Þjóðlíf - 01.05.1988, Page 7

INNLENT
Gamla Bæjarútgeröin. Erfiðleikarnir eru ekki hvað síst raktir til sameiningarinnar við ísbjörninn fyrir tveimur árum.
Skuldum vafinn Grandi
Skuldar yfir 1380 milljónir króna . Söfnuðu
skuldum fyrir tugi milljóna í fyrra meðan
„mesta góðærið ríkti“. Fyrirmyndar-
fyrirtækið komið undir mæliker
gagnrýninnar.
Skuldir Granda hf nema samkvæmt árs-
reikningi félagsins rúmum 1387 milljónum
króna (1.3.872.217), en eigið fé fyrirtækisins
nemur 623.6 milljónum króna. Nú hefur
fyrirtækið verið starfandi undir stjórn nú-
verandi forsvarsmanna í rúmlega tvö ár, en
Grandi var eins og kunngt er stofnaður með
samruna ísbjarnarins og BÚR á sínum tíma.
Þegar fyrirtækin voru sameinuð voru
margir þeirrar skoðunar að skynsamlega
hefði verið staðið að málum. Upp væri risið
nýtt og öflugra útgerðarfyrirtæki í Reykjavík
í stað þeirra tveggja erfiðu fyrirtækja sem
lögð voru niður. Nýir stjórnendur með
Brynjólf Bjarnason í broddi fylkingar þóttu
líklegir til að feta nýjar slóðir í þessari hefð-
bundu undirstöðugrein og margir bundu
vonir við þennan rekstur. Gagnrýnendur
voru hins vegar þeirrar skoðunar að í raun
væri verið að bjarga voldugri fjölskyldu í
Sjálfstæðisflokknum, fjölskyldu Ingvars Vil-
hjálmssonar sem átti ísbjörninn og stóra
hluti í Olís.
Sjálfstæðisflokkurinr. hefur á marksvissan
hátt tileinkað sér Granda og gárungarnir
segja að Grandi hafi tekið við af Hafskip sem
fyrirmyndarfyrirtækið sem Morgunblaðið
vitnar til af sérstakri velþóknun. Brynjólfur
forstjóri var áður framkvæmdastjóri Al-
menna bókafélagsins og er í stjórn Árvakurs,
sem gefur Morgunblaðið út. En upp á síð-
kastið hafa efasemdir tekið að hrjá velunn-
ara sem aðra um ágæti rekstursins á Granda.
7