Frjáls verslun - 01.03.2015, Blaðsíða 34

34 FRJÁLS VERSLUN 3 tbl. 2015
1.
Hefur Framtakssjóðurinn náð mark mið­
inu um endurreisn atvinnulífsins sem að
var stefnt við stofnun hans?
V
ið höfum frá
stofnun sjóðsins
fjárfest í níu
fyrirtækjum í
ólíkum geirum
atvinnulífsins.
Með því að
greina fljótt
það sem þarf að lagfæra í innviðum fyrir ­
tæk isins ásamt því að vinna markvisst að
stefnumótun fyrirtækjanna hefur ár ang ­
ur inn verið nokkuð góður. Við munum
flest hvernig viðskiptaumhverfið var árið
2009 þar sem óvissa og tortryggni var
mikil. Þau fyrirtæki sem sjóðurinn fjárfesti
í voru sum starfandi í umhverfi þar sem
stórir viðskiptavinir voru alþjóðlegir, þ.e.
bankastofnanir, birgjar og kaupendur þar
sem vantraust gagnvart íslensku félögum
fyrirfannst óhjákvæmilega.
Það þurfti því mikið hugrekki stofnenda
til þess að stofna sjóð sem þennan. Með
aðkomu sinni að þeim níu fyrirtækjum sem
sjóðurinn hefur fjárfest í tryggði Fram taks ­
sjóðurinn áframhaldandi starf semi þessara
fyrirtækja sem þúsundir aðila hafa afkomu
sína og viðurværi af beint og óbeint.
Sjóðurinn kom sem virkur eigandi að
fyrir tækjum á óvissutímum og lagði þeim
til fé og vinnu við rekstrarlega og fjár hags ­
lega endurskipulagningu. Ég held að við
hljótum að geta verið sátt við árangurinn.
Öll þau fyrirtæki sem sjóðurinn hefur
kom ið að eru í dag öflug fyrirtæki í góðum
rekstri samhliða því að sjóðurinn hefur
ávaxtað vel þá fjármuni sem eigendur
lögðu honum til.
2.
Framtakssjóðurinn hefur fjárfest fyrir
43 milljarða króna í fyrirtækjum frá
upphafi og ávaxtað þá um 40 milljarða
króna. En söluandvirði eigna og
gangvirði núverandi eignarhluta nemur
83 milljörðum króna. Þá hefur sjóðurinn
greitt eigendum sínum um 32 milljarða
króna í arð á tímabilinu. Þetta er einstök
arðsemi. Er hægt að halda því fram
að félagið hafi fengið eignir í upphafi
á brunaútsölu þar sem engir aðrir
fjársterkir fjárfestar voru á markaðnum?
Tímasetningar skipta auðvitað alltaf máli
í fjárfestingum og raunin hefur verið sú
að sambland af því hvernig mál hafa al­
mennt þróast í hagkerfinu, skýrri stefnu
stjórnar, stuðningi eigenda og samvinnu
starfsmanna FSI og lykilstarfsmanna þeirra
fyrirtækja sem FSI hefur fjárfest í hefur
skilað þeim árangri sem hefur náðst. Það
er ágætt að minnast þess að sjóðurinn
var mikið gagnrýndur fyrir fjárfestingar
sínar þegar ráðist var í þær. Gagnrýni
þess tíma beindist að því að óráðlegt væri
að fjárfesta í þeim fyrirtækjum sem við
fjárfestum í. Almennt var mikil svartsýni
ríkjandi og miklar efasemdir í umræðunni
um að þessar fjárfestingar myndu skila
sjóðnum mikilli arðsemi. Þegar sjóðurinn
fjárfesti t.d. í Icelandair Group voru uppi
háværar raddir um að sú fjárfesting væri
óskynsamleg bæði er varðar áhættu og
verðmat. Við fjárfestinguna í Promens á
árinu 2011 voru margir sem höfðu efa ­
semdir um að rétt væri að taka áhættu af
áframhaldandi rekstri þess félags og svo
mætti áfram telja um aðrar fjárfestingar
sjóðsins. Fjárfestingar eru í eðli sínu
áhættu samar og því er eðlilegt að skiptar
skoð anir séu um þær. Við berum fulla virð ­
ingu fyrir málefnalegri gagnrýni en höfum
kosið að láta verkin tala.
Fjárfestingar sjóðsins eru allar byggðar
á ítarlegri greiningu og sértækri stefnu
fyrir hverja fjárfestingu fyrir sig sem tekur
til upphafs fjárfestingar, væntrar ávöxt­
unar og sölu. Allar fjárfestingarnar eiga
það sameiginlegt að unnið hefur verið
markvisst að uppbyggingu rekstrar, bættri
framlegð og lækkun skulda. Á vegferð
okkar með þeim fyrirtækjum sem við höf ­
um fjárfest í höfum við ekki alltaf séð til
lands. Stjórn, stjórnendur og starfsmenn
hafa borið gæfu til að vinna vel saman í
þeim verkefnum sem sjóðurinn hefur tekist
á hendur. Ekkert gerist af sjálfu sér og
það að innleysa hagnað af fjárfestingum
sjóðsins er afrakstur mikillar vinnu sam­
hents hóps.
„Meðal eigenda hefur verið
umræða um stofnun nýs
sjóðs og lögðum við af stað
í að kynna þær hugmyndir
sem við sáum fyrir okkur
í þeim efnum. Þar var um
að ræða sjóð sem væri
stór og gæti komið öflugur
að verkefnum. Sá sjóður
myndi vera settur upp með
svipuðum hætti og núverandi
sjóður en með aðrar áherslur
í fjárfestingum.“
forsíðuViðtal
Nýr sjóður Í pÍpuNum