Læknablaðið - 15.01.2008, Blaðsíða 3

ílœfknafjlabib óódcvt Ceóendutn
cvcs oq pddcvc

Breytingar í ritstjórn
Læknablaðsins
Nokkrar breytingar hafa nýlega orðið á ritstjórn Læknablaðsins. Karl
Andersen sérfræðingur í hjartalækningum hætti í stjórn eftir átta ára sam-
fellda setu. Kann Læknablaðið honum innilegar þakkir fyrir vel unnin
störf í þágu blaðsins.
Tveir nýir ritstjórnarmenn bættust síðan í hópinn í kjölfarið. Gunnar
Guðmundsson sérfræðingur í lungnasjúkdómum og Margrét Arnadóttir
sérfræðingur í nýrnasjúkdómum. Læknablaðið býður þau velkomin til
starfa og væntir góðs af samstarfinu.
LISTAMAÐUR MÁNAÐARINS
Hugmynd Ingibjargar Magnadóttur (f. 1974) að myndverki
fyrir Læknablaðið er sniðin sérstaklega að markhópi þess.
Hún bregður upp táknmynd læknavísindanna, mannsmynd
sem kennd er við Vítrúvíus og staðsetur líkamann
innan geómetrískra forma, í hring og ferningi.
Ingibjörg vinnur með gjörninga, myndbönd
og innsetningar og notar iðulega sjálfa
sig í forgrunni. Hún fæst við klisjur og
persónugervingu sem miðla einhvers
konar visku um manneskjuna. Sem
dæmi má nefna persónu hennar
„Afríska kvenprestinn“ sem ferðast
um heiminn og heldur fyrirlestra,
völvuna sem þylur spádóma eða
listagyðjuna sjálfa. Að þessu sinni tekst
hún á við vísindi sem eiga að sýna fram á
algild hlutföll um manneskjuna, tengsl hennar
við náttúruna og stöðu í veröldinni. Rómverski
arkitektinn Vítrúvíus bjó til kenningu um byggingarlist sem
byggðist á hlutföllum mannslíkama, symmetríu og að hver
eining sé í ákveðnu hlutfalli við heildina.
Hann nefndi ýmis dæmi eins og lengd handa eða andlits
í hlutföllum við líkamshæð, og að jafn langt sé milli útréttra
arma og frá hvirfli til ilja. Síðari tíma kennismiðir reyndu
að myndgera hugmyndir hans en engum tókst það betur
en Leonardo da Vinci sem dró upp hina þekktu skissu
í vinnubók sína. Teikningin sýnir karlmannslíkama sem
stendur annars vegar með útrétta arma og snertir jaðra
fernings, hins vegar með gleiða fætur og snertir jaðra hrings
þar sem naflinn er í miðjunni. Lagt hefur verið út frá
því að ferningsformið sé tákn efnislegrar tilvistar
en hringformið andlegrar. Leonardo lagði
vísindi og list að jöfnu eins og títt var um
endurreisnarmenn og aðhylltist þá hug-
myndafræði að með þvi að gaumgæfa
mannslikamann, uppbyggingu hans og
virkni mætti fá innsýn í hönnun alheims-
ins. Slikar hugmyndir breyttust i tímans
rás með áherslu á sérstöðu einstaklings-
ins og tilfinningalíf hvers og eins. Ekki
þótti fýsilegt að eltast við algilda staðla um
mannfólkið og í dag er furðulegt að hugsa sér
slíka útreikninga með tilliti til karlkyns eingöngu.
Teikning Leonardos varð á 19. öld alþjóðlegt tákn
lækninga og er enn notuð viða í því samhengi. Ingibjörg
leggur út af henni i sjálfsmynd þar sem hún stendur sem
fulltrúi mannkyns og alls alheims innan um kunnugleg tákn.
Með hjarta í hendi vísar hún í stjörnumerkjahringinn og tekur
á móti nýju ári.
Markús Þór Andrésson
Læknablaðið
THE ICELANDiC MEDICALIOURNAL
www. laeknabladid. is
Aösetur
Hlíðasmára 8, 201 Kópavogi
Útgefandi
Læknafélag íslands
Læknafélag Reykjavíkur
Símar
564 4104-564 4106 (fax)
Ritstjórn
Bryndís Benediktsdóttir
Engilbert Sigurðsson
Gunnar Guðmundsson
Margrét Árnadóttir
Tómas Guðbjartsson
Þóra Steingrímsdóttir
Jóhannes Björnsson,
ábm. og ritstjóri
Ritstjórnarfulltrúi
Védís Skarphéðinsdóttir
vedis@lis.is
Auglýsingastjóri og ritari
Brynja Bjarkadóttir
brynja@iis.is
Blaðamaður/Ljósmyndari
Hávar Sigurjónsson
havar@iis.is
Umbrot
Sævar Guðbjörnsson
saevar@iis.is
Upplag
1700
Áskrift
6.840,- m. vsk.
Lausasala
700,- m. vsk.
© Læknablaðið
Læknablaðið áskilur sér rétt
til að birta og geyma efni
blaðsins á rafrænu formi,
svo sem á netinu.
Blað þetta má eigi afrita
með neinum hætti, hvorki
að hluta né í heild án leyfis.
Prentun, bókband
og pökkun
Gutenberg ehf.
Suðurlandsbraut 24
108 Reykjavík
ISSN: 0023-7213
LÆKNAblaðið 2007/93 3