélvirkjun
á vorönn 2015. Námið er blanda af staðbundnum lotum
utan dagvinnutíma og fjarnámi.
Nánari upplýsingar og innritun eru á skrifstofu skólans.
Fjölbrautaskóli Vesturlands Sími: 433-2500
Vogabraut 5 Heimasíða: http: www.fva.is
300 Akranesi Tölvupóstur: skrifstofa@fva.is
Fjölbrautaskóli Vesturlands
SK
ES
SU
H
O
R
N
2
01
4
Um tíðina hefur margt framúrskar-
andi íþróttafólk alist upp á Akranesi,
ekki síst í knattspyrnu og sundi.
Þrátt fyrir að Skagakonum hafi
ekki gengið vel í keppninni í efstu
deild í fótboltanum síðasta sumar
var efnilegasta knattspyrnukonan
valin úr þeirra röðum þegar sum-
arið var gert upp. Það er hin bráð-
efnilega Guðrún Karitas Sigurð-
ardóttir sem í nokkurn tíma hefur
verið undir smásjánni hjá stærri lið-
unum í kvennafótboltanum. Ekki
hefur það minnkað að félög hafi
sett sig í samband við hana eftir að
hún var valin efnilegasti leikmaður
Pepsídeildarinnar í haust. „Ég hef
ákveðið að spila í Pepsídeildinni á
næsta ári og eru nokkur félög inni
í myndinni. Ég hef farið á æfing-
ar hjá þeim að undanförnu en ekki
tekið ákvörðun ennþá. Ég átti ekki
von á því að þetta yrði svona erfitt
að velja en það eru bara svo mörg
flott lið. Það verður erfitt að fara frá
mínu uppeldisfélagi ÍA. Sérstaklega
að fara frá stelpunum í Skagaliðinu
sem eru allar frábærar. Ég á eftir að
sakna þeirra mikið og félagsskapar-
ins. Ég tel mig hins vegar þurfa að
taka stærra skref til að bæta mig. Ég
mun keyra á milli til að byrja með
þar sem ég er að klára framhalds-
nám á Akranesi. Svo sé ég til hvað
ég geri eftir það,“ segir Guðrún
Karitas.
Nauðsynlegt að hafa
fyrirmyndir
Aðspurð segir hún að fótboltinn
hafi alltaf verið uppáhalds íþróttin
sín. „Ég æfði reyndar samkvæmis-
dans þegar ég var lítil og gekk vel
en áhuginn var ekki eins mikill og
á fótboltanum. Ég hef alltaf sett
stefnuna á að ná eins langt í fót-
boltanum og ég get. Áform mín er
að finna lið þar sem ég á möguleika
að vaxa og bæta mig mest sem leik-
maður. Eitt af markmiðum mínum
er að spila fyrir íslenska landsliðið.
Þegar maður hefur sett sér svona
markmið er gott að hafa einhverja
fyrirmynd. Mín helst fyrirmynd er
pabbi minn Sigurður Jónsson sem
lengi var atvinnumaður í fótbolta.
Ég lít líka mikið upp til Hörpu Þor-
steinsdóttur í Stjörnunni sem er
frábær leikmaður.“
Stefnir á háskólanám
erlendis
Guðrún Karitas er í námi við Fjöl-
brautaskóla Vesturlands á Akranesi.
„Ég er á náttúrufræðibraut og klára
námið að mestu leyti næsta vor. Ég
býst við að ég eigi bara tvö fög eft-
ir næsta haust og fer þá væntan-
lega að vinna með náminu. Svo set
ég stefnuna á háskólanám erlend-
is haustið 2016.“ Spurð hvort hún
eigi önnur áhugamál fyrir utan fót-
boltann, svarar Guðrún: „Ég hef
mikinn áhuga fyrir að ferðast en
það er frekar erfitt að gera mikið af
því þegar maður er á fullu í fótbolt-
anum. Fótboltinn er númer eitt,
tvö og þrjú þannig að heimsreisan
verður að bíða,“ segir Guðrún Kar-
itas að endingu.
þá
Fótboltinn
er númer
eitt og
heimsreisan
verður að
bíða
Guðrún Karitas Sigurðardóttir með verðlaunin fyrir að vera valin efnilegasti leik-
maður Pepsídeildarinnar eftir síðasta sumar.



www.skessuhorn.is
Fylgist þú með? S: 433 5500