Skessuhorn - 26.11.2014, Qupperneq 53

53MIÐVIKUDAGUR 26. NÓVEMBER 2014

Sandblásum bæði
texta og myndir í
gler og spegla...
LED ljós í spegla
SPEGLAR OG
STURTUGLER
Smiðjuvegi 7
200 Kópavogi
Sími: 54 54 300
Fax: 54 54 301
ispan@ispan.is
Myndlistakonan Sólveig Sigurð-
ardóttir verður með sýningu á
eigin verkum í sal Endurhæfing-
arhúss Hver á þriðju hæð gamla
Landsbankahússins við Akratorg
á Akranesi á laugardaginn. Þetta
er þriðja sýningin sem Sólveig
heldur en sú fyrsta í rúm tvö ár.
„Sýningin verður opnuð klukkan
tvö eða um það leyti sem kveikt
verður á ljósunum á jólatréinu á
Akratorgi. Það er því stutt fyrir
fólk að kíkja yfir,“ segir Sólveig
sem vonast til að sjá sem flesta á
sýningunni.
Málar í eldhúsinu
heima hjá sér
Sólveig fæddist á Hömrum í Reyk-
holtsdal árið 1961 en bjó lengst
af á Akranesi. Árið 2006 fékk hún
heilablóðfall sem varð til þess að
hún er í dag lömuð vinstra meg-
in á líkamanum. Eftir að Sólveig
veiktist snéri hún sér að mynd-
list og hefur síðan þá málað fjölda
mynda í eldhúsinu heima hjá sér.
„Fyrir veikindin hafði ég aldrei
málað og hélt hreinlega að ég
gæti það ekki. Eftir smá æfingu
komst ég þó á lagið með það og
í dag hef ég ekki tölu yfir hvað ég
hef málað margar myndir. Það er
nefnilega hægt að gera svo margt
annað en að hanga heima og gera
ekki neitt þótt maður sé veikur,“
segir Sólveig. Hún hefur tvisv-
ar haldið sýningu á sínum verk-
um þar sem allar myndirnir seld-
ust upp. „Ég hélt mína fyrstu sýn-
ingu á pallinum fyrir utan hjá mér
á Írskum dögum 2011 og aftur
2012. Þá seldust allar myndirn-
ar,“ segir Sólveig um þær góðu
viðtökur sem myndir hennar hafa
fengið.
Prófar nýjan stíl
Þar til nýlega einkenndust flest
öll málverk Sólveigar af sérstök-
um stíl þar sem hún málaði ver-
ur í mismunandi litum með mis-
munandi bakgrunn. Nú hefur
hún hins vegar byrjað að þróa
nýjan liststíl. „Ég hef mest verið
að mála það sem ég kalla verur og
gert ótal útfærslur á þeim. Fyrir
stuttu byrjaði ég að gera tilraun-
ir með að mála abstrakt myndir
eftir að ég fékk góða tilsögn frá
Hrönn Eggertsdóttur,“ segir Sól-
veig að lokum, en málverk af báð-
um sortum verða á sýningunni á
laugardaginn og verða þau öll til
sölu.
jsb
Snéri sér að listinni í kjölfar veikinda
Hér má sjá bæði abstrakt verk eftir Sólveigu ásamt málverki af hvítum verum með svartan bakgrunn.Sólveig Sigurðardóttir, mynd-
listarkona í eldhúsinu heima hjá sér
þar sem hún málar öll sín verk.