Frjáls verslun - 01.09.2007, Side 59

F R J Á L S V E R S L U N • 9 . T B L . 2 0 0 7 59
... of ungir til að leggja árar á bát
Íslenskir stjórnendur hafa fært út kvíarnar svo um munar og
ekki má gleyma að sumt er hægt að gera enn betur. „Við getum
bætt okkur í samskiptum og ég held að íslenskir stjórnendur séu
ekkert vanir því að stjórna stórum alþjóðlegum fyrirtækjum.“
Ein af ástæðunum fyrir velgengni íslenskra fjármálafyrirtækja
í útrás gæti verið hve ungir bankastjórarnir á Íslandi eru. Einn
viðmælendanna vildi meina að yngri stjórnendur séu tilbúnir
til þess að „hlaupa svolítið hratt og hafa breiðari þekkingu á
markaðnum akkúrat eins og hann er á þeim tíma heldur en
mikið eldri stjórnendur“.
Það kom einnig í ljós að stjórnendurnir sem rætt var við
byrjuðu allir að vinna ungir að árum líkt og hefur verið með
flesta Íslendinga. En sérstaða þeirra er ef til vill hve snemma
þeir voru gerðir að stjórnendum, meðal annars sem fyrirliðar,
þjálfarar, flokkstjórar og framkvæmdastjórar.
Þannig má álykta að þeir hafi fengið dýrmæta reynslu
snemma á ævinni sem hefur jafnvel leitt þá þangað sem þeir
eru í dag. „Stjórnendur erlendis eru flestir að fá sína titla um
fimmtugt og hafa þá jafnvel ekki þor til að ráðast í miklar
breytingar þar sem stutt er í eftirlaunaaldur. En við erum alltof
ungir til þess að leggja árar í bát.“
Ekki verður fullyrt hvort stjórnunarstíll viðmælenda sé dæmi
um séríslenska stjórnunaraðferð. Án vafa komu þó fram einkenni
sem samkvæmt rannsókninni þekkjast ekki í þeim löndum sem
viðmælendur starfa eða hafa starfað í. Því má draga þá ályktun
að niðurstöður rannsóknarinnar renni stoðum undir það að
Íslendingar stjórni fyrirtækjum sínum á annan hátt en tíðkast
erlendis. En svo virðist sem sá stjórnunarstíll beri góðan ávöxt ef
marka má gengi íslenskra útrásarfyrirtækja hingað til.
ein af ástæðunum fyrir
velgengni íslenskra
fjármálafyrirtækja í
útrás gæti verið hve
ungir bankastjórarnir
á Íslandi eru.
Íslenskir stjórnendur eru óformlegir og hafa þor til að ráða sér hæfara
fólk og treysta starfsmönnum sínum. Þeir eru umbreytingaleiðtogar.
Dögg Gunnarsdóttir greinarhöfundur rannsakaði íslenska stjórnunarstílinn
í útrásarfyrirtækjunum í meistaraverkefni sínu við Háskóla Íslands.
Íslenskur stjórnunarstíll í útrásarfyrirtækjum
Stéttleysi Reddaragenið
Áhrif menningar Óformleg samskipti
Ungur aldur stjórnenda Lárétt skipulag
Íslenskir stjórnendur
Vingjarnlegir Traustsins verðir
Fyrirmyndir Góðir hlustendur
Aðgengilegir Ráða sér hæfara fólk