Frjáls verslun - 01.10.2012, Page 134

134 FRJÁLS VERSLUN 11. 2012
Leikrit ársins
Allir leikararnir jafnir
Ástbjörg Rut Jónsdóttir, leiklistargagnrýnandi hjá Víðsjá, segir að sér finnist svolítið
erfitt að gera upp á milli leikritanna Jónsmessunótt og Rautt en velur Jónsmessunótt
sem leikrit ársins að sínu mati.
M
ér finnst verkið vel skrifað
og leikstjórnin var góð; það
var eins og maður fyndi fyrir
einhverjum kærleika úr þessu
ferli sem skilaði sér í gegn­
um verkið sjálft. Þar fær Harpa Arnardóttir
leikstjóri stóra rós í hnappagatið en hún er
vandvirkur og skapandi leikstjóri.“ Þá segir
Ástbjörg að lýsing hafi verið frumleg og
tónlist spiluð sem hafi styrkt verkið. Ástbjörg
segir að sér finnist allir leikararnir hafa verið
jafnir og unnið vel saman. „Þetta er mikið
ádeiluverk en það er mikill húmor í því og
oft svartur húmor; það er oft gott að takast
á við erfiða hluti í gegnum húmor og það
var gert mjög vel. Textinn er skemmtilega
tvíræður og persónur eru skýrar en þær
standa fyrir mismunandi hegðunarmynstur
manneskjunnar og samfélagið sem við
búum í, enda eru fjölmargar táknmyndir og
vísanir í samfélagið í verkinu. Jónsmessu­
nótt minnir á alla eiginleikana í mannlegu
eðli og hversu marga möguleika fólk hefur
varðandi framkomu og samskipti.“
Ástbjörg vill nefna annað verk sem hún
segir að sér finnist vera magnaðasta leik­
listarupplifun sem hún hefur upplifað lengi.
TexTi: sVAVA JónsdóTTir