Þjóðlíf - 01.04.1989, Page 34

ERLENT
Noregur
Fjörkippur í
efnahagslífinu
Eftir nokkra stöðnun virðist
norskur efnahagur hafa tekið
svolítinn fjörkipp. Samkvæmt
spá norska Seðlabankans verður
viðskiptajöfnuður landsins hag-
stæður um 7 milljarða norskra
króna á þessu ári.
Þessar upplýsingar voru lagðar
fram á fundi í Seðlabankanum
fyrir skömmu og spáin byggir
m.a. á niðurstöðu fyrstu þriggja
mánuða yfirstandanandi árs.
Helstu ástæður sem nefndar
hafa verið fyrir þessum bata í
efnahagslífinu eru aukin fram-
leiðsla og hækkað verð á olíu á
heimsmarkaði.
Spá Seðlabankans gerir ráð
fyrir að hagvöxtur í ár verði
minni en innlendar verðhækkan-
ir og að í fyrsta skipti í tíu ár verði
hagvöxturinn meiri en í helstu
samanburðarlöndunum.
Þrátt fyrir efnahagsbatann fer
atvinnuleysi ört vaxandi í Noregi
og er nú meira en það hefur
nokkrun tíma verið frá seinna
stríði. Nú eru upp undir 100 þús-
und vinnufærra Norðmanna á at-
vinnuleysisskrá.
Ríkisstjórnin hefur reynt að
bregðast við atvinnuleysinu með
fjölþættum ráðstöfunum. Þar má
nefna þenslu í opinberum fram-
kvæmdum og aukið tilboð um
starfsmenntun. Einnig hefur
fjöldi Norðmanna sótt yfir landa-
mærin til Svíþjóðar, þar sem at-
vinnuástand er gott.
Yngvi Kjartansson/Noregi
SENDIBÍLASTÖÐIN HF.
BORGARTÚNI 21 áS SÍMI 25050 S3 REYKJAVÍK

34