Læknablaðið - 15.05.2010, Qupperneq 64

UMRÆÐA O G FRÉTTI
RÖNTGENLÆKNAR
R
Frá vinstri: Baldur F.
Sigfússon, Einar H.
Jónmundsson, Jón L.
Sigurðsson og
Kristján Sigurðsson. A
myndina vantar Pedro Riba.
Ágústa Andrésdóttir tók
myndina.
Heiðursfélagar meðal röntgenlækna
Maríanna
Garðarsdóttir
formaður FÍR
Á félagsfundi Félags íslenskra röntgenlækna (FÍR)
þann 3. febrúar síðastliðinn voru fimm félagar
einróma kjörnir heiðursfélagar. Þetta voru þeir
Baldur F. Sigfússon, Einar H. Jónmundsson,
Jón L. Sigurðsson, Kristján Sigurjónsson og
Pedro Riba. Allir hafa þeir á starfstíð sinni
unnið sér inn orðstír vegna vísindalegrar vinnu
í myndgreiningarfræðum og/eða stuðlað að
framgangi þeirra skv. 7.gr laga félagsins.
Þeir hafa allir verið frumherjar í myndgreiningu
á Islandi. Svo stiklað sé á stóru er Baldur
sérhæfður í mammographiu og var yfirlæknir
röntgendeildar Krabbameinsfélags íslands frá
stofnun þess í janúar 1985. Baldur hefur verið
mjög virkur í norrænu samstarfi og var til dæmis
ritari 50. Norræna þingsins 1992 og svo forseti
55. Norræna þingsins árið 2002. Hann sat einnig
í stjórn Stiftelsen Acta Radiologica 1989 til 1996
sem varamaður og svo aðalmaður frá 1996 og var
formaður 1997-98. Hann hefur einnig verið verið
mjög virkur í kennslu- og vísindastörfum sem og
ritstörfum og varð dósent í geislagreiningu við
læknadeild HÍ1984 og aðjúnkt frá 1997.
Einar er sérhæfður á sviði æðaþræðinga
og inngripa og starfaði sérstaklega við
hjartarannsóknir og kransæðaþræðingar frá 1977
til 2002. Hann var einn af máttarstólpum
deildarinnar við Hringbraut þar til harm lét af
störfum á sjötugsafmælisdaginn 27. febrúar 2009.
Einar var gjaldkeri Norræna þingsins 1982.
Jón er sérhæfður í myndgreiningu tauga-
kerfisins og æðaþræðingum og var yfirlæknir á
Landspítala frá september 1974 til október 2000.
Jón var ritari 31. Norræna þingsins sem og á
40. þinginu. Jón var stofnfélagi og aðalmaður í
stjórn Nordisk Forening for Neuroradiologi og er
heiðursfélagi í NFMR-Norræna félaginu.
Kristján er sérhæfður í myndgreiningu
sogæðakerfisins og hefur mikla reynslu af
myndgreiningu stoðkerfisins. Kristján hefur lengi
verið einn af máttarstólpum deildarinnar í Foss-
vogi og verið mikilvirkur í kennslu, ekki síst
kennslu verðandi röntgenlækna.
Pedro er sérhæfður í myndgreiningu bláæða-
kerfisins. Hann starfaði fyrst á Landspítala en svo
á Fjórðungssjúkrahúsinu á Akureyri, síðast sem
forstöðulæknir. í setu sinni í stjórn FÍR stóð hann
fyrir mjög öflugu fræðslustarfi.
Það var því mikill heiður og ánægja að bera
upp þessi nöfn til kjörs heiðursfélaga FÍR og
bættust þeir í hóp þeirra heiðursfélaga sem
fyrir eru en það eru Gísli Fr. Petersen, Brian
Worthington, Kolbeinn Kristófersson, Ásmundur
Brekkan, Henrik Linnet og Örn Smári Amaldsson.
376 LÆKNAblaðið 2010/96