Fréttatíminn - 05.12.2014, Síða 47

Hjálpar börnum
með dáleiðslu
F ólk er oft með mjög sérstaka mynd af því hvað dáleiðsla er og oftar en ekki kemur sú
mynd úr amerískum bíómyndum,“
segir Anna Lísa Björnsdóttir dá-
leiðslutæknir. „Þegar fólk kemur
fyrst til mín heldur það stundum að
það muni detta út og missa stjórn en
það er alls ekki þannig. Í bíómynd-
unum er alltaf gengið út frá því að
þú sért verkfæri sem hægt sé að
gera hvað sem er við, en málið er
að ef þú vilt ekki láta dáleiða þig þá
er það ekki hægt. Dáleiðsla er mjög
persónubundin upplifun, slakandi og
þægileg en fyrst og fremst er hún
breytt hugarástand. Ég, sem dá-
leiðslutæknir, er í raun bara að leið-
beina fólki að vinna með undirvit-
undinni, því þar leynast oft svörin.“
Hjálpar börnum að losa um
reiði
Anna Lísa lærði að dáleiða í Dá-
leiðsluskóla Íslands og fór svo í
frekara nám hjá dr. Edwin Yager,
sem er þekktur bandarískur dáleið-
ari. Hún vinnur með dáleiðsluaðferð
sem dr. Yager hefur þróað á 40 ára
ferli en hefur svo sjálf verið að þróa
sína eigin sérstöku aðferð við að dá-
leiða börn. „Tökum sem dæmi reitt
barn,“ segir Anna Lísa. „Öskureitt
barn sem lendir oft í veseni í skól-
anum því það bregst alltaf við öllu
með reiði. Með dáleiðslunni hjálp-
um við barninu að finna orsök reið-
innar. Í stað þess að kenna barninu
að eiga við reiðina, þá finnum við út
hvað það er sem gerir það verkum
að barnið verður reitt. Við reynum
Anna Lísa Björnsdóttir er dáleiðari sem hefur sérhæft sig í að
dáleiða börn. Hún segir dáleiðsluaðferðir sínar hafa hjálpað sér
mikið við uppeldið á dætrum sínum fjórum því svör við mörgum
vandamálum leynist í undirvitundinni. Anna Lísa vinnur nú að
bók um aðferðir sínar sem mun koma út á næsta ári.
ekki að stjórna reiðinni heldur leit-
um uppruna hennar í undirmeðvit-
undinni. Þegar orsökin er fundin
losnar barnið við reiðina. Sá sem
dáleiðir er í raun bara að leiðbeina
fólki að vinna með und-
irvitundinni.“
Notar dáleiðslu á
dætur sínar
Anna Lísa, sem á fjórar
dætur, segist nota að-
ferðir dáleiðslunnar mik-
ið við uppeldið. „Í morg-
un var 5 ára dóttir mín
til dæmis svakalega fúl
og reið því hún var ekki
fyrst að fá hárgreiðslu,“
segir Anna Lísa og hlær.
„Þegar hún var komin í
virkilega vont skap þá
spyr ég hana hvað við
getum nú gert í mál-
unum, hver lausnin sé.
Þá biður hún mig um að
tala við „prinsessuna í
huganum“, en það orð er
einmitt komið úr aðferð-
inni sem ég vinn með.
Þá hjálpa ég barninu að
finna einhvern sem það
lítur upp til, í flestum tilfellum er það
ofurhetja eða prinsessa. Svo bið ég
barnið, í þessu tilfelli dóttur mína,
um að lýsa vandamálinu fyrir „prins-
essunni í huganum“ og biðja hana
um hjálp. Þetta fær barnið til að lýsa
líðan sinni, tengjast undirvitundinni,
eða „prinsessunni í huganum“, og
finna orsök vandans, vinna með or-
sökina og vandinn leysist í kjölfarið.“
Anna Lísa segist ekki þurfa að
kenna börnum að nota
ímyndunaraf l ið, því
þau kunni svo vel á það.
„Undirvitund barna er
svo skýr og fyrir þeim
er þetta allt saman bara
skemmtilegur leikur.
Þeim finnst þetta alls
ekkert skrítið eða óþægi-
legt.“
Læknaði hræðslu við
kóngulær
Þegar lærifaðirinn, dr.Ya-
ger, frétti af góðum ár-
angri Önnu Lísu í vinnu
með börnum bauð hann
henni í heimsókn til
Kaliforníu. „Hann hvatti
mig til að skrifa bók um
aðferðina og bauð mér
svo til þeirra hjóna í San
Diego. Það var náttúru-
lega voða gaman að geta
talað stanslaust í tíu daga
um það sem maður hefur
mestan áhuga á, og fá svo þar að auki
að dáleiða þau hjónin. Ferðin var
mjög upplýsandi fyrir okkur bæði
og hann ákvað í kjölfarið að bjóða
mér til Berlínar þar sem hann verð-
ur með námskeið í desember og þar
mun ég fá að kynna mína nálgun við
hans aðferð.“
Þrátt fyrir að sérhæfa sig í
barnadáleiðslu segir Anna Lísa skjól-
stæðinga sína vera af öllum gerð-
um og á öllum aldri. Hún vill ekki
gefa mikið upp um fólkið sem hún
hefur hjálpað en nefnir sem dæmi
konu sem losnaði við astma og litla
stúlku sem læknaðist af óstjórnlegri
hræðslu við kóngulær.
Dáleiðsla er endurforritun
undirvitundarinnar
„Það er oft eitthvað í undirvitund
manneskjunnar sem telur það vera
henni fyrir bestu að hafa einkenni,
eins og t.d. verki, kvíða, þunglyndi,
svo fátt eitt sé nefnt. Þessi einkenni
geta stoppað fólk af, virkað t.d. sem
tæki til að koma í veg fyrir ofkeyrslu.
Þegar svo manneskjan þarf ekki á
þessum óútskýrðu einkennum að
halda lengur, þá komast þau skilaboð
ekki til undirvitunarinnar, sem held-
ur áfram að stoppa einstaklinginn af
með, t.d. verkjum. Með hjálp dáleiðsl-
unnar finnum við orsökina, vinnum
með hana og einkennin hverfa. Þetta
er í raun hálfgerð endurforritun und-
irvitundarinnar. Ef orsök einkenn-
anna er að finna í undirvitundinni þá
losnar fólk við þau á einfaldan hátt
með hjálp dáleiðslunnar.“
Halla Harðardóttir
halla@frettatiminn.is
Hver er
Anna Lísa
Björnsdóttir.
Menntun:
Dáleiðslutæknir og
dáleiðslukennari.
Heima:
Í Garðabæ.
Hvaðan:
Ættuð úr
V-Skaftafellssýslu.
Maki:
Guðmundur S.
Johnsen.
Börn:
Fjórar dætur.
Áhugamál:
Dáleiðsla, vitund
mannsins, hönnun
og portrettmálun.
?
Anna Lísa
Björnsdóttir,
dáleiðslutæknir
og dáleiðslu-
kennari hjá
Dáleiðsluskóla
Íslands, hefur
sérhæft sig í að
dáleiða börn.
Hún vinnur
nú að bók um
aðferðafræði
sína sem ber
vinnuheitið „The
Genius In Your
Child´s mind“.
38 viðtal Helgin 5.-7. desember 2014