Fréttatíminn - 05.12.2014, Page 31

É g hef alltaf séð flutninga í ein-hverskonar rósrauðum ljóma. Ákveðin hreinsun. Nýtt upp-
haf. Nýir tímar. Rósrauði ljóminn er
þó ekki lengi að hverfa þegar flutn-
ingsframkvæmdirnar sjálfar hefjast.
Skítt með einhverja hreinsun eða
nýtt upphaf. Nú eða nýja tíma. Fari
það allt saman fjandans til. Ef eitt-
hvað mergsýgur úr manni lífsviljann
og myrðir í manni sálina þá eru það
flutningar. Allt í lagi, ég skal draga
aðeins úr dramatíkinni: það er ömur-
legt að flytja.
Til að byrja með er maður í rífandi
gír. Svona á meðan tekið er úr helstu
hillum og það sem prýðir veggina
rifið niður. Þetta sem þægilegast er
að eiga við. Síðan hefst ringulreiðin.
Þú varst að tæma kommóðuna í
forstofunni en finnur þig skyndi-
lega inni í barnaherbergi að sortera
legokubba. Þú hleypur aftur inn í
forstofu með það í huga að klára
af kommóðuna. Ah, alveg rétt –
þú ætlaðir að skrúbba aðeins yfir
botninn í forstofuskápnum. Þá er
rokið inn í eldhús til þess að sækja
búnaðinn í þann gjörning. Þú nælir
þér í snöggan kóksopa úr ísskápnum
fyrst. Shit, þú ætlaðir að þrífa hann.
Alveg rétt. Hvar er tuskan? Er hún
hjá kommóðunni? Legokubbunum?
Í forstofuskápnum? Þú finnur loks
helvítis tuskuna. Endar með hana í
gluggakistunni inni á baðherbergi.
Kommóðan ennþá full af drasli.
Legokubbanir í sögulegri óreiðu.
Ísskápurinn enn allur í rauðvíns-
slettum (beljur eiga það til að leka).
Og botninn í forstofuskápnum – já,
hann hefur ekki verið skrúbbaður.
Ekki skulum við gleyma sakleys-
islegum skúffum og skápum – hing-
að og þangað um íbúðina. Manstu
þegar þú fluttir inn? Glettnislegur
glampinn í augunum á þér þegar þú
sást allt skápaplássið. Já, sá glampi
er horfinn. Vinalegu skáparnir sem
heilsuðu þér í upphafi eru ekki til
staðar lengur. Djöfulleg, ótæmandi
svarthol hafa komið í þeirra stað.
Með semingi vogar þú þér að opna
eitt svartholið. Hey, þarna er kass-
inn með (óopnuðu) spreybrúsunum
og akrýlmálningunni – þú ætlaðir
jú að gera ógeðslega mörg lekker
DIY-verkefni þegar þú fluttir inn.
15 pör af þrívíddargleraugum af
því þú manst aldrei eftir að kippa
gamla parinu með í bíó – passar
samt alltaf að hirða þau í hverri bíó-
ferð. Hleðslutæki af hverju einasta
símtæki sem þú hefur átt í gegnum
tíðina. Ábyrgðarskírteinið af kaffi-
vélinni. Húfan sem þú kláraðir aldrei
að prjóna. Snúrur af öllum raftækj-
um sem þú hefur nokkurn tímann
eignast – bæði lífs og liðnum. Einn
skítugur blómapottur á stjákli (þú
ætlaðir að spreyja hann sko). Blöðin
sem þú geymdir til þess að lesa
betur. Þér fallast hendur. Þú lokar
svartholinu. „Æ, ég tek þennan skáp
síðast.“
Eftir fimmtándu ferðina í Sorpu
og þrálátar hugsanir um að kveikja
einfaldlega í kofanum þá tekur þú
þér kaffipásu. Horfir á hundrað og
eitthvað kassa í forstofunni. Hvernig
er þetta mögulegt? Þú fluttir bara
inn með sjö kassa. Þú klórar þér í
höfðinu og veltir fyrir þér þessari
yfirnáttúrulegu
margföldun. Jæja,
þetta hafðist þó.
Allt komið í kassa.
Kommóðan í for-
stofunni tóm og
legokubbanir, tjah,
ekki alveg sorter-
aðir en þó búið að
pakka þeim niður.
Tími á að koma
sér út. Þér svelgist
á kaffinu. Þetta er
hvergi nærri búið.
Því fer fjarri. Það á
eftir að þrífa bölv-
aða íbúðina. Íbúð-
in sem þér þótti
sæmilega hrein
lítur allt í einu út
eins og þar hafi
verið ellefu hestar
á bás. Í marga
mánuði. Veggja-
kám sem áður var
ósýnilegt er nú á
við skærgult vegg-
fóður. Rykið ofan
á parketlistunum
öskrar nafn þitt.
Undarlegir blettir
í ruslaskápnum.
Fitan ofan á vift-
unni í eldhúsinu.
Íkveikjuhugsanir
sækja aftur sterkt
að þér.
Það hefði einhver vel mátt gauka
því að mér fyrir tæpum 10 árum að
maður á aldrei að flytja úr foreldra-
húsum. Aldrei!
Guðrún Veiga Guð-
mundsdóttir er
mannfræðinemi frá
Eskifirði sem vakið
hefur athygli fyrir
bloggskrif sín. Hún
stjórnaði sjónvarps-
þættinum Nenni ekki
að elda og var að
gefa út samnefnda
bók. Guðrún Veiga
er að flytja og íhugar
alvarlega að kveikja
bara í kofanum.
Kámið á veggjunum er orðið eins og skærgult veggfóður
Guðrún
Veiga
Guðmundsdóttir
ritstjorn@
frettatiminn.is
Eftir fimmtándu
ferðina í Sorpu
og þrálátar
hugsanir um að
kveikja einfald-
lega í kofanum
þá tekur þú
þér kaffipásu.
Horfir á hundr-
að og eitthvað
kassa í forstof-
unni. Hvernig
er þetta mögu-
legt?
Gerðu sjónvarpið snjallara
Xtreamer Wonder
Verð: 24.990 kr.
Fartölva
Dell Inspiron 3531
Verð: 54.990 kr.
Merktu hluti - Finndu þá
Chipolo - Margir litir
1 stk - verð: 3.990 kr.
3 stk - verð: 8.990 kr.
Hörðustu pakkarnir
fást hjá Advania
Guðrúnartúni 10, Reykjavík
Mánudaga til föstudaga frá 8 til 17
Tryggvabraut 10, Akureyri
Mánudaga til föstudaga frá 8 til 17
advania.is/jol
Kíktu til okkar í kaffi – við tökum vel á móti þér í verslunum okkar
Far- og spjaldtölva
Dell Inspiron 7347
Verð: 179.990 kr.
Fartölvutaska
Bogart 13V
Verð: 8.990 kr. Leðurtaska
Tiding Vintage
Verð: 26.990 kr.
Heyrnartól - þrír litir
Jabra Revo Stereo
Verð: 29.990 kr.
Heyrnartól
Urbanears Plaœan - margir litir
Verð: 10.490 kr.
22 pistill Helgin 5.-7. desember 2014