Frjáls verslun - 01.03.2015, Blaðsíða 40

40 FRJÁLS VERSLUN 3 tbl. 2015
svo dregist saman. Heildarsala Highliner
Foods undir merkjum Icelandic Seafood í
Bandaríkjunum á öllum afurðum var u.þ.b.
160 milljónir dollara eða 21 milljarður
króna á árinu 2014. Að mínu mati er
vörumerkið í dag í það minnsta jafnmikils
virði og áður en samstarfið við High Liner
hófst. Ég tel mikilvægt að það komi skýrt
fram í þessu viðtali að vörumerkið hefur
ávallt verið í eigu Icelandic Group og
að engar breytingar eru fyrirhugaðar á
eignarhaldi þess.
Síðan er ágætt að minnast á að frá því
þessi sala fór fram hafa orðið nokkrar
sameiningar í Bandaríkjunum á verk ­
smiðj um sem þessum og mun sú þróun
halda áfram. Því má leiða líkum að því
að Ice landic Group hefði þurft að vera
þátt takandi í slíkri vegferð til þess að
geta verið samkeppnishæft til lengri tíma.
Ég er því ekki í nokkrum vafa um að á
þessum tíma var þetta rétt ákvörðun og
það að okkur tókst að klára söluferlið á
afar góðu verði hafi verulega dregið úr
hættu á því að illa færi fyrir félaginu í heild.
Þrátt fyrir að afkoma Icelandic Group
hafi ekki náð öllum þeim markmiðum
sem ég hefði viljað sjá er fjárhagsleg staða
félagsins sterk. Það er meðal annars því
að þakka að vel tókst til í fjárhagslegri
endurskipulagningu félagsins þegar verk ­
smiðjur í Bandaríkjunum, Þýskalandi og
Frakklandi voru seldar.
11.
Framtakssjóðurinn lagði átta milljarða
í Promens fyrir fjórum árum þegar
fyrirtækið var talið verðlaust. Nýlega
var fyrirtækið selt til Bretlands og fékk
Framtakssjóðurinn 18 milljarða króna
fyrir 49,5% hlut sinn í fyrirtækinu og
innleysti þannig 10 milljarða hagnað.
Hverju svarar þú gagnrýni um að frekar
hefði átt að skrá félagið í kauphöllina,
Nasdaq Iceland, byggja fyrirtækið frekar
upp erlendis og selja það síðar?
Það var skýr stefna hluthafa að setja
félagið á markað á Íslandi en hafa ber
í huga að Promens starfar í iðnaði og á
mörk uðum þar sem félögum hefur fækk­
að og þau stækkað. Til þess að vera ger ­
andi í slíkri þróun hefði félagið þurft
meira fé til vaxtar. Einnig má nefna að
lykilviðskiptavinir Promens höfðu óskað
eftir samstarfi sem kallaði á mikla fjár ­
fest ingu á næstu misserum. Félagið hafði
tryggt sér lánsfjármögnun hjá erlendum
viðskiptabönkum sínum en þurfti einnig
að auka hlutafé. Íslenskar krónur koma
að litlu gagni í þeirri vegferð. Félagið
fékk ekki heimild til að fjárfesta í erlendri
mynt umfram þá fjármuni sem urðu til
í rekstri félagsins sjálfs. Það hefði því
verið erfitt að fylgja eftir nauðsynlegum
vexti félagsins á markaði á Íslandi ásamt
því að styðja við innri fjárfestingar sem
fylgir framleiðslufyrirtæki á þroskuðum
markaði. Það var tekin ákvörðun um að
selja félagið til RPC og var söluverðið sem
fékkst fyrir félagið mjög gott að okkar
mati. Enda þótt það hefði verið spennandi
að fylgja félaginu áfram og taka þátt í
uppbyggingu þess með því að fara inn á ný
markaðssvæði og fjárfesta í fyrirtækjum og
nýjum verksmiðjum má ekki gleyma því
að slíku fylgir áhætta. Rekstur fyrirtækja
er áhættusamur og jafnvel þótt stjórnendur
og starfsfólk Promens hafi staðið sig afar
vel er ekkert öruggt um það að félagið
hefði náð viðunandi arðsemi í vaxandi
sam keppni á markaði. Fyrir eru á þessum
markaði öflug og vel rekin fyrirtæki svo
sem RPC sem keypti Promens.
12 .
Sænski fjárfestirinn AdvInvest með
Thomas Ivarson í fararbroddi keypti á
síðasta ári 57% hlut í Advania. Hann
keypti síðan á dögunum óvænt afganginn
af hlut Framtakssjóðsins í Advania,
32%. Kom aldrei til greina að selja fyrir­
tækið að fullu í fyrstu atrennu?
forsíðuViðtal
Enda þótt það hefði verið spennandi að fylgja Promens áfram og taka þátt í
uppbyggingu þess með því að fara inn á ný markaðssvæði og fjárfesta í fyrirtækjum
og nýjum verksmiðjum má ekki gleyma því að slíku fylgir áhætta.

Kaup advinvEst á öllum hlut FramtaKssjóðsins Í advania
„Við leggjum áfram áherslu á að byggja upp starfsemi Advania á Íslandi samhliða alþjóðlegri
starfsemi félagsins. Þá er stefnt að því að Advania verði tvískráð í kauphöll á Íslandi innan
tveggja ára og í kjölfarið í Stokkhólmi“, sagði Thomas Ivarsson, stjórnarformaður Advania og
einn eigenda helsti eigandi AdvInvest, eftir kaupin á 32% hlut Framtakssjóðsins í Advania en
fyrir átti AdvInvest 58% í félaginu sem var keyptur af Framtakssjóðnum á síðasta ári. Það var
fjármálafyrirtækið Beringer Finance sem var ráðgjafi kaupenda í viðskiptunum.
Stjórn Advania. Talið frá vinstri: Katrín Olga Jóhannesdóttir, Kristinn Pálmason,
Thomas Ivarson stjórnarformaður, Birgitta Stymne Göransson og Bengt Engström.