Frjáls verslun - 01.09.2007, Síða 37

F R J Á L S V E R S L U N • 9 . T B L . 2 0 0 7 37
Háskólanám í lögfræði
Að loknu menntaskólanámi hélt Þórunn beinustu leið í
lagadeild Háskóla Íslands og segir það örugglega hafa haft
áhrif á námsvalið að faðir hennar var lögfræðingur, þó að
hún hefði ekki viðurkennt það á sínum tíma. Hún ákvað
að þreyta inntökuprófið í lögfræðina með því hugarfari að
ef hún næði því ekki myndi hún snúa sér að íslensku eða
sögu. Svo fór þó ekki og að loknu námi hér heima, eftir að
hafa starfað sumarlangt hjá sýslumanninum í Búðardal, hélt
Þórunn til mastersnáms við Cornell University Law School
í fallegum háskólabæ á austurströnd Bandaríkjanna.
Þórunn segir námið þar hafa opnað sér allt aðra sýn
á lögfræðina og tamið sér gagnrýna hugsun því eftir
á að hyggja hafi sér fundist vera dálítil mötun í
lagadeildinni hér heima og undantekning ef
haldnir voru verkefnatímar, þó að það hafi nú
gjörbreyst.
Í Bandaríkjunum hafi kennsluaðferðirnar hins vegar
byggst á því að nemendur voru miskunnarlaust teknir
upp og prófessorarnir verið í endalausum rökræðum við
þá. Þórunn naut tímans í Bandaríkjunum og heldur enn
sambandi við suma skólafélaga sína.
Vill reyna á sig í starfi
Eftir mánaðarferðalag um Bandaríkin var kominn tími til
að snúa heim til Íslands og fór Þórunn þá að vinna, fyrst
sem fulltrúi á lögmannsstofu föður síns, en síðar sem einn
af eigendum stofunnar sem nú heitir LEX.
Þar hefur hún nú starfað í nærri
25 ár og stofan gjörbreyst og
stækkað í gegnum árin.
Þórunn segist vera svo
lánsöm að starfa
á vinnustað þar
Þórunn Guðmundsdóttir,
hæstaréttarlögmaður og
einn eigenda LEX lögmannsstofu.
n æ r m y n d a f þ ó r u n n i g u ð m u n d s d ó t t u r