Ritið : tímarit Hugvísindastofnunar - 01.05.2007, Blaðsíða 65

ÍSLENSKT ÞJÓÐERNI OG ÓTTINN VIÐ INNFLYTJENDUR
Þessi stóraukni straumur innflytjenda kom í kjölfar ofþenslu í efna-
hagslífinu en undanfarin ár hefur fjöldi fólks komið ffá ríkjum EES til að
starfa á Islandi, margir þeirra hafa tekið að sér störf sem ekki hefur tekist
að manna með innfæddum Islendingum. Það vekur athygli að samsetning
innflytjenda á íslandi er nokkuð ólík því sem þekkist í nágrannaríkjunum.
A sjöunda og áttunda áratug síðustu aldar komu stórir hópar starfsfólks til
Vestur-Evrópu ffá múshmaríkjum í Mið-Austurlöndum. A Islandi koma
flestir innflytjendur hins vegar frá Evrópu.
Það er einnig sérkenni hér á landi að öfugt við það sem þekkist víða er-
lendis eru innflytjendur sjaldséðir á íslenskum atvinnuleysisskrám, hlut-
fallslega eru töluvert færri úr þeirra röðum á slíkum skrám heldur en með-
al innfæddra íslendinga. Þótt innflytjendur séu aðeins um sex prósent af
mannafla landsins teljast þeir tíu prósent af heildarvinnuafli. Með öðrum
orðum, innflytjendur koma hingað til að vinna. Erlent verkafólk verkar
ekki aðeins fiskinn fyrir okkur og skapar þannig verðmæti fyrir samfélagið
allt heldur sinna margir úr þeirra röðum öldruðum og sjúkum. Aðrir bera
blöðin heim til okkar á nóttinni og hreinsa götumar. Eins og aðrir sem
starfa hér á landi greiðir erlenda verkafólkið skatta til íslensks samfélags,
sem meðal axmars eru notaðir til að reka skólana fyrir bömin okkar og
efliheimilin fyrir foreldra okkar. Innflytjendur eru með öðrum orðum
orðnir mikilvægir þátttakendur í íslensku samfélagi og efhahagsflfi.
An þessa erlenda verkafólks hefði hagvöxtur ekki verið jafnhraður hér
landi og raun ber vitni. Ljóst er að erlent verkafólk hefur létt verulega á
spennunni sem varð í hagkerfinu í kjölfar stórframkvæmda. I ársbyrjun
2007 reiknaði greiningardeild Landsbankans til að mynda út að ef erlent
vinnuafl hefði ekki komið hingað til lands í miklum mæfl mætti gera ráð
fyrir að verðbólga á íslandi væri tveimur prósenmstigum hærri en hún
er.19 Samkvæmt rannsókn greiningardeildar Kaupþings sparaði þátttaka
útlendinga á íslenska vinnumarkaðinum hverri meðalfjölskyldu 123 þús-
und króna útgjöld árið 2006. Sama rannsókn sýndi að ef erlenda starfs-
fólkið hefði ekki verið til staðar hefðu skuldir fjölskyldunnar jafhhhða
aukist um 200 þúsund krónur.20
19 Edda Rós Karlsdóttir, „Erlent starfsfólk léttir pressu“, [Viðtal] Fréttablaðið 26.
janúar 2007.
~u Þóra Helgadóttir, Breyta þenslu í hagvöxt —Abrif erlends vinnuafls, Greiningardeild
Kaupþings. 16. janúar 2007.
63