Frjáls verslun - 01.10.2008, Page 9

Fyrst þetta...
10 F R J Á L S V E R S L U N • 1 0 . T B L . 2 0 0 8
Það var margmenni á afmælis-
hátíð viðskiptafræðideildar og
hagfræðideildar Háskóla Íslands
14. nóvember síðastliðinn.
Haldið var upp á það að sjötíu
ár eru liðin frá upphafi kennslu
í viðskiptafræði og hagfræði á
Íslandi, en hún hófst árið 1938.
Hápunktur hátíðarinnar var
þegar lýst var kjöri þriggja heið-
ursdoktora við deildina; þeirra
Harðar Sigurgestssonar, Þóris
Einarssonar og Steen Lund
Thomsen.
Kristín Ingólfsdóttir, rektor
Háskóla Íslands, Ingjaldur
Hannibalsson, forseti viðskipta-
fræðideildar, og Gylfi Zoëga,
forseti hagfræðideildar, fluttu
ávörp. Eftir það flutti Vilhjálmur
Bjarnason, aðjúnkt í viðskipta-
fræðideild, annál um sögu við-
skiptafræða- og hagfræðideilda
á Íslandi.
Á milli atriða söng Gissur Páll
Gissurarson tenór lög eftir Gylfa
Þ. Gíslason en Gylfi var próf-
essor við háskólann í áratugi
og einn af upphafsmönnum
kennslu við deildina. Jónas
Ingimundarson lék undir hjá
Gissuri.
Hörður Sigurgestsson
Hörður Sigurgestsson var um
árabil forstjóri Eimskips og einn
áhrifamesti maður viðskiptalífs-
ins. Í ræðu sinni um Hörð sagði
Ingjaldur Hannibalsson, forseti
viðskiptadeildar, að Hörður hefði
kynnt á vinnustöðum sínum nýj-
ungar í stjórnun sem áttu eftir
að hafa víðtæk áhrif í íslensku
atvinnulífi. „Segja má að hann
hafi verið einn fyrsti atvinnu-
stjórnandinn á Íslandi.“
Þá nefndi Ingjaldur að Hörður
hefði lengi átt samleið með
Háskóla Íslands. Á námsárum
sínum sat hann í stúdentaráði
og var framkvæmdastjóri þess.
Á áttunda áratugnum hefði hann
verið prófdómari við viðskipta-
deildina, setið í háskólaráði um
árabil og gegnt fjölda trúnaðar-
starfa fyrir háskólann.
Þórir Einarsson
Þórir Einarsson var prófessor
í stjórnun við Háskóla Íslands
í meira en tvo áratugi áður
en hann varð ríkissáttasemj-
ari. Í ræðu sinni um Þóri sagði
Ingjaldur: „Þórir var prófessor
frá 1974 til 1995 með kennslu
og umsjón í stjórnun og skyldum
greinum eins og opinberri stjórn-
sýslu, stjórnun starfsmanna-
mála, þjónustustjórnun, samn-
ingatækni og framtaksfræði (nú
frumkvöðlafræði).“
Þá sagði Ingjaldur frá rit-
störfum Þóris en hann skrifaði
kennslubækur í stjórnun og
var meðhöfundur að viðskipta-
orðabókum, ensk-íslenskri og
íslensk-enskri.
„Þórir Einarsson gegndi lykil-
hlutverki við uppbyggingu náms
í stjórnun og skyldum greinum
í Háskóla Íslands á áttunda
og níunda áratug tuttugustu
aldar. Viðskiptafræðideildinni
finnst mikill fengur að því að
heiðra einstakling sem hefur
átt svo stóran þátt í að byggja
upp kennslu í viðskiptafræði á
Íslandi.“
Viðskiptadeildin 70 ára:
Þrír heiðursdoktorar
Kristín Ingólfsdóttir, rektor Háskóla Íslands, Þórir Einarsson heiðursdoktor, Steen Lund-Thomsen, heiðursdoktor, Hörður Sigurgestsson,
heiðursdoktor, og Ingjaldur Hannibalsson, forseti viðskiptafræðideildar.