Ritið : tímarit Hugvísindastofnunar - 01.05.2008, Qupperneq 79

Guðni Elísson
Efahyggja og afneitun
Abyrg loftslagsumræða í fjölmiðlafári samtímans
Dagana fyrir og efdr komu Als Gore til íslands í apríl 2008 loguðu blogg-
heimar af deilum um þá uggvænlega framtíðarsýn sem þessi fyrrverandi
varaforseti Bandaríkjanna kynnti fyrir íslensku þjóðinni.1 Menn veltu
vöngum yfir því hvort hún ætti við vísindaleg rök að styðjast og þeir sem
voru andvígir skoðunum Gores reyndu að vefengja þær á ýmsum for-
sendum. Þeir héldu því fram að vísindin sem hann byggði fyrirlestur sinn
á væru vafasöm, eins og sæist af því að ekki væru allir vísindamenn á einu
máli um veruleika eða orsakir loftslagsbreytinga. Ekki væri almenn sátt (e.
consensus) í vísindasamfélaginu um málið og spár um loftslagsbreytingar
væru eins og hver annar iðnaður sem velti milljörðum dala.2 Hagsmunir
vísindasamfélagsins mótuðust því af að mála sem svartasta mynd af fram-
tíð jarðarbúa og umræðan væri limð af hræðsluáróðri. Síðast en ekki síst
höfnuðu ýmsir íslenskir bloggarar niðurstöðum vísindasamfélagsins um
hlýnun andrúmsloftsins með því að tengja þær hræðsluáróðri. Þeir sögðu
að almenning þyrsti í krassandi fréttir af heimi á helvegi og að sá þorsti
litaði afstöðu hans til loftslagsumræðunnar sem væri komin út í móður-
1 Eg tíl þakka ritstjórunum og tveimur nafhlausum ritrýnendum Ritsins lesturinn og
góðar ábendingar.
2 í pistlinum „Er betra að brenna mat en að borða hann?“ (Eyjan 16. apríl, 2008)
reynir t.d. Andrés Magnússon að koma höggi á A1 Gore með því að benda á að
hann haíi fjárfestí „grænumfyrirtækjum". Sjá http://andresm.eyjan.is/2008/04/16/
er-betra-að-brenna-mat-en-að-borða-hann/ [sótt 10. nóvember 2008]. Sams
konar ásakanir má sjá hjá Noel Sheppard í bloggfærslunni „Investment Group
Puts Millions in Green Companies Gore Has Stake In“. Sheppard er einn af rit-
stjórum Neivs Busters, vefsíðu sem hefur það hlutverk að „skrásetja, fletta ofan af
og vinna gegn hlutdrægni í ffjálslyndum fréttamiðlum“. Sjá: News Bnsters, 2. maí
2008: http://newsbusters.org/blogs/noel-sheppard/2008/0S/02/venture-firm-
puts-millions-green-companies-gore-has-stake-in [sótt 2. desember 2008].
Ritið 2/2008, bls. 77-114
77