Frjáls verslun - 01.09.2007, Qupperneq 30

30 F R J Á L S V E R S L U N • 9 . T B L . 2 0 0 7
DAGBÓK I N
Þetta er ein af fréttum
mánaðarins og örugglega
sú umtalaðasta. Við erum
auðvitað að ræða um frétt RÚV
af meintu ólöglegu verðsamráði
á matvörumarkaðnum og
meintum blekkingum gagnvart
viðskiptavinum þegar
verðkannanir eru gerðar.
Spjótunum var sérstaklega
beint að erkifjendunum
Bónus og Krónunni og meintu
verðsamráði þeirra á milli. Það
varð vægast sagt allt vitlaust
út af þessum fréttum. Enda
ekki nema von; ásakanirnar eru
býsna alvarlegar. Bæði Hagar,
sem reka Bónus, og Kaupás,
sem rekur Krónuna, mótmæltu
þessum fréttum af mikilli
hörku.
Forráðamenn Haga sögðu
í fréttatilkynningu að um
væri að ræða alvarlega aðför
að orðspori fyrirtækisins og
æru starfsmanna þess. Undir
henni væri ekki hægt að sitja
þegjandi og myndu Hagar íhuga
réttarstöðu sína vegna þess.
Í fréttaflutningi RÚV af
málinu var haft eftir Kristni
Skúlasyni, rekstrarstjóra
Krónunnar, að matvöruverði
í Krónunni væri breytt
margsinnis yfir daginn.
Sömu sögu hafði Guðmundur
Marteinsson, framkvæmdastjóri
Bónuss, að segja; verði
væri breytt þar oft á dag.
Þessar tíðu verðbreytingar
sögðu þeir stafa af því að
verslanirnar fylgdust með verði
keppinautanna.
RÚV hóf málið á því að
nokkrir núverandi og fyrrverandi
starfsmenn Bónuss, Hagkaupa
og Krónunnar (sem ekki
vildu koma fram undir nafni)
hefðu greint fréttamönnum á
fréttastofu Ríkisútvarpsins frá
því að verð í búðunum væri
lækkað þegar verðkannanir
færu fram. Einnig sögðu þessir
ónafngreindu starfsmenn
að samstarf væri á milli
fyrirtækjanna um vöruverð.
Því næst fóru tveir
fréttamenn RÚV í
rannsóknarblaðamennsku og
könnuðu málið í verslunum
Bónuss og Krónunnar. Kom
fram í fréttunum að þeir hefðu
sannreynt margt af því sem
starfsmennirnir höfðu sagt.
Fréttamennirnir sögðust
fyrst hafa farið á vettvang
sem „óbreyttar húsmæður“
og kynnt sér verð á nokkrum
vörutegundum. Í öllum tilvikum
hefði verð á pakkavörum verið
krónu lægra í Bónus, eins
og heimildarmenn sögðu að
samstarf væri um.
Hálftíma síðar höfðu þeir
vistaskipti, þ.e. sá fréttamaður
sem fór í Bónus fór í Krónuna
og öfugt. Í þetta skiptið kynntu
þeir sig sem fréttamenn sem
vildu kanna vöruverð.
Sama verð var á vörunum í
Bónus hvort sem húsmóðirin
eða fréttamaðurinn keyptu inn.
Verðið í Krónunni hafði á hinn
bóginn lækkað umtalsvert.
„Á þeim hálftíma sem leið
milli ferða húsmóðurinnar
og fréttamannsins í
Krónuna lækkaði kílóverð
á kjúklingabringu um 34%
auk þess sem afsláttur við
kassa var 50% í stað 10%
hálftíma áður,“ sagði Guðrún
Frímannsdóttir, fréttamaður
Ríkisútvarpsins í kvöldfréttum.
Það var þó fyrst og fremst
eftirfarandi frásögn hennar
af ódýrum kjúklingabringum
neðst í frystinum sem varð
táknræn fyrir fréttina. „Þegar
fréttamaðurinn hefði kynnt sig
sem slíkan hefði starfsmaður
Krónunnar fundið bringurnar en
við leitina stóð hann nánast
á haus ofan í kælidisknum,
leitaði og gróf og fann tvo
pakka sem voru ódýrari.“
Þannig var nú fréttin sú. En
eftir stendur fólk og spyr hvers
vegna keppinautar Haga og
Kaupáss undirbjóða ekki þessi
fyrirtæki fyrst þau hafa myndað
„gat á markaðnum“? Það er
nú það.
2. nóvember
Karl Wernersson út úr 365
Morgunblaðið sagði frá miklum tilfæringum með bréf í 365 hf.
og Teymi hf. en bæði félögin eru skráð í Kauphöllinni. Stóra
málið er að félög í eigu Pálma Haraldssonar, Fons, og þeirra
Þorsteins M. Jónssonar og Magnúsar Ármanns, Sólmon,
keyptu 15% hlut Milestone í 365. Viðskiptin námu um 1,2
milljörðum króna. Hvort félag um sig keypti 7,5%. Gengið í
þessum viðskiptum var 2,35.
Milestone keypti þess í stað 5% hlut FL Group í Teymi fyrir
sömu fjárhæð. Með þessum viðskiptum eiga bræðurnir Karl
og Steingrímur Wernerssynir ekki lengur í 365.
Samanlagður hlutur félaga í eigu þeirra Pálma, Þorsteins
og Magnúsar í 365 er núna kominn í 41,4%. Og eftir þessi
viðskipti á Milestone um 17% hlut í Teymi en Baugur Group
er þar stærsti eigandinn með um 30% hlut.
Hin táknræna mynd af
fréttunum um meint verðsamráð
var um kjúklingabringurnar
neðst í frystinum.
1. nóvember
Meint verðsaMráð stórMarKaðanna