Fréttatíminn - 05.12.2014, Side 61

GJAFAKORT KRÓNUNNAR
Jólagjöfin sem nýtist öllum
Pantaðu gjafakortið
á Kronan.is
Aldrei frídagur hjá
knattspyrnumömmunni
A xel Óskar Andrésson, sem fæddur er árið 1998, er son-ur kraftajötunsins Andrésar
Guðmundssonar og Láru Berglind-
ar Helgadóttur, stofnenda Skóla-
hreysti. Hann á því ekki langt að
sækja íþróttaáhugann. Axel á tvo
yngri bræður, Jökul og Örn, sem
einnig leika knattspyrnu með Read-
ing í yngri flokkum.
Axel Óskar hefur spilað knatt-
spyrnu frá fimm ára aldri, en hann
hefur leikið með Aftureldingu frá
þeim tíma og hefur lengi verið lyk-
ilmaður liðsins. Axel hefur leikið
16 leiki með U-17 landsliði karla og
11 leiki með meistaraflokki Aftur-
eldingar, 3 í Borgunarbikarkeppni
karla og 8 í 2. deild karla.
Atvinnumenn 24/7
„Þetta hefur verið minn draumur
frá því ég var fimm ára, en það kom
mér samt sem áður á óvart hvað
þetta er í raun krefjandi. Ég hélt
með Chelsea og horfði á goðið mitt,
Eið Smára, spila og dáðist að hon-
um og öðrum atvinnumönnum spila
bolta með stóru félögunum,“ segir
Axel. Nú er hann í sömu sporum.
Að sögn Axels mun hann leika
í vetur með U-18 liðinu en það lið
skipa strákar sem fæddir eru 1996-
1998. „Ég mun æfa og keppa með
þeim fram á næsta sumar. Við erum
núna að fara að spila á móti Arsenal
í bikarnum. Ég er eiginlega fyrst
núna að reyna að ná mér niður en
það hefur tekið svolítið á að vera
kominn í annað land. Við fengum
daglanga kynningu á því hvernig
veturinn yrði í skólanum í haust og
þar var okkur sagt að við yrðum að
vera atvinnumenn 24/7, allan sólar-
hringinn, alla vikuna.
Að vera jákvæður og duglegur
„Þetta er alvöru vinna en það má
segja að áhuginn sé 90% af árangr-
Axel Óskar Andrésson er 16 ára miðvörður úr Mosfellsbænum sem nýlega hóf atvinnumanns-
feril sinn í knattspyrnu. Hann flutti til Englands fyrir rúmum fjórum mánuðum til þess að ganga
í Knattspyrnuskóla Reading FC og leika með félaginu næstu tvö árin. Hann er einnig í fjórum
bóklegum fögum auk þess að vera í fjarnámi í Verzló. Móðir hans og tveir yngri bræður fluttu
utan með honum svo hann gæti látið drauma sína rætast en pabbinn er heima og skaffar saltið í
grautinn. Bræður Axels æfa með yngri flokkum Reading. Axel segist vera mikill fjölskyldumaður
og hefði ekki getað þetta án fjölskyldunnar og að mamma hans sé alveg einstök. Líf þessarar
íslensku fjölskyldu snýst um knattspyrnu frá morgni til kvölds. Blaðamaður sló á Skype til þeirra
mæðgina og spurði um líf og tilveru atvinnumannsins.
inum og hæfileikar 10%. Ég var ekki
alltaf bestur í fótbolta þegar ég spil-
aði með Aftureldingu en ég hef aft-
ur á móti alltaf lagt mig fram 100%
og verið duglegur. Það sem skiptir
mestu máli í atvinnumennsku er
að halda út og hafa viljastyrkinn,
að vera sterkur í hausnum. Áður
en ég kom út hafði ég háleit mark-
mið um að komast strax inn í U21.
Núna er ég mest að hugsa um að
lifa fyrir daginn í dag og gera 100%
mitt besta og láta mér líða vel. Það
er aukaæfingin sem skapar meistar-
ann og ég hef alltaf verið duglegur
að æfa meira en aðrir. Ég gerði mér
fljótlega grein fyrir þessu og hef
aldrei misst sjónar á markmiðinu
mínu. Ég hætti til dæmis að drekka
gos þegar ég var 11 ára og borða
mjög lítið nammi og bara á laugar-
dögum.
Ef ég ætti að ráðleggja ungum
strákum eitthvað þá væri það að
vera duglegir að taka aukaæfingar
og vera jákvæðir. Stuðningurinn
heima skiptir líka miklu máli. Ég
hefði aldrei getað þetta án fjölskyld-
unnar, ég er svo mikill fjölskyldu-
maður og það er dýrmætt að hafa
hana hjá mér, sérstaklega mömmu,“
segir þessi frábæra fyrirmynd og
heilbrigði ungi strákur en margir
ungir fótboltamenn og framtíðar-
atvinnumenn munu áreiðanlega
láta sig dreyma um að feta í fótspor
hans.
Móðureðlið sterkt
„Ég hef í langan tíma undirbúið
mig fyrir það að fara utan með
Axel. Hann var svo einbeittur
að þessu markmiði frá fimm ára
aldri og atvinnumannadraumur-
inn var aldrei langt undan,“ segir
Lára.
Ákvörðunin var auðveld, mér
finnst engu máli skipta hvort hann
er 16 ára að spila fótbolta í Aftur-
eldingu eða Reading. Hann hefur
nákvæmlega sömu félagslegu þarf-
irnar, ef ekki meiri í ókunnu landi.
Hann þarf að borða, það þarf að
þvo þvott og hann hefur bara allar
þessar þarfir unglings sem þarf að
hugsa vel um. Það er mikilvægt að
styðja hann og styrkja í einni hörð-
ustu og erfiðustu vinnu sem 16 ára
unglingur getur verið í. Móðureðlið
í mér er svo sterkt að það yfirtekur
allar aðrar tilfinningar og þrár,“ seg-
ir Lára en hún vinnur við bókhald
Skólahreysti og sinnir fyrirtækinu
frá Englandi en mun koma heim til
að hjálpa Andrési með keppnirnar
þegar þær hefjast. Þá tekur vinur
hennar við búinu.
„Jökull, sem er 13 ára, er í svo-
kölluðum Middle school sem heitir
Forest School og er virtur gamall
breskur drengjaskóli þar sem er
mikill agi og formlegir, stífir skóla-
búningar. Örn, 10 ára, er í Premier
school sem heitir Higwood school.
Andrés reynir síðan að koma út í
nokkra daga á 5 vikna fresti,“ segir
Lára.
Ekki bara dans á rósum
„Við tökum stöðuna þegar samningi
lýkur. Jökull og Örn eru einnig að
spila með Reading og njóta bara
góðs af því að fá góða fótboltaþjálfun
á meðan,“ segir Lára.
Að vera atvinnumaður í knatt-
spyrnu, ekki eldri en þetta, kallar
á mikinn aga og mikla vinnu, það
er ekki alltaf dans á rósum. Dæmi-
gerður dagur hjá hinni miklu knatt-
spyrnumömmu er ekki ósvipaður
og heima á Íslandi því allir fara í
sitt hvora áttina yfir daginn, ferð-
ir í skóla og á æfingar til þess að
sameinast um kvöldmat. Æfingar
standa oft til klukkan 21 á kvöldin
svo dagarnir eru strembnir og helg-
ar eru alltaf eins því þá eru æfingar
sem standa til klukkan14 á daginn,
ef ekki eru leikir.
„Á sunnudögum eru alltaf leik-
ir hjá Jökli og Erni, ýmist á þeirra
æfingasvæði eða í stórborgunum í
kringum Reading,“ segir Lára. „Þá
keyri ég borganna á milli með þá.
Hér er aldrei sofið út og aldrei heill
frídagur.“
Lokaðir en indælir Bretar
Lára segir Breta lokaða en indæla
og bráðfyndna en það gengur ekki
hratt að eignast vini. „Hér er kreppa
eins og heima,“ segir hún. „Heil-
brigðismálin á hliðinni, það er fjár-
svelti alls staðar og mikið af söfn-
unum í gangi til að halda hlutum
gangandi. Bretar eru pirraðir á inn-
flytjendum og eru í vörn gagnvart
þeim.
Bretar eru 20-30 árum á eftir Ís-
lendingum í mörgu, þeir reykja t.d.
alls staðar og börn borða sælgæti
alla daga. Það er virkilega erfitt að
finna hollan og óunninn mat í versl-
unum. En þeir eru á undan okkur í
rafrænum samskiptum. Einnig er
ýtt mikið undir frumkvæði nem-
enda í skólunum.“
Eva Magnúsdóttir
ritstjorn@frettatiminn.is
Reading
Borgin Reading er í Thames dalnum,
rétt vestan við höfuðborgina
London, en þar búa um 300 þúsund
manns. Knattspyrnulið borgarinnar
leikur í næst efstu deild í Englandi en
hefur leikið af og til í Úrvalsdeildinni,
síðast í fyrra. Nokkrir Íslendingar
hafa leikið með Reading á síðustu
árum en þeir Ívar Ingimarsson og
Brynjar Björn Gunnarsson léku
báðir lengi með liðinu. Þá var Gylfi
Sigurðsson á mála hjá Reading fyrir
nokkrum árum. Gylfi kom til Reading
sextán ára gamall og lék með liðinu
í sex ár. Hann er í algjörum sérflokki
hjá liðinu og stuðningsmönnum þess
og það eru myndir af honum upp um
alla veggi. Ef hann kemur á leikvang
liðsins Madejski Stadium er hann
hylltur sérstaklega.
Samúel Örn Friðjónsson leikur með
Reading en hann er fæddur snemma
á árinu 1996 og því farinn að spila
með U-21 landsliðinu. Tómas Ingi
Urbancic og Sindri Scheving leika
síðan með U-18 liðinu.
Lára Berglind Helgadóttir með syni sínum, Axel Óskari Andréssyni, á leikvangi Reading, Madejski. Hún fylgdi syni sínum utan og tveir
yngri bræður, Jökull og Örn, einnig. Fjölskyldufaðirinn, Andrés Guðmundsson, heimsækir sitt fólk á fimm vikna fresti. Myndir úr einkasafni
Axel Óskar Andrésson, 16 ára, hóf atvinnuferil sinn í knattspyrnu fyrir fjórum mán-
uðum. Atvinnumennska í boltanum hefur verið draumur hans frá fimm ára aldri.
Axel Óskar í landsliðsbúningnum. Hann
hefur leikið 16 leiki með U-17 landsliði
Íslands.
Afturelding í Mosfellsbæ er uppeldis-
félag Axels Óskars.
52 viðtal Helgin 5.-7. desember 2014